परमेश्वरन सत्य वचन
उत्पत्ति 5
आदम क ओवलियाद
आदम क ओवलियाद यी छे। जोतयार परमेश्वर न मानुसक बोनायो ती आपसात रुपो मा ओको बोनायो (उत्पत्ती 1:27) हुयो नर आरु नारी कोरीन मानशो क बोनायो की आरु हेनुक बोरकोत आपे, आरु हेनुक बोनावने क दीन ओको नाव आदम पाड्यो। (उत्पत्ती 1:27-28) जोतयार आदम एक सोव तिस साल क हुयो, ती ओका द्वारा ओकोत जोसा मात हेना सी हेरेजोसो एक पुर्य पोयदा हुयो। ओको नाव शेत पाड़्यो। आरु शेत क पोयदा होयने क वाद आदम आठ सोव साल जिवतलो रोयो, आरु ओका आरु वी पुर्या पुरायटा पोयदा होया। ओस कोरीन आदम क आखा मेविन नोव सोव साल क हुयो, तेवाद हुयो मोर गोयो। जब शेत एक सोव पाच साल क हुयो, हेनासी एनोश हुयो। एनोश क पोयदा होयने क वाद शेत आठ सोव साल जिवतलो रोयो, आरु ओका आरु वी पुर्या पुरायटा पोयदा होया। ओस कोरीन शेत क पुरी उमोर नोव सोव बारे साल क हुयो; ओळतेन मोर गोयु। जोतयार एनोश नब्बे साल क हुयो, ती हुयो केनान क जन्म देदो। केनान क जन्म क वाद एनोश आठ सोव पोन्द्रे साल जिवतलो रोयो, आरु ओका आरु वी पुर्या पुरायटा पोयदा होया। ओस कोरीन एनोश क पुरी उमोर नोव सोव पाच साल हुयो; ती हुयो मोर गोयो। जब केनान सत्तर साल क हुयो, ती हुयो महललेल जन्म देदो। महललेल क जन्म क वाद केनान आठ सोव चाळीस साल जिवतलो रोयो, आरु ओका आरु वी पुर्या पुरायटा पोयदा हुया। ओस कोरीन केनान क पुरी उमोर नोव सोव दस साल क हुयो; ति हुयो मोर गोयो। जब महललेल पेसठ साल क हुयो, ती हुयो येरेद क जन्म देदो। येरेद क जन्म क वाद महललेल आठ सोव तीस साल जिवतलो रोयो, आरु ओका आरु वी पुर्या पुरायटा पोयदा हुया। ओस कोरीन महललेल क आखी उमोर आठ सोव साल पंचानवे साल क हुयो; ती ओळतेन हुयो मोर गोयो। जोतयार येरेद एक सोव बासठ साल क हुयो, जब हेनोक क जन्म देदो। हनोक क जन्म क वाद येरेद आठ सोव साल जिवतलो रोयो, आरु ओका आरु वी पुर्या पुरायटा होया। ओस कोरीन येरेद क पुरि उमोर नोव सोव बासठ साल क हुयो; तेरे वाद हुयो मोर गोयो। जब हनोक पेसठ साल क हुयो, ती हुयो मतुशेलह क जन्म देदो। मतुशेलह क जन्म क वाद हनोक तीन सोव साल लोगुन परमेश्वर क सात साते चालतो रोयो, आरु ओका आरु वी पुर्या पुरायटा पोयदा होया। ओस कोरीन हनोक क पुरी उमोर तीन सोव पेसठ साल क हुयो। हनोक परमेश्वर क सात साते चालतो हुतो; ओळतेन हुयो लोप हुय गोयो काहकी परमेश्वर न ओको उठाय लेदो (इब्रानियो 11:5, प्रकशित 4:10, 2 राजा 2:11, युहन्ना 14) जब मतुशेलह एक सोव सत्तासी साल क हुयो, ती हुयो लेमेक क जन्म देदो। लेमेक क जन्म क वाद मतुशेलह सात सोव बयासी साल जिवतलो रोयो, आरु ओका आरु वी पुर्या पुरायटा पोयदा हुया। ओस कोरिन मतुशेलह क पुरि उमोर नोव सोव उनसोतोर क हुयो; तेर वाद मोर गोयो। जब लेमेक एक सोव बयासी साल क हुयो, ती हुयो एक पुर्या क जन्म देदो। हुयो यो कोहीन ओको नाव नुह पाड़्यो, कि “योहोवा न कोळी क शाप आपलो छे, ओका वारामा यो पुर्य आमरे काम मा, आरु ओको कोठिन मेहनोत मा जो हामु कोरजे, आमुक शांति आपसे।” नुह क जन्म क वाद लेमेक पाच सोव पंचानवे साल जिवतलो रोयो, आरु ओका आरु वी पुर्या पुरायटा पोयदा होया। ओस कोरीन लेमेक क पुरी उमोर सात सोव सतहतर साल क हुयो; तेरे वाद हुयो मोर गोयो। आरु नुह पाच सोव साल क हुयो; आरु नुह न शेम, आरु हाम आरु येपेत क जन्म देदो।
परमेश्वरन सत्य वचन. Copyright © 2025 The Word for the World International and Dhankavi Mandli, Khargon, Raykhed, Nandurbar, Maharashtra 2025. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.