እብራዌ

እብራዌ አሳዉ

ጻፈቴዳ ኪታ

ገሉዋ

ሀዌ ጳዉሎስነ ጰጽሮስ ጻፌዳዋዳን ኪታ ግደናን ትምርተ ግዲደ ጻፈቴዳዌ፥ ዎልቃማ ቱጋይ ጋክና፥ አማኑዋ አጋናዉ ማቴዳ አማንያ አሳቱዋሳ (10:32-39)። ሀ ማጻፋ ጻፌዳዌ ኦነንቶ ኤረተና። ሀ ጻፍያ ሁጰ ቆፋይ ኮይሮቲደ ኡንቱንቱን ደእያ ሲቁዋኮ ስማናዳን የሱሳ ቃተ በሲደ ኡንቱንታ ዞሬ። ሄ ጻፊ እብራዌ አማንያዋንቶ ምንስ ኦድያዌ የሱስ ክርስቶስ ቱማነ ጾሳ ፖሎ ቆንጨ ግድያዋና። ሀ አማንያዋንቱ ባረንቱ አማኑዋን ምናና ማላ፥ ኡንቱንታ መን። እ ሄዋ ኦደ ሄዙ ቱማቱዋ ቆንጭሲደ በሴ:

1. እ አኬዳ መቱዋ ባጋና ባረ አዎ ቱሙ አዛዘቴዳ የሱስ ጾሳዉ መና ናኣ። እ ጾሳ ናኣ ግዴዳ ድራዉ፥ ኤጫ ቃላ ጫቁዋ ዎድያን ትምቢትያ ኦድያዋንቱፐ፥ ኪታንቻቱዋፐነ፥ ሀራይ አትን፥ ሙሴፐካ ሎይ አያዋ።

2. የሱስ ኤጫ ቃላ ጫቁዋ ቄሳቱዋፐ ሎይ አያ፥ መና ቄሳ ግድያዋ ጾሳይ ባረ ሁጰዉ ኦዴዳ።

3. የሱሳ ባጋና አማንያዌ ናጋራፐ፥ ያሻተፐነ ሀይቁዋፐ አቴ። የሱስ ቄሳቱዋ ኡባቱዋ ካፑዋ ግድያ ድራዉ፥ ካሰ እብራዋቱዋ አማኑዋ ዎጋቱዋንነ መሄቱዋ ያርሹዋን ኩዋዳን ቤትያ አቶተ ሀእ ቱማ ግዳናዳን ኦዳ።

ጻፊ እስራኤልያ አሳ ታርክያን ዳሮ ኤረቴዳ አሳ አማኑዋ ሌምሱዋዳን ጎኤቲደ (ሸምፑዋ 11)፥ ሀ ማጻፋ ናባብያ አሳቱ ባረንቱ አማኑዋን ምናናዳን ቆፍሴ። ሄዋዳንካ (ሸምፑዋ 12) ናባብያዋንቱ ባረንቱ አይፍያ የሱሳ ቦላን ትሽ ኦ ዎደ፥ ባረንቱ አማኑዋን ምናናዳንነ አይ ማላ መቱነ ዋዪ ጋኮፐካ፥ ኡንቱንቱ ገንጫናዳን ዞሬ። ዉርሰን ቃይ ዞርያነ አኬክሱዋ ቃላ እምያዋን ዉርሴ።

ሸምፓቱዋ ኡባቶ እመቴዳ ቃን ቆፋቱዋ

ገሉዋ: ጾሳይ የሱሳን ቆንጬዳዋ

ክርስቶስ ኪታንቻቱዋፐ ቦላ ግድያዋ

ክርስቶስ ሙሴፐነ ኢያሱፐ ቦላ ግድያዋ

ክርስቶሳ ቄሳተ ቃተ

ክርስቶሳ ቃላ ጫቁዋ ቃተ

ክርስቶስ ያርሸቴዳዌ ኦዋፐነ ዳርያዋ

አማኑዋ ዳሮተ

ጾሳ ናሸቹሳ