Hiziqi'eelikaa Raaga

Hiziqi'eelikaa Raaga

E'yichchoo

Wabeeki Hiziqi'eli Iyyerussaalemi Kirsitosixxe ilensha edi darre 586 wogga'ni diigendebang edi gamanna diigendebaa uduma baqiki Baabilon hedhaamman: isiki wabeekumatik hiyyichchi haso'emeeki Baabilon'i baqiki hedheemmakenna Iyyerussaalemi giddo hedha'neke ardi'atemman. Wabekichchi Hiziqi'eelik maxaafi shoole umo umo affeeka kutuwwa afeedhen.

1. Duuchchi Woddike Goottixxi murte ardake'ni daga shiqqeexxa, Iyyerussaalemixxa abidenshanna diigensha shiqqeexxa xexxe'achchiisaaxxa ergaa.

2. Duuchchi Woddik Gootti arda ifika miicekanna dedhiseeka garigarti hexxeexxi mootumma xixenda'neexxa kulemeek hiyyichcho.

3. Iyyerussaalemixxe iba uduma Isira'eeli jajjabeessatee uwwendeexxa erganna edi'a eloxxe kaayonni futti hinaaxxa addachchiisee haasao'emeeka hiyyichcho.

4. Woyyichchi Galminna Iyyerussaalemixxi mootumma ediba'a higgaaxxa Hiziqeeli fakketti qopheessexeeran.

Hiziqi'eel jabaxxa amananna qalbefachchotike manjomman. Heger kaddaxxa yaane yo'oshsha uudeke akitokko leellatixxe bifannitemman: isixxe erga giddii'ni saxxeexxiir ca'a hiteexxe mammaassinshatemman. Hiziqi'eel ca'a asse leellisheexxi giddixxe qalbekanna hafuurinxi jijjirensha hasisaaxxe kaddeexxa mitti mitting manji umo ifikixxe cubbo'a qorma'neexxa, tennenninni mitteba ardiinxi hedho jijjirendaaxxa addachchiise barrise'en; Hiziqi'eel qeesichchokenna wabeekake kadeemmaxxee woyyichcha galminxenna woyyumatixxee gargar hedheeka yaada leellisheen.

Konne Maxaafi Giddo Hexxeexxa Yaanuwwa

Hiziqi'eel Duuchchi Woddik Goottika ulfinna uudeexxanna isi wabeekake kade filemeexxa

Yihudanna Iyyerussaalemi diigenda'nexxa Hiziqi'eel fakkeennik aaggashsha kuleexxa

Ba'ne gelteexxa

Duuchchi Woddik Goottik ulfinni cubbitte Iyyerussaalemi waaleexxa

Yihudaxxanna Iyyerussaalemixxa iba

Wele boguwa'ni saxxeexxa murte

Ardi ifixxe cubbonaa'ni higaashsha Hiziqi'eel xexxe'achchiisa hasisaaxxa

Iyyerussaalemixxe ibaxxa odo

Arda ifika hiissa'nexxanna Yihudaa anjira'neexxa Duuchchi Woddik Gootti addachchiisee qico

Googi injifateme'na Isira'eel higga'neexxa

Hiziqi'eel edi'a hujema'neeke woyyichchi galmixxe'e uudeexxa waleella

Woyyichchi Galmi hundii'ni yaa'a'neeke wedi'ixxee

Isira'eeltote'e higaaka siretike geegixxa gabalanna gosa gosake ardi'a assemeeka qooddo