ହିତୋପଦେଶ
Proverbs
Introduction from this edition
ହିତୋପଦେଶ୍ତେ ପରିଚୟ୍
ହିତୋପଦେଶ୍ତେ ପରିଚୟ୍
ହିତପଦେଶ୍ ବଇ ଆଦୁତେ ଜ୍ଞାନ୍ ଗଟି ଅଣ୍ଡୟ୍ତାଗେ ଗୁଡ଼୍ପାନାଦ୍ । ନାର୍ଗେ ଲେକ୍ତେନଡ଼୍ ଇ ହିତପଦେଶ୍ତାଗେ ଅବଦାନ ଇସ୍ମାତ୍ତଡ଼୍, ବାତେଙ୍କ୍ ଇତ୍କେ ରାଜା ଦାଉଦ୍ତେ ମାର୍ ରାଜାଲ୍ ଶଲୋମନ ଆୱିନାଗାଙ୍କ୍ ନାର୍ଗେ ଲେକି ମାତ୍ତଣ୍ଡ୍ । ଶଲୋମନ୍ ତାନ୍ ଜ୍ଞାନ୍ତେ ମାଇଦିଙ୍କ୍ ପୁତ୍ତେ ଲେକାମ୍ ମାତ୍ତଣ୍ଡ୍ ନୁ ପ୍ରତମ୍ ରାଜାବଲି ୪:୩୨ କେତୁତ୍ ଯେ ଅଣ୍ଡ୍ ମୁଣ୍ଡ୍ହଜାର୍ ହିତପଦେଶ୍ ଲେକିମାତ୍ତଣ୍ଡ୍ । ଆଦିଙ୍କ୍ ହିତୋପଦେଶ୍ ବଇତେ ବେସର୍ ବିଷୟ୍ କ୍ରୀଷ୍ଟପୂର୍ବ ଦଶମ୍ ଶତାଦ୍ଦିତେ ଶଲୋମନତେ ଜିଉନ୍ କାଲାମ୍ତେ ଲେକା ଆସ୍ ମାତ୍ତେ । ବେସ୍କ୍ ବଇ ଆଦୁତା ହିଜକିୟ କ୍ରୀଷ୍ଟପୂର୍ବ ୭୧୫ କଞ୍ଚ୍ ୬୮୬ ଆଇନା ଯିହୁଦାତାଗ୍ ଶାସନ୍ ମାଡ଼ାନ୍ ସମୟ୍ତେ ଲେକା ନୁ ଯଜନା ଆସ୍ ମାତ୍ତେ ହିତପଦେଶ୍ ୨୫:୧ ।
ହିତପଦେଶ୍ ଆଦୁତେ ଜ୍ଞାନ୍ତେ ଗଟ୍ ବାତେ ସାଦାରଣତେ ସତ୍, ବାତେଙ୍କ୍ଇତ୍କେ ଅଣ୍ଡୟ୍ ପ୍ରତିଶ୍ରୁତି ବା ଭବିଷ୍ୟତ୍ବାଣିକଞ୍ଚ୍ ୱେର୍ । ଉଦାରନତେ ଲେକାମ୍, ହିତପଦେଶ୍ ୨୨:୬ କେତୁତେ ଯେ ଟିକ୍ ଉପାୟ୍ତେ ପଡ଼୍ପ୍ତେ ପିଲା ବେଡ଼୍ୟେ ଆତ୍ତ୍କେ ଆଦ୍ ଆର୍ ତାକିତଡ଼୍ । ଆଗେକ୍ବା, ଇଦ୍ ହିତପଦେଶ୍ ଅଣ୍ଡୟ୍ ପ୍ରତିଶ୍ରୁତି ଆୟ ଯେ ଟିକ୍ ଉପାୟ୍ତେ ପଡ଼୍ପ୍ତେ ପିଲାନ୍ ଜିଉନ୍ତାଗେ ବାତେ ବୁଲ୍ ଆଦ୍ ପାର୍ୱ କି ଆୟ । ଇତ୍କେ, ଇଦ୍ ସାଦାରନତେ ସତ୍ତେ ପର ଆତ୍ତାଦ୍ ସାୟେତ୍ ଆଦେଶ୍ । ହିତପଦେଶ୍ ବଇ ନିଜେ ଅଧ୍ୟାୟ ୧:୨-୬ ତାଗ୍ ହିତପଦେଶ୍ତେ ଉଦେଶ୍ ଆଦୁତେ ସରଳ ନୁ ଲେୟଡ଼୍କ୍ ଜ୍ଞାନ ନୁ ସାୟେତ୍ ଆଦେଶ୍ ଏଞ୍ଚାନଙ୍କ୍ ସାହାଯ୍ୟ ମାଡ଼ିକା, ନୁ ଜ୍ଞାନି ନାରୁଙ୍କ୍ ଜ୍ଞାନି ମାଡ଼ିକା
ହିତୋପଦେଶ୍ତେ ରୁପରେକା
୧. ଅଧ୍ୟାୟ ୧ କଞ୍ଚ୍ ୨୨:୧୬ ଆଦୁତେ ଶଲମନ୍ତେ ହିତପଦେଶ୍ ।
୨. ଅଧ୍ୟାୟ ୨୨:୧୭ କଞ୍ଚ୍ ୨୪ ଆଦୁତେ ଜ୍ଞାନିଡ଼୍ ଗଟିନେ ରେଣ୍ଡ୍ ଗୁଡ଼୍ପାନାଦ୍ ।
୩. ଅଧ୍ୟାୟ ୨୫ କଞ୍ଚ୍ ୨୯ ଆଦୁତେ ଶଲମନ୍ତେ ହିତପଦେଶ୍ତେ ମେଣ୍ଡେଅଣ୍ଡୟ୍ ୱେରଟ୍ ଗୁଡ଼୍ପାନାଦ୍ । ଇୱ୍ସାରେ ରାଜାଲ୍ ହିଜକିୟନ୍ ପାଡ଼ିୟ୍ ମାଡ଼ାନଡ଼୍ ତଡ଼୍ ଗୁଡ଼୍ପାନଙ୍କ୍ ଆସ୍ ମାତ୍ତେ ।
୪. ଅଧ୍ୟାୟ ୩୦ ତାଗେ ଆଗୁର୍ତେ ଗଟ୍ ମିନ୍ଦେ ।
୫. ଅଧ୍ୟାୟ ୩୧:୧-୯ ତାଗେ ଲମୁଏଲ୍ତେ ଗଟ୍ ମିନ୍ଦେ ।
୬. ମାରେଙ୍କ୍ତେ, ଅଧ୍ୟାୟ ୩୧:୧୦ ଅଣ୍ଡୟ୍ ସାୟେ ଚରିତ୍ରମାନ୍ଦାନ୍ ମୁତେନ୍ ବିଷୟ୍ତେ କେତୁତେ ।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.