Skip to content
BibleKenya

Lamma Bible Translation Project

2 Korinti 4

Ɔ̃nɛ a ɓuzɨn sisɨn-ãnɛ

Ɗalapa au tete raa-ntanɛ ãu vishonɛmtɛ nɛu pɛlitɔ, aruukɔ ukɔu nyɔsisɨnnɛ. U sɨn viɗɔɓusinɛtɛ a viyusẽni kpai kagbete; u pɛlivishonɛ ɓa a ruu shɔ ɗakinɛni ɓa, ko u kɔsi Ɗalapa nyaruubii gbete shɔ beeyɛ ɓa. U ɔ̃ a ɗɔsẽsẽ a Ɗalapa kabii u bɛli kopiyatɔ aru vitɔ̃vɨng pɛlinɛni. Aruviya ruu tɔ̃vɨn shɔkɛ ɓusinɛtɔ, shɔ ɓusi ɓɛɛjo a shɔ gbeteyi niiyɛ i nɔɔkɔ sheeli. I ji ã sisɨn ɓa Ɗabiini ɓa, aruviya ɗalapa kotipim japɛ̃pɛ̃ɛ pɔ̃yi sisɨn tɛttɔ a ɗɔkɨnri, zãriyi ɗɔsẽsẽ zɛnɛ gbete koli ai biiyɛ tɛttɔ, ɗɔsẽsẽ gbete au shɛ aka ruu tɔ̃vɨn Kirisi basinɛyɛ, shɔmkɔ ɔ̃rɛ nɔgbete Ɗalapa ɔ̃yɛ. Aruviya u nwari shɔ ɓa u ruubii ɓa; u nwari shɔ ɓɛɛ ruu Yesɔ Kirisi Uɓeyelapa, u ɓɛɛ naa ɔ fooyi aru Yesɔ yuu. Ɗlapa au shanɛ, <<Ɗɔsẽsẽ u kolipɛ a ɗɔkɨnri!>> Ji Ɗalapa gbetenkɔ pɔ̃u ɗɔsẽsẽrɛ koli au sisɨn, aru u pɔ̃rɛ shɔu zɛ Ɗalapa bassinɛ ɗɔsẽsẽ kɔlinɛ a Kirisi nɔkɨn.

A shɔmni kpai shɔ gbete u visuru a ɗɔnim ama u naa ɓari tɔ̃pɔ̃ gbãgbã weze, aruviya u tasinɛ kaka gbete sɔ̃nyaɓa pɛ Ɗalapa ɓɛɛyɛ, ɓau ɓɛɛ ɓa. U ɓooraa a lee-lee, ama shɔji mɛuɓa; ɗaleewɔ u sisɨn vãtɔ ziti, ama u sisɨn shɛ ɓa ɗɔmɓa; U shɔnɔpɔ̃yi aɗɔn fɛ̃ɛm, ama ji leriu wesa pɛlinɛɓa; ko shɔ ntariu norɔ̃ɔ̃tɛ a leewɔni, shɔ lɛsiuɓa. Kopiɗaviya u tuu Yesɔ vɔnɛtɔ au bi, nɔgbete shɔu zɛu suru au biiyɛ. Kɔpi leepiya u ɔ̃nɛ a nyaba vɔnɛ aru Yesɔ yuu, aruviya shɔu zɛu surutɔ au bi shɔzɛni. Vimkɔ tasitɛ nɛ vɔrɔ a ɗɔgbete shovi au biiyɛ, ama suru ɓɛɛ jo a ɗɔvishonɛ awɔ biini.

Ɗanyaruubii shanɛ, <<N nwanya aru gbete n ã sisɨntɛttɔ.>> A suru sisɨn ãnɛ gbetenkɔ, u nwanya kɛkn jo aru gbete u ã sisɨntɛ. U zɛ tɛttɔ Ɗalapa gbete yusi Uɓeyelapa Yesɔ a suruni, yɛ yusiu sɔ̃njo a Yesɔni u tuurɛ a mokɔni yɛnɛu ɗekɨn. Shɔm kpai shɔ pɛli ji awɔ yuukɔ; naa Ɗalapa tɔ̃vɨn pɛlinɛ kɛ shanɛ a shɔzɛ bi waanɛ yɛnɛ ɗekɨnɗekɨn, i yɛ gaki Ɗatɔ bang aru Ɗalapa bassinɛ a dɔ̃rinɛni.

Ɔ̃nɛ a Nyaba Sisɨn ãnɛ

Aru nankɔ u sisɨn ji vɔɓa. Ko u bi a ɗɔɔ pũnɛ lɛmlɛm, ama u suru ɓɛɛjo a ɗɔkɔsinɛ ko-pi leeshɔpiya. Jaa raaɓoonɛ au ɔ̃ ɓa dangdang ɓam, shɔgbete u a ɗɔɔɓoonɛyɛ yɛ n-tiu bassinɛ pɛ̃niba gbete sɔ̃nyaɓatɔ, u tɛɛ raaɓoonɛtɔ fɛ̃ɛm. Aru u pɔ̃ sisɨn ɓa ayuu vigbete u nɔɔ zɛyɛɓa, ama a yuu vigbete nɔɔ zɛ ɓayɛ. Vigbete shɔ zɛyɛ ɔ̃ɓa dangdang ɓa, ama vigbete nɔɔ zɛ ɓayɛ ɔ̃ dangdang.

Lamma Bible Translation Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.