उत्पत्ति

उत्पत्ति नी किताब

उत्पत्ति नी किताब

परिचय

पुस्तक परिचय उत्पत्ति सोब्दान मोतलोब छे “सुरु होयने” आरु यो बायबोल सासतुरोन जुनला चापड़ान पेहली किपात छे। खास हिबरी वी “सुरु मा” बुलो सी सुरु होये। यो देखाड़े कि आखो काहिन कां गोतो आयो आरु खास वात यी की मानसो पुठी परमेश्वरन वेवहार कोसु सुरु होयु। आज जानकारी राखन्या जुळ तिना मानुस ने मानसोन वाराम बेस ढेरकी वात छे, जे उत्पत्ति किपात लिख्या आरु यो वी कि यो कोत्यार लिख्या होसे। थुड़ाक मानसोन माननो छे कि इनी किपात काजे 5-6 वी सोताब्दी ईसुन आवने से पेहेल, पेहला चापड़ा मा लिख्या होसे। बेबीलोन मा दिसरा मानसे एनी रितीक मान्या कोरे कि लोगाथोगी मुसा 1300 एन्ते 1400 साल ईसुन आवनेन पेहेल उत्पत्ति, पुठीत् निर्गमन, लेव्यव्यवस्ता, गिनती आरु वेस्ताविवरण लिखली होती।

उत्पत्ति मा बेस खास जानकारी छे जी ईसाय (विस्वास्या) मानसोन बायबोलोन दिसरे जागे, जुनला नियम आरु नोवला नियम दुयोक सोमेजनेम मोदोत् कोरे। यो हामुक देखाड़े कि पाप एनी दुनियाम कोसु आयु आरु मानसोक एक छुड़ावने वावु जुय रोयु होतु। एनु मानसोक वाचाड़ने कोरीन परमेश्वर विचार कोरे। ईसुन वाराम पेहली ओगवायती वात

रुपरेखा:

1. जोसो की पाठ 1 आरु 2 मा लिखलो छे, भोगवान कोळीक आरु आदम आरु होवा काजे बोनायु।

2. पाठ 3 गोथो 5 लोगुन आदोम आरु होवा, हेन्दरा पाप आरु हेन्दरी ओवलियादोन वाराम छे।

3. पाठ 6 गोथो 9 लोगुन नुह आरु ढोन्ड्या पानीन वाराम लिखलो छे।

4. ओळी उत्पत्तिन किपात पाठ 10 गोथो 11 मा लिखलो छे कि नुहान टेमे आरु ओबराहोमोन टेमोन इचमा काय होयो, जेरेम बेबीलोनोन खांबान वाराम वी छे।

5. पाठ 12 गोथो 50 ओबराहोम, हेरो पोरिवार आरु इसराएल राजोन सुरुन वाराम लिखलो छे।

6. ओबराहोम आरु हेरी धेन्यारी सारान जीवाय पाठ 12 गोथो 25 मा लिखलो छे।

7. इसहाक आरु हेरी धेन्यारी रिबकान जिवाय पाठ 21 गोथो 28 मा लिखलो छे, आरु हेन्दरी मोतोन वाराम पाठ 35 मा लिखलो छे।

8. याकुब, हेरा पुर्यान जीवाय आरु कोनान गोथा मिसर लोगुन हेन्दरो आवनो पाठ 25 गोथो 50 मा लिखलो छे।

9. पाठ, 37 गोथो 50 याकुबोन मोंगावा पुर्या युसुपोन जिवाय पोर लिखलो छे आरु हुयो मिसर मा कोसु राज कोरन्यु बोन्यु।