2 Korinti

Bulus sẽkoo yɛnɛ shɔ Korinti

Yutasinɛ

Bulus sẽkoo au pɛsiyɛ yɛnɛ shɔ

Koranti,

Yutasinɛ

Bulus sẽkoo au pɛsiyɛ yɛnɛ shɔ Koranti i ɗɔbiiyɛ, bee sẽkoom aru gbete u yukɔnɛ siɗɔn a gãsi shɔ gbeteyi ãsisɨn a Ɗabii a Korantini. Gãsi shɔ sisɨn-ãnɛ Ɗabii i sha vikɔ̃linɛtɔ fɛ̃ɛm au kaka aɗɔn a Bulus yuuni nɛu ɓa jashonɛ tɔ̃vɨn ɓa, ama Bulus tasiyi ɔrinɛtɔ fɛ̃ɛm nɛi ɓasinaatɔ a tasiu yɛti puru ntanɛ sɔ̃ntɔ waanɛ.

A sẽkoom u gɨn-gɨn gaanɛ Bulus tadɔɔ ruu gbete ɓasiyi a shɔ sisɨn ãnɛ a Ɗabiitɔ fɛ̃ɛm, a vigbete pɔ̃urɛ tasi shɔ sisɨn ãnɛ biyi raayɛ, aru u ɔ̃nɛ i shɔnɔpɔ̃ni, kɛɗɔn nta sisɨn purutɔ gbete n-tirɛ yaa ruuvini pɛlinɛ a naɓasinɛ a shɔ sisɨn-ãnɛ Ɗabiini. Kɛɗɔn gaki shɔ sisɨn-ãnɛ Ɗabiirɛ nɛi toliyi vina ãnɛnɛ gbete yɛ n ti Urushalimayɛ, aru Bulus yɛ ɔ̃ ɓa sẽnɛnɛ ɓa yɛ ai i ɗɔbiitɔ aruviya i pɔ̃si Kirisa shɔraayi naatɔ. A laabeenɛm nakunɛ Bulus rau yuu a shɔ Koranti i naa ayuu ruu gbete shɔmala nyayeelinɛyi i sha au yuu nɛu ɓa jashonɛ tɔ̃vɨn ɓayɛ.

Vi au Ɓuzɨn yɛ

Yutasinɛ (1.1-11)

Bulus a shɔ sisɨn ãnɛyi a Korinti (1.12-7.16)

Kirisayi viãnɛ a Judiya (8.1-9.15)

Bulus rauyuu au ɔ̃nɛ jashonɛ(10.1-13.10)

Yisinɛ (13.11-13)