Biblica® Open Sorani Kurdish Book of Life
لۆقا 6
ده‌رباره‌ی ڕۆژی شه‌ممه
له ڕۆژێكی شه‌ممه‌دا، عیسا به‌ناو ده‌غڵێك تێدهپهڕی، قوتابیه‌كانی گوڵه‌گه‌نمیان لـێ ده‌كرده‌وه‌و له‌به‌ری ده‌ستیان ده‌یان پرواندو ده‌یان خوارد. هه‌ندێ له‌فه‌ریسیه‌كان پێیان ووتن: (بۆچی كارێك ده‌كه‌ن لهشهممهدا دروست نییه؟) عیسا وه‌ڵامی دانه‌وه‌و ووتی: (ئه‌ی نه‌تان خوێندۆته‌وه داود چی كرد كاتێ برسیبوو، له‌گه‌ڵ ئه‌وانه‌ی له‌گه‌ڵی بوون؟ چۆن چووه ماڵی خوداو نانی قوربانی خواردو دای به‌وانه‌ش كه له‌گه‌ڵی بوون، له‌گه‌ڵ ئه‌وه‌ش خواردنی ئه‌و نانه دروست نییه ته‌نها بۆ كاهینه‌كان نه‌بێت؟) ئینجا پێی ووتن: (ڕۆڵه‌ی مرۆڤ خۆی گه‌وره‌ی ڕۆژانی شه‌ممه‌یه).
چاكردنه‌وه‌ی نه‌خۆش له‌شه‌ممه
لهشهممهیهكی تردا، عیسا چووه كهنیشتو ده‌ستیكرد به فێركردن. پیاوێكی لـێ‌بوو ده‌ستی ڕاستی ووشك بووبوو. مامۆستایانی شهریعهتو فه‌ریسیه‌كان سه‌یری عیسایان ده‌كرد، تاكو بزانن ئایا له‌ڕۆژانی شه‌ممه‌دا خه‌ڵكی چاك ده‌كاته‌وه، هه‌تا شتێك بدۆزنه‌وه، بۆ ئه‌وه‌ی تاوانباری بكه‌ن، به‌ڵام ئه‌و به‌مه‌به‌ستی زانین، به‌پیاوه‌كه‌ی ووت: (هه‌سته، ڕاوه‌سته له‌به‌رده‌م خه‌ڵكه‌كه‌دا، ئه‌ویش هه‌ستاو له‌وێ ڕاوه‌ستا. عیسا پێی ووتن: (من پرسیارێكتان ئاراسته ده‌كه‌م، ئایا له‌ڕۆژانی شه‌ممه‌دا چی دروسته، كردنی كاری باش یان كاری خراپ؟ ڕزگاركردن یاخود له‌ناوبردن كامیان باشتره؟) دوای ئه‌وه‌ی چاوی بهههموویان گێڕا، به‌پیاوه‌كه‌ی ووت: (ده‌ست درێژكه.) ئه‌ویش ئه‌مه‌ی كردو ده‌ستی وه‌ك جاری جاران چاك بووه‌وه. به‌ڵام ئه‌وان زۆر تووڕه بوونو كه‌وتنه ڕاوێژو ته‌گبیر له‌گه‌ڵ یه‌كتری بۆ ئه‌وه‌ی شتێك لهعیسا بكه‌ن.
دوانزه نێرراوه‌كه
لهوڕۆژانهدا عیسا به‌ره‌و شاخ ڕۆیشت تاكو له‌وێ نوێژ بكات، ئه‌و شه‌وه‌ی به‌نوێژكردن بۆ خودا بهسهربرد. كاتێ ڕۆژ بووه‌وه، قوتابیه‌كانی بانگكرد، دوانزه‌ی لـێ ههڵبژاردنو ناوی لێنان نێرراوان ئه‌وانه‌ش ئه‌مانه بوون. شه‌معون كـهنـاوی نا په‌ترۆس، ئه‌نده‌راوسی برای، یاقوب، یۆحه‌ننا، فیلیپۆس، به‌رتولماوس، مه‌تتا، تۆما، یاقوبی كوڕی حه‌لفی، شه‌معون كه ناسراوبوو به‌دڵگه‌رم، هه‌روه‌ها یه‌هوزای كوڕی یاقوب له‌گه‌ڵ یه‌هوزای ئه‌سخه‌ریوتی كه له دواییدا به‌ناپاك ده‌رچوو. ئینجا عیسا له‌گه‌ڵیان هاته‌خواره‌وه، لهشوێنێكی ته‌ختایی ڕاوه‌ستا. له‌وێ ژماره‌یه‌كی زۆر لهقوتابیهكانی لـێ‌بوو له‌گه‌ڵ زۆر له‌خه‌ڵكی، كه لهناوچهی یه‌هودیاو قودسو سورو سه‌یدا هاتبوون. تاكـو گـوێیان لـێی بێتو لـهنهخۆشییهكانیان چاكبنهوه. ئه‌وانه‌ش كه ڕۆحی پیس ئازاری ده‌دان چاكبوونهوه. ئیتر هه‌موو خه‌ڵكه‌كه هه‌وڵیان ده‌دا ده‌ستیان پێی بكه‌وێت، چونكه هێزو توانایه‌كی مه‌زنی لـێدههاته ده‌ره‌وه‌و هه‌مووانی چاك ده‌كرده‌وه. ڕوانیه قوتابیه‌كانیو ووتی: (خۆزگه‌تان پێ‌ده‌خوازرێ ئه‌ی هه‌ژاره‌كان چونكه پادشاهێتی ئاسمان بۆ ئێوه‌یه. خۆزگه‌تان پێ ده‌خوازرێ ئه‌ی ئه‌وانه‌ی ئێستا برسین چونكه تێرده‌بن. خۆزگه‌تان پێ‌ده‌خوازرێ ئه‌ی ئه‌وانه‌ی ئێستا ده‌گرین، چونكه پێ‌ده‌كه‌نن. خۆزگه‌تان پێ‌ده‌خوازرێ كاتێ خه‌ڵك ڕقیان لێتان ده‌بێته‌وه، جیاتان ده‌كه‌نه‌وه، جنێوتان پێ‌ده‌ده‌ن، بهبهدكار ناوتان ده‌به‌ن، له‌پێناوی ڕۆڵه‌ی مرۆڤ. شادومانو دڵخۆشبن چونكه پاداشتتان مه‌زنه لهئاسمان، باو باپیرانیان به‌و شێوه‌یه هه‌ڵسوكه‌وتیان كردووه له‌گه‌ڵ پێغه‌مبه‌ران. به‌ڵام خاك به‌سه‌رتان ئه‌ی ده‌وڵه‌مه‌نده‌كان، چونكه دڵنهواییكران. خاك به‌سه‌رتان ئه‌ی ئه‌وانه‌ی ئێستا تێرن، چونكه دوایی برسی ده‌بن. خاك به‌سه‌رتان ئه‌ی ئه‌وانه‌ی ئێستا پێ‌ده‌كه‌نن، چونكه دوایی دهگرینو غه‌مبار ده‌بن. خاك به‌سه‌رتان كاتێ هه‌موو خه‌ڵك ستایشتان ده‌كات، چونكه باوباپیرانیان هه‌مان شتیانكرد له‌گه‌ڵ پێغه‌مبه‌ره درۆزنه‌كان.
دوژمنه‌كانتان خۆش بوێ
( به‌ڵام ئه‌ی گوێگران، پێتان ده‌ڵێم: دوژمنه‌كانتان خۆش بوێ، چاكه بكه‌ن له‌گه‌ڵ ئه‌وانه‌ی ڕقیان لێتـان ده‌بێته‌وه. داوای پیرۆزی بكه‌ن* بۆ ئه‌وانه‌ی نه‌فره‌تتان لـێ‌ده‌كه‌ن، نوێژ بكه‌ن بۆ ئه‌وانه‌ی خراپه‌تان به‌رامبه‌ر ده‌كه‌ن ئه‌وه‌ی كێشای به لایه‌كی ڕوومه‌تت، لایه‌كه‌ی تریشی بۆ ڕاگره. گه‌ر یه‌كێ چاكه‌ته‌كه‌ی لهبهرداكهنیت، ڕێی لێ‌مه‌گره باكراسه‌كه‌شت ببات. ئه‌وه‌ی داوای شتێكت لـێ ده‌كات، بیده‌رێ، ئه‌وه‌ش كه شتێكت لـێ داگیر ده‌كات لێی داوامه‌كه‌وه. چۆن ده‌تانه‌وێ خه‌ڵكی هه‌ڵسوكه‌وتتان له‌گه‌ڵ بكه‌ن، له‌پێشا ئێوه به‌و شێوه‌یه هه‌ڵسوكه‌وتیان له‌گه‌ڵ بكه‌ن.
(گه‌ر هاتوو بهتهنها هه‌ر ئه‌وانه‌تان خۆشویست كه خۆشیان ده‌وێن، چ چاكه‌یه‌ك ده‌كه‌ن؟ ته‌نانه‌ت گوناهبارانیش ئه‌وانه‌یان خۆشدهوێ كهخۆشیان ده‌وێن. ئه‌گه‌ر كرداری باشتان هه‌ر له‌گه‌ڵ ئهوانهداكرد كه كرداری باش به‌رامبه‌رتان ده‌كه‌ن، ئایا چ چاكه‌یه‌ك ده‌كه‌ن؟ ته‌نانه‌ت گوناهبارانیش ئه‌مه ده‌كه‌ن. ئه‌گه‌ر ته‌نها قه‌رز بده‌ن به‌وانه‌ی ده‌زانن قه‌رزه‌كه ده‌گه‌ڕێننه‌وه، چ چاكه‌یه‌ك ده‌كه‌ن؟ ته‌نانه‌ت گوناهبارانیش قه‌رز ده‌ده‌ن به‌وانه‌ی ده‌زانن قه‌رزه‌كانیان ده‌ده‌نه‌وه. به‌ڵام ئێوه دوژمنه‌كانتان خۆشبوێ، چاكه‌یان له‌گه‌ڵ بكه‌ن، قه‌رزیان بده‌نێ بێ‌ئه‌وه‌ی هیوای وه‌رگرتنه‌وه‌تان هه‌بێ، به‌مه پاداشتتان گه‌وره ده‌بێ‌و ده‌بنه ڕۆڵه‌ی خودای مه‌زن، چونكه ئه‌و میهره‌بانه له‌گه‌ڵ بهدنمهكو به‌دكاران. به‌به‌زه‌یی بن، هه‌روه‌ك چۆن باوكتان بهبهزهییه.
خه‌ڵكی تاوانبار مه‌كه‌ن
(خه‌ڵكی تاوانبارمه‌كه‌ن، تا تاوانبارنه‌كرێن. كه‌س سه‌رزه‌نشت مه‌كه‌ن، سه‌رزه‌نشت ناكرێن. له‌خه‌ڵكی خۆش بن، لێتان خۆش ده‌بن. بهخهڵكی بده‌ن، پێتان ده‌درێت، پێوانه‌یه‌كی چاكی په‌ستێنراوی هه‌ژێندراوی پڕی لێ ڕژاوتان پێده‌درێ له‌باوه‌شتان، چونكه به‌و پێوانه‌یه‌ی بۆ خه‌ڵكی ده‌پێون بۆتان ده‌پێونه‌وه.)
نموونه‌یه‌كی بۆ هێنانه‌وه‌و ووتی: (ئایا كوێرێك ده‌توانێ كوێرێكیكه به‌ڕێدا ببات؟ ئایا هه‌ردووكیان ناكه‌ونه چاڵه‌وه؟ قوتابی لهمامۆستاكهی مه‌زنتر نییه، به‌ڵام هه‌ر كه‌سێ ته‌واو و ڕێك بێت، وه‌ك مامۆستاكه‌ی لـێ دێت. بۆچی سه‌رنج لهپووشی ناو چاوی براكه‌ت دهدهیتو گوێ‌ناده‌یته ته‌خته‌داره‌كه‌ی ناو چاوی خۆت؟ یان چۆن ده‌توانی بهبراكهت بڵێیت: (ئا برا، بهێڵه با ئه‌و پووشه له‌چاوت ده‌ربهێنم.) لهكاتێكدا تۆ خۆت ته‌خته‌داره‌كه‌ی ناو چاوی خۆت نابینیت؟ ئه‌ی دووڕوو، جارێ تۆ یه‌كه‌مجار ته‌خته‌داره‌كه‌ی ناو چاوی خۆت ده‌ربهێنه، ئینجا باش ده‌بینیت بۆ ئه‌وه‌ی پووشه‌كه‌ی ناوچاوی براكه‌ت ده‌ربهێنیت.)
ناسین به به‌رووبووم
(داری چاك نییه به‌ری خراپ بدات، داری خراپیش به‌ری چاك نادات له‌به‌ر ئه‌وه هه‌موو دارێك به به‌ره‌كه‌ی ده‌ناسرێ. له‌دڕك هه‌نجیر ناكرێته‌وه لهتووتڕكیش ترێ ناكرێته‌وه. مرۆڤی باش، له‌گه‌نجینه‌ی باشی دڵی، چی باش بێت ده‌ریده‌هێنێ، مرۆڤی خراپیش، له‌گه‌نجینه خراپه‌كه‌ی، چی خراپ بێت ده‌ریده‌هێنێ، چونكه ئه‌وه‌ی لهدڵ هه‌ڵده‌قوڵێ ده‌م پێی ده‌دوێ.
ئه‌و خانووه‌ی بناغه‌كه‌ی له به‌رده
(چۆن بانگم ده‌كه‌ن گه‌وره‌م، گه‌وره‌م، كه‌چی كار ناكه‌ن به‌وه‌ی من ده‌یڵێم؟ ئه‌وه‌ی دێ بۆلام، گوێ له‌ووته‌كانم دهگرێتو كاری پێدهكات، پێتان ده‌ڵێم لهكێ ده‌كات. له‌مرۆڤێك ده‌كات خانوویه‌ك دروست ده‌كات، زه‌ویه‌كه‌ی هه‌ڵده‌كه‌نێ بهقووڵی، تابناغهكهی له‌سه‌ر زه‌وییه‌كی به‌ردین دابنێ، ئینجا بارانێكی زۆر ده‌بارێ‌و لافاو له‌خانووه‌كه‌ی ده‌دا، به‌ڵام له‌شوێنی خۆی نایجوڵێنێ. له‌به‌رئه‌وه‌ی له‌سه‌ر زه‌وییه‌كی به‌ردین داڕێژراوه. به‌ڵام، ئه‌وه‌ی گوێی لـێ بوو و كاری پێ‌نه‌كرد، له‌مرۆڤێك ده‌كات خانووه‌كه‌ی له‌سه‌ر زه‌وییه‌كی بێبناغه دروست بكات. كاتێ لافاو له‌خانووه‌كه‌ی ده‌دا، دهستبهجێ ده‌ڕوخێ، ڕوخانێكی ته‌واو.)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.