Biblica® Open Sorani Kurdish Book of Life
لۆقا 8
نموونه‌ی جوتیار
دوای ئه‌مه دهستیكرد به گه‌ڕان به‌هه‌موو شارو دێهاته‌كان، بۆ ئامۆژگاریكردنو مزگێنیدان له‌باره‌ی پادشاهێتی خوداوه. دوانزه قوتابیه‌كه‌شی لهگهڵدابوو. هه‌روه‌ها چه‌ند ئافره‌تێكی له‌گه‌ڵ بوو كه له‌نه‌خۆشیو ڕۆحه پیسه‌كان ڕزگاریان بووبوو، ئه‌وانه‌ش ئه‌مانه بوون، مریه‌م كهناودهبرا بهمهجدهلـی، حه‌وت ڕۆحی شـه‌یتانی لــێ دهركردبوو، یۆنا ژنی خوزی جێگری هێرۆدس، له‌گه‌ڵ سـۆسـهنو زۆری تریش كه بهماڵو سامانیان یارمهتیاندهدا.
كاتێ خه‌ڵكێكی زۆر لهدهوروپشتی عیسا كۆبوونه‌وه، له‌وانه‌ی لهناوچهكانهوه هاتبوون بۆ لای بهنموونه قسه‌ی بۆ كردنو ووتی: (جوتیار هاته ده‌ره‌وه بۆ تۆوكردن، لهكاتی چاندندا هه‌ندێ له‌تۆوه‌كه كه‌وتنه سه‌ر ڕێگا باریكه‌كانی ناوكێڵگه‌كه، پێ‌شێل بوونو باڵنده‌ی ئاسمان خواردنی. هه‌ندێكیشیان كه‌وتنه سه‌ر زه‌وی به‌رده‌ڵان، كاتێ سه‌ریان ده‌ركرد، ووشك بوون چونكه ئاویان نه‌بوو. هه‌ندێكی كه‌شیان كه‌وتنه ناو دڕكه‌وه دڕكه‌كان له‌گه‌ڵیان نه‌شونمایان كردو خنكاندیانن. هه‌ندێ لهتۆوهكهش كه‌وته سه‌ر زه‌وی چاك، كاتێ ڕووا، سه‌د ئه‌وه‌نده‌ی خۆیان به‌رووبوومیان دا.) ئه‌مانه‌ی ووتو هاواریكرد: (ئه‌وه‌ی دوو گوێی هه‌یه بۆ گوێگرتن، باگوێ بگرێت.(
ڕوونكردنه‌وه‌ی نموونه‌ی جوتیاره‌كه
قوتابیه‌كانی لێیان پرسی: (مامۆستا مه‌به‌ست له‌م نموونه‌یه چییه؟) ئه‌ویش ووتی: (ئێوه پێتان دراوه نهێنی پادشاهێتی خودا بزانن، به‌ڵام ئه‌وانی تر، بهنموونه بۆیان ده‌دوێم، چونكه ئه‌وان سه‌یرده‌كه‌ن به‌ڵام نابینن، گوێ ده‌گرن به‌ڵام تێناگهن. ئه‌مه‌ش مه‌به‌ستی نموونه‌كه‌یه: تۆوه‌كه ووشه‌ی خودایه. ئه‌وه‌ی كه‌وته سه‌ر ڕێگا باریكه‌كان، ئه‌وانه‌ن كه گوێ له ووشه‌ی خودا ده‌گرن، ئینجا شه‌یتان دێتو ووشه‌كه له‌دڵیان ده‌رده‌هێنێت، نه‌وه‌ك باوهڕبهێننو ڕزگاریان بێت. ئه‌وه‌ش كه كه‌وته سه‌ر زه‌وییه بـه‌رده‌ڵانه‌كه، ئه‌وانه‌ن كه ووشه‌ی خودا بهخۆشییهوه وه‌رده‌گرن، ئه‌مانه ڕه‌گیان نییه، باوه‌ڕده‌هێنن تا ماوه‌یه‌ك، كاتێ ده‌كه‌ونه تاقیكردنه‌وه، ههڵدهگهڕێنهوه. ئه‌وانه‌ی كه‌وتنه جێ دڕكاویه‌كه، ئه‌وانه‌ن كه گوێیان لهووشهی خودا دهبێتو ده‌ڕۆن، ئینجا ده‌رده‌سه‌ری ژیانو هه‌وڵی بهرزبوونهوهو خۆشی ژیان ده‌یان خنكێنێ‌و هیچ به‌رووبوومێكی چاك ده‌رناكه‌ن. به‌ڵام ئه‌وانه‌ی كه‌وته سه‌ر زه‌ویه چاكه‌كه، ئه‌وانه‌ن كه ووشه‌كه ده‌خه‌نه دڵی چاكو باشیانه‌وه‌و له‌سه‌ری ده‌ڕۆن، كۆشش ده‌كه‌ن تابه‌رووبووم ده‌ده‌ن.)
چرا وه‌ك نموونه‌یه‌ك
(خه‌ڵكی چرا هه‌ڵناكاو بهتهشت دایپۆشێ، یان بیخاته ژێر نوێنه‌وه، به‌ڵكو له‌سه‌ر به‌رزاییه‌ك دایدهنێ، تاكو ئه‌وانه‌ی دێنه ژووره‌وه ڕووناكییه‌كه ببینن. چونكه هیچ شاراوه‌یه‌ك نییه ئاشكرا نه‌بێ، هه‌روه‌ها هیچ نهێنییه‌ك نییه نه‌زانرێ‌و نه‌ووترێ. كه‌واته بزانن چۆن گوێ ده‌گرن. ئه‌وه‌ی هه‌یه‌تی زیاتری پێ ده‌درێ، ئه‌وه‌ش كه نیه‌تی، ته‌نانه‌ت ئه‌وه‌ش كه به‌هی خۆی ده‌زانێ لێیدهسهنرێتهوه.(
ئینجا دایكو براكانی عیسا هاتن بۆ لای، به‌ڵام له‌به‌ر زۆری خه‌ڵكه‌كه نه‌یانتوانی بگه‌نه لای. پێیان ووت: (دایكتو براكانت لهدهرهوه ڕاوه‌ستاون، ده‌یانه‌وێ بتبینن.) وه‌ڵامی دانه‌وه، ووتی: (دایك و برام ئه‌وانه‌ن كه گوێ لهووشهی خودا دهگرنو كاری پێ‌ده‌كه‌ن.(
عیسا ڕه‌شه‌با هێمن ده‌كات
ڕوژێ له‌ڕۆژان عیساو قوتابیه‌كانی سواری به‌له‌مێك بوون، پێی ووتن: (با بپه‌ڕینه‌وه بۆ ئه‌وبه‌ری ده‌ریاچه‌كه.) ئه‌وانیش ده‌ستیان كرد بهجوڵان بۆ ئه‌وبه‌ر. لهكاتێكدا به‌ناو ئاوه‌كه‌دا ده‌ڕۆیشتن، عیسا نووست. له‌پرَ ڕه‌شه‌بایه‌كِ هه‌ڵیكرده سه‌ر ده‌ریاچه‌كه، به‌له‌مه‌كه پڕبوو له‌ئاو، كه‌وتنه بارێكی ترسناكه‌وه. چوونه لای عیساو خه‌به‌ریان كرده‌وه‌و ووتیان: (گه‌وره‌م، گه‌وره‌م، وا ئێمه تیا ده‌چین!) ئه‌ویش هه‌ستاو سه‌رزه‌نشتی شه‌پۆڵه‌كانی كرد، دهستبهجێ هه‌موو شتێ ئارام بووه‌وه‌و بێ‌ده‌نگ بوو. ئینجا پێی ووتن: (كوا باوه‌ڕتان؟) ئه‌وانیش زۆر سه‌رسام بوونو ترسان، یه‌ك بهیهكیان ووت: (ئه‌مه كێیه ته‌نانه‌ت به‌ڕه‌شه‌باو شه‌پۆڵه‌كان فه‌رمان ده‌داو گوێڕایه‌ڵن بۆی؟(
ده‌ركردنی ڕۆحی پیس
ئینجا گه‌یشتنه هه‌رێمی جه‌راسین، كه كه‌وتۆته به‌رامبه‌ر جه‌لیل. كاتێ عیسا دابه‌زیه سه‌ر ووشكانی، پیاوێكی ئه‌و شاره‌ی بینی، ماوه‌یه‌كی زۆر بوو ڕۆحی پیسی تێدا بوو، جلی له‌به‌ر نه‌ده‌كردو له‌خانوو نه‌ده‌ژیا، ژیانی لهناو گۆڕستان به‌سه‌رده‌برد. كاتێ عیسای بینی، هاواری كردو له‌به‌رده‌می كه‌وت، به‌ده‌نگی به‌رز ووتی: (چیت لهمن ده‌وێ ئه‌ی عیسای ڕۆڵه‌ی خودای گه‌وره؟ لێت ده‌پاڕێمه‌وه ئازارم مه‌ده.) چونكه عیسا فه‌رمانی به ڕۆحه پیسه‌كه دابوو، تاكو لهپیاوهكه بێته ده‌ره‌وه. له‌به‌رئه‌وه‌ی ماوه‌یه‌كی زۆربوو ده‌ستی به‌سه‌رداگرتبوو، هه‌رچه‌نده بهزنجیر دهبهسترایهوهو ڕاده‌گیرا، به‌ڵام زنجیری ده‌پچڕیو له‌لایه‌ن ڕۆحه پیسه‌كه‌وه ده‌برایه چۆڵه‌وانی. عیسا لێی پرسی: (ناوت چییه؟) ووتی (لیجیۆن.) چونكه له‌شكرێكی شه‌یتانی تێ‌چوو بوو، ئینجا ڕۆحه پیسه‌كان له عیسا پاڕانه‌وه كه ده‌ریان نه‌كاو نه‌یان نێرێت بۆ بیری بێ‌بن. له‌وناوه‌دا ڕانه به‌رازێكی گه‌وره ده‌له‌وه‌ڕان له‌قه‌راغی شاخێكدا، ڕۆحه پیسه‌كان لێیپاڕانهوه كهڕێیان بدات بچنه ناو به‌رازه‌كانه‌وه، ئه‌ویش ڕێیدان. ڕۆحه پیسه‌كان له پیاوه‌كه هاتنه ده‌ره‌وه‌و چوونه ناو به‌رازه‌كانه‌وه، ئینجا ڕانه به‌رازه‌كه كه‌وتنه ڕاكه ڕاكه‌و له قه‌راغی شاخه‌كه‌وه هه‌ڵدێران بۆ ناو ده‌ریاچه‌كه‌و خنكان. كاتێ شوانه‌كان ئه‌م ڕووداوه‌یان بینی، ڕایان كرد بۆ شارو بۆ كێڵگه‌كان تا ئه‌م هه‌واڵه بڵاوبكه‌نه‌وه. خه‌ڵكه‌كه هاتنه ده‌ره‌وه تا ئه‌وه‌ی ڕووی داوه بیبینن، هاتن بۆ لای عیسا، ئه‌و پیاوه‌ی ڕۆحه پیسه‌كانی تیابوو بینییان له‌به‌ر پێی عیسادا دانیشتووه به پۆشته‌ییو به‌هێمنییه‌وه گوێیگرتووه، دوای ئه‌مه خه‌ڵكه‌كه ترسیان لـێنیشت.
ئه‌وانه‌ی ڕووداوه‌كه‌یان بینیبوو، بۆ خه‌ڵكه‌كــه‌یان گێڕایه‌وه، چی ڕوویداوهو چۆن ئه‌و كابرایه چاك بووه‌ته‌وه. ئینجا دانیشتوانی هه‌رێمی جه‌راسین بهگشتی، داوایان له عیسا كرد، وازیان لـێبهێنێتو بڕوات، چـونكه ترسـێكی زۆریان لـێنیشتبوو، ئه‌ویش سواری به‌له‌مێك بوو تاكو بگه‌ڕێته‌وه به‌ری ئه‌وبه‌ر. پیاوه‌كه‌ی ڕۆحه پیسه‌كانی لـێ‌ده‌ركرا بوو، لهعیسا پاڕایه‌وه ڕێیبدات له‌گه‌ڵی بڕوات، به‌ڵام ئه‌و ڕهوانهیكردو ووتی: (بگه‌ڕێوه بۆ ماڵهوهو ئه‌وه‌ی خودا بۆی كردی، بیگێره‌وه‌و باسیبكه.) ئه‌ویش به‌هه‌موو شاره‌كه‌دا گه‌ڕاو ئه‌وه‌ی عیسا بۆیكردبوو، ده‌یگێڕایه‌وه.
دوو كاری سه‌رسووڕهێنه‌ر
كاتێ عیسا گه‌ڕایه‌وه به‌ری ئه‌وبه‌ر، هه‌موو پێشوازییان لێكرد، له‌به‌رئه‌وه‌ی هه‌موویان چاوه‌ڕێیان ده‌كرد. پیاوێك ناوی یایرۆس بوو، سه‌رۆكی كهنیشتبوو، هاتو له‌به‌رپێی عیسادا كهوتو لێی پاڕایه‌وه تا له‌گه‌ڵی بڕوات بۆ ماڵه‌كه‌ی، چونكه تاقه كچه‌كه‌ی كهتهمهنی دوانزه ساڵ بوو لهسهرهمهرگدابوو. كاتێ عیسا ده‌ڕۆیشت بۆ ئه‌وێ هه‌موو كۆمه‌ڵیان لـێ‌دابوو. له‌وێدا ژنێك هه‌بوو، ماوه‌ی دوانزه ساڵ بوو خوێن لێچوونی هه‌بوو، ئه‌وه‌ی هه‌یبوو دابووی بهپزیشك، به‌ڵام له‌سه‌ر ده‌ستی كه‌س چاك نه‌بووبووه‌وه. چووه پێشه‌وه لهعیساو لهدواوه ده‌ستی دا له‌چمكی كراسه‌كه‌ی، دهستبهجێ خوێن لێچوونهكهی ڕاوه‌ستا. عیسا ووتی: (كێ بوو ده‌ستی لـێ‌دام؟) كاتێ هه‌موو نكۆڵیان كرد، په‌ترۆس ووتی: (گه‌وره‌م هه‌موو لهدهوروپشتتنو پاڵه‌په‌ستۆ ده‌كه‌ن، كه‌چی تۆ ده‌پرسی كێ ده‌ستی لـێ‌دام؟) عیسا ووتی: (یه‌كێ بهمهبهستهوه ده‌ستی لێ‌دام، چونكه هه‌ستم به هێزێك كرد لێم چووه ده‌ره‌وه.) كاتێ ژنه‌كه زانی كاره‌كه‌ی ناشاردرێته‌وه، بهلهرزهوه هاته پێشه‌وه، چۆكی داداو له‌به‌رچاوی هه‌مووان پێی ووت، بۆچیو له‌به‌رچی ده‌ستی لێوه داوه‌و چۆن دهستبهجێ چاك بووه‌ته‌وه، ئینجا عیسا به‌ژنه‌كه‌ی ووت: (خوشكه باوه‌ڕت بوو چاكیكردیتهوه، بڕۆ بهدڵنیایی.) كاتێ عیسا قسه‌ی ده‌كرد یه‌كێ لهماڵی سه‌رۆكی كه‌نیشته‌وه هات، به سه‌رۆكی كه‌نیشته‌كه‌ی ووت: (كچه‌كه‌ت مرد، ئیتر ئه‌رك مه‌خه‌ره به‌ر مامۆستا.) عیسا كه ئه‌مه‌ی بیست، قسه‌ی له‌گه‌ڵ كردو ووتی: (مه‌ترسه ته‌نها باوه‌ڕت هه‌بێ، كچه‌كه‌ت چاك ده‌بێته‌وه.) كاتێ عیسا گه‌یشته ماڵه‌كه نه‌یهێشت كه‌س له‌گه‌ڵی بێته ژووره‌وه ته‌نها پهترۆسو یۆحه‌نناو یاقوبو بـاوكو دایـكی كچه‌كه نه‌بێت. خـه‌ڵكـه‌كه دهگریانو شینو شه‌پۆڕیان بۆ ده‌كرد، ئه‌ویش ووتی: (مه‌گرین ئه‌و نه‌مـردووه، بـه‌ڵكو نـووسـتـوه.) خه‌ڵكه‌كه پێی پێكه‌نین، چونكه ده‌یانـزانی مردووه. به‌ڵام دوای ئه‌وه‌ی هه‌موویانی ده‌ركرده ده‌ره‌وه ده‌ستی كچه‌كه‌ی گرت، بانگیكردو ووتی (ئه‌ی كیژۆڵه، هه‌سته!) ئیتر ڕۆحی هاته‌وه بهرو دهستبهجێ هه‌ستا، ئه‌وسـا فه‌رمانیدا نانی بۆ بـیـَنن. باوكو دایـكه‌كه زۆر سـهریانسـوڕما، به‌ڵام عیسا ڕایسپاردن، ئه‌وه‌ی ڕوویداوه جارێ بهكهسـی نـه‌ڵیـَن.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.