Biblica® Open Sorani Kurdish Book of Life
لۆقا 7
چاكردنهوهی خزمه‌تكاری سه‌رپه‌لێك
دوای ئه‌وه‌ی عیسا هه‌موو ووته‌كانی دا به‌گوێی خه‌ڵكه‌كه‌داو ته‌واوی كرد، چووه شاری كه‌فه‌رناحوم. كابرایه‌كی سه‌رپه‌ل خزمه‌تكارێكی نه‌خۆشی هه‌بوو له‌سه‌ره مه‌رگدا بوو، لای خۆشه‌ویست بوو. كاتێ بهههواڵی عیسای زانی، چه‌ند پیرێكی جووله‌كه‌ی نارده لای بپاڕێنه‌وه لێی تابێتو خزمه‌تكاره‌كه‌ی چاك بكاته‌وه. كاتێ گه‌یشتنه لای عیسا به‌گه‌رمی داوایان لـێكردو ووتیان: (ئه‌و پیاوه شایانی ئه‌وه‌یه داواكارییه‌كه‌ی جێبهجێ بكه‌یت، ئه‌و گه‌لی ئێمه‌ی خۆش دهوێتو كه‌نیشتیشی بۆ دروستكردووین.) عیسا له‌گه‌ڵیان چوو. هێشتا نه‌گه‌یشتبووه نزیك ماڵه‌كه، سه‌رپه‌له‌كه هه‌ندێ هاوڕێی خۆی نارد كه پێی بڵێن: (گه‌وره‌م ئه‌رك مه‌كێشه، من شایانی ئهوهنیم، تۆ خۆت بێیته ماڵه‌كه‌م، هه‌روه‌ها شایانی ئه‌وه نیم ڕووبهڕووت بمه‌وه. هه‌ر له‌وێوه ووشه‌یه‌ك بڵێ، ئیشكه‌ره‌كه‌م چاكدهبێتهوه. منیش مرۆڤێكم له‌ژێر فه‌رمانی لهخۆم گه‌وره‌تر، هه‌روه‌ها سه‌ربازیشم هه‌یه له‌ژێر فه‌رمانمدان، به‌یه‌كێ ده‌ڵێم، بڕۆ، ده‌ڕوا، به‌وی تر ده‌ڵێم، وه‌ره، دێت، بهئیشكهرهكهم ده‌ڵێم، ئه‌وه بكه، ده‌یكات.) كاتێ عیسا گوێی لهمهبوو، سه‌رسام بوو، ئینجا ڕوویكرده هه‌موو ئه‌وانه‌ی دوای كه‌وتبوون، ووتی: (پێتان ده‌ڵێم، لهههموو ئیسرائیلدا باوه‌ڕێكی مه‌زنی وه‌ك ئه‌مه‌م نه‌دیوه) كاتێ ئه‌وانه‌ی نیررابوون گه‌ڕانه‌وه، بینیان نه‌خۆشه‌كه چاك بووه‌ته‌وه.
زیندووكردنهوهی مردوو
بۆ ڕۆژی پاشتر، عیسا ڕۆیشت بۆ شارێك ناوی نایین بوو زۆربه‌ی قوتابیه‌كانیو خه‌ڵكێكی زۆری له‌گه‌ڵ بوو. كاتێ له‌ده‌روازه‌ی شار نزیك بووه‌وه، ته‌رمێكی بینی به‌سه‌ر شانه‌وه، ئه‌ویش كوڕی تاقانه‌ی بێوه‌ژنێك بوو، خه‌ڵكێكی زۆری له‌گه‌ڵ بوو. كاتێ خوداوه‌ند ژنه‌كه‌ی بینی، به‌زه‌یی پیاهاته‌وه، پێی ووت: (مه‌گری.) ئینجا هاته پێشهوهو ده‌ستی له‌دارمه‌یته‌كه‌دا، هه‌ڵگرانی ته‌رمه‌كه ڕاوه‌ستان. ووتی: (ئه‌ی كوڕی گه‌نج، بهتۆ ده‌ڵێم، هه‌سته.) مردووه‌كه ڕاست بووه‌وه‌و ده‌ستی كرد بهقسهكردن، ئیتر عیسا دایه‌وه ده‌ست دایكی. خه‌ڵكه‌كه هه‌موو ترسیان لــێنیشـت، ئینجا ستایشی خودایانكردو ووتیان: (لهناوماندا پێغه‌مبه‌رێكی مه‌زن ده‌ركه‌وتووه، خودا گه‌له‌كه‌ی به‌سه‌ركرده‌وه!) ئه‌م هه‌واڵه لهههموو ناوچه‌ی یه‌هودیاو ده‌وروپشتی بڵاوبووه‌وه.
عیساو حه‌زره‌تی یه‌حیا
قوتابیه‌كانی یه‌حیا هه‌موو ئه‌م هه‌واڵانه‌یان بۆ یه‌حیا برد. یه‌حیاش دووان له قوتابیه‌كانی بانگكردو ناردنی بۆ لای خوداوه‌ند، تا لێی بپرسن: (ئایا تۆی ئه‌وه‌ی كه دێت، یاخود چاوه‌ڕێی یه‌كێكیتر بكه‌ین؟) كاتێ دوو قوتابیه‌كه هاتنه لای عیسا، ووتیان: (یه‌حیای لهئاوههڵكێش ئێمه‌ی ناردۆته لات، ده‌پرسێ، تۆی ئه‌وه‌ی كه چاوه‌ڕێی هاتنی ده‌كرێ، یاخود چاوه‌ڕێی یه‌كێكیتر بكه‌ین؟)
له‌وكاته‌دا عیسا زۆر نه‌خۆشی چاك كردبووه‌وه، ڕۆحی پیسی دهركردبوو، ڕووناكی خستبووه چاوی زۆر لهكوێرهكان. ئینجا عیسا وه‌ڵامی دوو نێرراوه‌كه‌ی دایه‌وه‌و ووتی: (بڕۆن هه‌واڵ بده‌ن بهیهحیا، ئه‌وه‌ی گوێتان لێیبووهو بینیوتانه، كوێر ده‌بینن، شهلو گۆج دهڕۆنو گوله‌كان پاكدهبنهوه، كه‌ڕه‌كان ده‌بیستن، مردووان زیندووده‌بنه‌وه‌و هه‌ژاران مژده‌یان پێدهدرێ. خۆزگه‌ده‌خوازرێ به‌وانه‌ی گومانم لێ‌ناكه‌ن.)
كه نێرراوانی یه‌حیا ڕۆیشتن، عیسا دهستیكرد بهقسهكردن دهبارهی یه‌حیا بۆ خه‌ڵكه‌كه، ووتی: (چوونه دهشتودهر بۆ بینینی چی؟ قامیشێك با ده‌یجوڵێنێته‌وه؟ ئه‌ی چوون چی ببینن؟ مرۆڤێك به‌به‌رگی نایابه‌وه؟ ئه‌وه‌تا ئه‌وانه‌ی به‌رگی نایاب دهپۆشنو ده‌وڵه‌مه‌ندن وان لهكۆشكی پادشاكانن كه‌واته چوون بۆ بینینی چی پێغه‌مبه‌رێك؟ به‌ڵێ پێتان ده‌ڵێم مه‌زنتر له‌پێغه‌مبه‌رێك. یه‌حیا ئه‌وه‌یه كه له‌كتێبی پیرۆزدا ده‌رباره‌ی نووسراوه: {من نێرراوی خۆم لهپێشتهوه ده‌نێرم، ئه‌وه‌ی ڕێگات بۆ ئاماده ده‌كات.}) من پێتان ده‌ڵێم لهنێوان ئه‌وانه‌ی لهئافرهت له‌دایك بوون لهیهحیا مه‌زنتری تیا نییه، به‌ڵام بچووكترین كه‌سی پادشاهێتی ئاسمان مه‌زنتره له‌و.) هه‌موو ئه‌وانه‌ی گوێیان لێ‌بوو، ته‌نانه‌ت باجگرانیش دانیاننا به‌دادپه‌روه‌ری خودا، چونكه له‌سه‌ر ده‌ستی یه‌حیا له‌ئاوهه‌ڵكێشرا بوون. به‌ڵام فهریسیهكانو مامۆستایانی شه‌ریعه‌ت، بهلووتبهرزیهوه ڕازینهبوون به‌خواستی خودا بۆیان، چونكه له‌سه‌ر ده‌ستی یه‌حیادا لهئاوههڵنهكێشرابوون.
(ئایا ئه‌م نه‌وه‌یه به‌چی به‌راورد بكه‌م؟ ئایا لهچی ده‌كه‌ن؟ ئه‌وان له‌و منداڵانه ده‌كه‌ن كه لهمهیدانی گشتی دانیشتوون، یه‌كتری بانگ دهكهنو ده‌ڵێن: (زوڕنامان بۆ لێدان كه‌چی هه‌ڵنه‌په‌ڕین، شینمان بۆكردن كه‌چی نه‌گریان.) یه‌حیا هات نه‌نان ده‌خواو نه‌مه‌ی ده‌خواته‌وه، ووتتان: (ئه‌مه ڕۆحی پیسی تیایه.) ئینجا ڕۆڵه‌ی مرۆڤ هات ده‌خواو ده‌خواته‌وه وه‌ك هه‌موو مرۆڤێك، ووتتان: (ئه‌مه كابرایه‌كی زۆرخۆرو سه‌رخۆشه هاوڕێی باجگرانو گوناهبارانه.) به‌ڵام ڕاستی دانایی به به‌رووبوومی ده‌رده‌كه‌وێ.)
لێخۆشبوونو خۆشه‌ویستی
یه‌كێ لهفهریسیهكان داوای له‌عیسا كرد لهماڵهكهی نان بخوات. ئه‌ویش چووه ماڵی فه‌ریسیه‌كه‌و له‌سه‌ر خوان دانیشت. له‌شاره‌كه‌دا ئافره‌تێكی گوناهبار هه‌بوو، ههرئهوهنده زانی عیسا له‌ماڵی فه‌ریسیه‌كه دانیشتووه، هات بهقاپێ ڕۆنی بۆن خۆشه‌وه، له‌به‌رپێیدا به‌گریانه‌وه ڕاوه‌ستاو پێیه‌كانی بهفرمێسك تهڕكردو به‌قژی بۆی سڕیه‌وه، پێی ماچكردو بهڕۆنهكه چهوریكرد.
كاتێ فه‌ریسیه‌كه ئه‌مه‌ی بینی، بهخۆی ووت: (گه‌ر ئه‌م كابرایه به‌ڕاستی پێغه‌مبه‌ر بێت، ئه‌وا ده‌زانێ ئه‌م ئافره‌ته‌ی ده‌ستی لێدهدات كێیه‌و چییه، چونكه گوناهباره.)
عیسا وه‌ڵامی دایه‌وه‌و پێی ووت: (شه‌معون، ده‌مه‌وێ شتێكت پێبڵێم.) شه‌معون ووتی: (بڵێ مامۆستا.) ئه‌ویش ووتی: (یه‌كێ له‌وانه‌ی پاره ده‌ده‌ن به‌خه‌ڵكی، پاره‌ی لای دوو كه‌س هه‌بوو، لای یه‌كێكیان پێنچ سه‌د دینار، لای ئه‌وی كه‌شیان په‌نجا. به‌ڵام هیچیان نه‌بوو له‌باتی بیده‌نه‌وه، كابرا لهههردووكیان خۆش بوو. كامیان زیاتر كابرایان خۆش ده‌وێت؟) شه‌معون وه‌ڵامی دایه‌وه: (له‌و باوه‌ڕه‌دام ئه‌وه‌ی پاره زۆره‌كه‌ی لابوو.) پێی ووت: (بۆ چوونه‌كه‌ت ڕاسته.) ئینجا ڕووی كرده ئافره‌ته‌كه‌و به‌شه‌معونی ووت: (ئه‌م ئافره‌ته ده‌بینیت، من هاتمه ماڵه‌كه‌ت، كه‌چی ئاوت نه‌دامێ پێمی پێبشۆم، به‌ڵام ئه‌م بهفرمێسك پێی بۆ شوشتمو به‌قژی سه‌ری بۆی سڕیم. تۆ ماچت نه‌كردم، به‌ڵام ئه‌م له‌وه‌ته‌ی هاتووم لهماچكردنی پێم ڕانه‌وه‌ستاوه. تۆ سه‌رت بهڕۆن چه‌ور نه‌كردم، به‌ڵام ئه‌م به‌و ڕۆنه گرانبه‌ها بۆن خۆشه پێی چهوركردم. بۆیه پێت ده‌ڵێم: (گوناهی زۆری به‌خشرا، چونكه زۆر خۆشه‌ویستی ده‌ربڕی، به‌ڵام ئه‌وه‌ی خۆشه‌ویستی كه‌مه، كه‌م ده‌به‌خشرێ.) ئینجا بهئافرهتهكهی ووت: (گوناهه‌كانت هه‌مووی به‌خشران.) به‌ڵام ئه‌وانه‌ی له‌وێ دانیشتبوون لهدڵی خۆیان ووتیان: (ئـه‌مـه كـێیه تـه‌نانه‌ت گوناهیش ده‌به‌خشـێ؟) له‌و كـاتـه‌دا عیسا به ئافره‌ته‌كه‌ی ووت: (بـاوه‌ڕت ڕزگاری كردی، بـڕۆ بـهدڵنـیـایی.)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.