ዳኔላ

ዳኔላ ትምቢትያ

ገሉዋ

ዳኔል የሩሳላም ኦሞደቴዳ ዎደ እትፐ ኦሞደት ቢደ ባብሎነን ደእያ ናብያ። ዳኔላ ትምቢቲ ጻፈቴዳዌ አይሁዳ አሳቱ አይሁዳ ግደና ካዉተቱዋ ሞዱዋ ጋርሳን አቂደ፥ ዎልቃማ የደሳይነ ኡቁናይ ጋክና፥ ኡንቱንቱ መቱዋ በእያ ዎድያና። ማጻፋ ጻፌዳዌ ሳጻፐ ቤቴዳ ታርከቱዋንነ ኦሶቱዋን ጎኤቲደ፥ ሄ ዎደ ደእያ አሳ ምን። ጾሳይ ኡቁኒደ ሞድያ ካትያ ይሲደ፥ አሳ ኡቁና ቃሹዋፐ ከሳናዋ ህዶታ እሜ።

ሀ ማጻፋይ ላኡ ሁጰ ሁጰ ክፍለቱዋን ሻከቴ።

1. ዳኔልነ አናና እትፐ ኦሞዱዋን ደእያ አማሬዳ አሳቱ ጾሳ አማንያ ምኖ አማኑዋንነ አዉ አዛዘትያ ሀኖታን ባረንቱ ሞርከቱዋ ጾኔዳዋ ኦድያ ታርከቱዋ ግድሽን፥ ኡንቱንቱካ ፖለቴዳዌ ባብሎነነ ፓርሰ ካዉተ ላይና።

2. ዳኔል ዱማ ዱማ ሳፃ በኤዳ። ሄ ሳጻቱዋ ሌምሱዋን በሲደ፥ ባብሎነፐ ዶሚደ፥ ዱማ ዱማ ካዉተቱ ደንድ ደንዲደ ኩንዳናዋነ ኡንቱንታ ሞድያ አይሁዳ ግደና ካቲ ይና፥ ጾሳ አሳይ ጾኑዋ ደማናዋ በሰ።

ሸምፓቱዋ ኡባቶ እመቴዳ ቃን ቆፋቱዋ

1. ዳኔላነ አ ሄዙ ላገቱዋ

2. ካትያ ናቡካዳናጾራ አኩሙዋ

3. ስድራቃ፥ ምሳቃነ አብድናጉዋ ጾሳይ ኤጽያ ታማፐ አሼዳ

4. ናቡካዳናጾረ ላፑ ላይ ባረ ካዉተ ዬዳ

5. ካትያ በልሻጻራነ ጎዳ ቦላ ጻፉዋ

6. ጾሳይ ዳኔላ ጋሙዋ ዶናፐ አሼዳ

7. ዳኔል በኤዳ ኦይዱ ዶአቱዋ ሳፃ

8. ዳኔል በኤዳ ዶርሳ ኦርግያነ ዴሻ ኦርግያ ሳፃ

9. ዳኔል ባረ አሳ ድራዉ ዎሴዳ

10. ዳኔል ጼግሮሳ ሻፋ ማታን በኤዳ ሳፃ

11. ዉርሰ ዎድያባ