Biblica® Open Sorani Kurdish Book of Life
لۆقا 5
عیسا قوتابیه‌كانی بانگدهكات
له‌كاتێكدا عیسا ڕاوه‌ستابوو له‌سه‌ر كه‌ناری ده‌ریاچه‌ی جه‌نیسارت، خه‌ڵكه‌كه هه‌موو كۆمه‌ڵ بووبوون له‌ده‌وری تاكو گوێ لهووشهی خودا بگرن. دوو به‌له‌می بینی لای ده‌ریاچه‌كه‌وه ڕاوه‌ستابوون، ماسیگره‌كان به‌جێیان هێشتبوو، تۆڕه‌كانیان ده‌شوشت. چووه ناو یه‌كێكیان، كه هی شهمعونبوو، داوای لـێ‌كرد هه‌ندێ له‌كه‌ناری ده‌ریاچه‌كه دووری بخاته‌وه ئینجا دانیشتو له‌ناو به‌له‌مه‌كه‌وه دهستیكرد به فێركردنی خه‌ڵكه‌كه.
كاتێ ووته‌كانی ته‌واوكرد بهشهمعونی ووت: (دووریكهرهوه بۆ قووڵایی، جا تۆڕه‌كانتان فڕێ بده‌ن بۆ ڕاوكردن.) شه‌معون وه‌ڵامی دایه‌وه: (گه‌وره‌م هه‌رچه‌نده بهدرێژایی شه‌و ههوڵماندا كه‌چی هیچمان ڕاونه‌كرد. به‌ڵام له‌به‌ر قسه‌ی تۆ ئه‌وا تۆڕێك فڕێ ده‌ده‌م) كاتێ ئه‌مه‌یان كرد ماسییه‌كی زۆریان گرت، بهشێوهیهك تۆڕه‌كه‌یان خهریكبوو بدڕێ. جا بانگی هاوڕێكانیان كرد كه لهبهلهمهكهی تردا بوون، تاكو بێنو یارمه‌تییان بده‌ن، ئه‌وانیش هاتنو هه‌ردوو به‌له‌مه‌كه‌یان پڕكرد تا وای لـێ هات خه‌ریك بوو نوقوم ببن. كاتێ شه‌معون كه بهپهترۆس ناوده‌برێ ئه‌مه‌ی بینی چۆكیدادا له‌به‌ر پێی عیساداو ووتی: (گه‌وره‌م لێم دووركه‌وه، چونكه من مرۆڤێكی گوناهبارم.) پهترۆسو ئه‌وانه‌ی له‌گه‌ڵی بوون سه‌ریان سوڕمابوو لهزۆری ئه‌و ماسییانه‌ی گرتبوویان، هه‌روه‌ها یاقوبو یۆحه‌ننای كوڕی زه‌بدی كه شه‌ریكی په‌ترۆس بوون.
عیسا به‌په‌ترۆسی ووت: (مه‌ترسه ئیتر تۆ لهئێستاوه ڕاوی مرۆڤ ده‌كه‌یت.) دوای ئه‌وه‌ی گه‌ڕانه‌وه كه‌ناری ده‌ریاچه‌كه وازیان لهههموو شتێك هێناو دوای عیسا كه‌وتن.
نه‌خۆشی گولی پاكدهبێتهوه
كاتێ عیسا له‌یه‌كێك لهشارهكان بوو، له‌وێ مرۆڤێكی لـێبوو هه‌موو له‌شی برینی گولـی دایپۆشیبوو، هه‌ر كه عیسای بینی، له‌به‌رده‌می خۆی به‌ده‌مداداو لێی پاڕایه‌وه‌و ووتی: (گه‌وره‌م، گه‌ر بته‌وێت توانای ئه‌وه‌ت هه‌یه پاكم بكه‌یته‌وه.) عیسا ده‌ستی درێژكردو ده‌ستی لێ‌دا، ووتی: (ده‌مه‌وێ، پاك به‌ره‌وه.) ئیتر دهستبهجێ كابرا پاك بووه‌وه. عیسا ڕایسپاردو پێی ووت: (ئه‌مه به‌كه‌س نه‌ڵێی، به‌ڵكو بڕۆ خۆت نیشانی كاهینه‌كان بده له‌باتی پاكبوونهوهكهشت، ئه‌و قوربانییه‌ی موسا فه‌رمانیداوه پێشكه‌شی بكه، ئه‌مه ده‌بێته شایه‌تییه‌ك لایان.) جا به‌مه ده‌نگوباسی عیسا زیاتر بڵاوبووه‌وه، له‌به‌رئه‌مه خه‌ڵكێكی زۆر هاتنه لای بۆ گوێگرتنو چاك بوونه‌وه لهنهخۆشیهكانیان. به‌ڵام ئه‌و دوورده‌كه‌وته‌وه بۆ شوێنه چۆڵه‌كان هه‌تا نوێژ بكات.
ده‌سه‌ڵاتی گوناه به‌خشین
ڕۆژێ له‌ڕۆژان عیسا خه‌ریكی فێركردن بوو، لهنێوان دانیشتوان هه‌ندێ لهفهریسیهكانو مامۆستایانی شه‌ریعه‌ت هه‌بوون. خه‌ڵكی لهههموو دێیـه‌كــانــی جـهلــیلو یه‌هودیاو قودسه‌وه هاتبوون. توانای خوداوه‌ند ده‌ركه‌وت بۆ چاك كردنه‌وه‌یان. هه‌ندێكیان مرۆڤێكی ئیفلیجیان هێنا بهجێگهكهیهوهو ویستیان بیبه‌نه ژووره‌وه بۆ به‌رده‌می. كاتێ ڕێیان نه‌بوو به‌هۆی زۆری خه‌ڵكه‌وه، سه‌ركه‌وتنه سهربانو شۆڕیان كرده‌وه بهجێگهكهیهوه بۆ ناوه‌ڕاستی خه‌ڵكه‌كه، بۆ به‌رده‌می عیسا. عیسا كه باوه‌ڕی ئه‌وانی بینی، ووتی: (كابرا، گوناهه‌كانت به‌خشرا.( مامۆستایانی شهریعهتو فه‌ریسیه‌كان له‌دڵی خۆیان ووتیان: (ئه‌مه كێیه به‌م شێوه‌یه كفر ده‌كات؟ كێ ده‌توانێ گوناه ببه‌خشێ ته‌نها خودا نه‌بێ؟)
به‌ڵام عیسا زانی بیر له‌چی ده‌كه‌نه‌وه، وه‌ڵامی دانه‌وه، ووتی: (بۆ وا بیر ده‌كه‌نه‌وه لهدڵتان؟ كامیان ئاسانتره، بڵێم: (گوناهه‌كانت به‌خشرا، یان بڵێم هه‌سته بڕۆ؟ به‌ڵام ئه‌مه‌م ووت، تاكو بزانن ڕۆڵه‌ی مــرۆڤ له‌سه‌ر زه‌وی ده‌سه‌ڵاتی گوناه به‌خشینی هه‌یه.) ئینجا به‌ئیفلیجه‌كه‌ی ووت: (هه‌سته، جێگه‌كه‌ت هه‌ڵگره‌و بڕۆوه بۆ ماڵ.) ئه‌ویش دهستبهجێ هه‌ڵساو جێگه‌كه‌ی ههڵگرتو كهوتهڕێ به‌ره‌و ماڵه‌وه‌و ستایشی خودای دهكرد. خه‌ڵكه‌كه‌ش هه‌موو سهرسامبوونو ستایشی خودایان كرد، ترس دایگرتنو ووتیان: (ئه‌مڕۆ كاری سه‌رسوڕهێنه‌رمان بینی.(
عیسا بۆ گوناهباران هاتووه
دوای ئه‌مه عیسا له‌وێ هاته ده‌ره‌وه، باجگرێكی دی ناوی لاوی بوو، له‌شوێنی باجگران دانیشتبوو، پێی ووت: (دوامكهوه.) لاویش هه‌ستاو هه‌موو شتێكی بهجێهێشتو دوایكه‌وت.
لاوی میواندارییه‌كی گه‌وره‌ی بۆ كرد لهماڵی خۆی، زۆر لهباجگرانو خه‌ڵكی تر له‌گه‌ڵیان دانیشتبوون له‌سه‌ر خوان. مامۆستایانی شهریعهتو فه‌ریسیه‌كان ناڕه‌زایی خۆیان ده‌ربڕی لای قوتابیه‌كانی عیساو ووتیان: (بۆچی له‌گه‌ڵ باجگرانو گوناهباران دهخۆنو ده‌خۆنه‌وه؟) عیسا وه‌ڵامی دانه‌وه‌و ووتی: (مرۆڤی له‌ش ساغ پێویستی بهپزیشك نییه، به‌ڵكو نه‌خۆش. نه‌هاتووم بۆ بانگكردنی ئه‌وانه‌ی خۆیان به‌چاك ده‌زانن، به‌ڵكو گوناهباران بۆ تۆبه‌كردن.(
لهبارهی ڕۆژوو
ئینجا پێیان ووت: (قوتابیه‌كانی یه‌حیا زۆر ڕۆژوو دهگرنو نوێژ ده‌كه‌ن، هه‌روه‌ها قوتابی فه‌ریسیه‌كان، به‌ڵام قوتابیه‌كانی تۆ دهخۆنو ده‌خۆنه‌وه.) عیساش پێی ووتن: (ئایا ده‌توانن لهشاییدا وا له‌كه‌سوكاری زاوا بكه‌ن به‌ڕۆژوو بن، له‌كاتێكدا زاوا له‌ناویان بێت؟ به‌ڵام ڕۆژانێك دێ كه زاوا لهنێوانیان به‌رزكرابێته‌وه، ئه‌وسا له‌و ڕۆژانه‌دا به‌ڕۆژوو ده‌بن.) نموونه‌یه‌كی بۆ هێنانه‌وه، ووتی: (كه‌س پارچه لهجلی تازه ناكاته‌وه تاوه‌كو جلێكی كۆنی پێ پینه‌كات، چونكه جله تازه‌كه ده‌دڕێ و پارچه‌كه‌ش كه وه‌رگیراوه لهجله تازه‌كه ناگونجێ له‌گه‌ڵ كۆنه‌كه‌دا. هه‌روه‌ها كه‌س مه‌ی تازه ناخاته ناو مه‌شكه‌ی كۆنه‌وه، چونكه مه‌یه تازه‌كه مه‌شكه‌كه ده‌دڕێنێ، مه‌یه‌كه ده‌ڕژێ‌و مه‌شكه‌كه‌ش له‌ناو ده‌چێ. كه‌واته پێویسته مه‌ی تازه بكرێته مه‌شكه‌ی تازه‌وه. كه‌سیش نییه مه‌ی كۆن بخواتهوهو ئاره‌زووی تازه بكات، چونكه ده‌ڵێ: (كۆنه‌كه خۆشتره.)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.