युहन्‌ना

यूहन्ना के द्वारा लिखा गया यीशु का सुसमाचार

युहन्‌नान साहरे लिखली ईसुन खुस-खबर

युहन्‌नान बारामां

युहन्‌नान अनसारे खुस-खबर नवला नेम मां चार किताप मां सी एक छे, जु ईसु मसीन जीवनेन बारामां देखाड़े। तींद्‌रे मां सी एकेक काजे “खुस-खबर” कह्‌वे। तेरो मतलब छे “वारलु खबर।” चे मत्‌‌ती, मरकुस, लुकु, ने युहन्‌नान साहरे ईसुन मरनेन पछे लिखली छे। युहन्‌ना अनसारे खुस-खबर आड़े-धड़ेन नेवताळा युहन्‌नान साहरे ईसुन पयदा हवणेन लग-भग नब्‌बे साल पछेन लिखला, चाहे ची किताप जी नी कह्‌वे, की युहन्‌‌‌नु लिखणे वाळु छे, लिखणेन ढंग पेहला युहन्‌ना दीसरा युहन्‌ना ने तीसरा युहन्‌नान आक्‌सरेन तसा छे, थुड़ाक डाहा-बुड़ा युहन्‌ना काजे तीनी टेमे ईफीसुस सहर मां रवे, हेरेसी कवतेला की जी किताप ईफीसुस सहर मां लिखी गुयली।

युहन्‌ना साप रुप सी बताड़े की ईनी कितापेन मतलब माणसे काजे भुरसु करने मां मदत करनु छे, की ईसुत मसी छे, जीवतेला भगवानेन पुर्‌यु

बाहरती वात

1. युहन्‌नान खुस-खबर चालु करे।

2. अळतेन चु तीनुक बेसका मटा कामेन बारामां जु लिखे चु ईसु कर्‌यु।

3. तेरे पछेन चु ईसुन जीवनेन बेसका कामेन बारामां देखाड़े जु तेरे मरनेन ने पछु जीव उठणेन वाटे अगवाय करे।

4. युहन्‌नान खुस-खबर खाजे खत्‌तम करनेन बारामां बताड़े, तेरेमां सी एकेक पछे ईसु माणसे काजे देखाव पड़नेन पछे चु मरला मां सी जीव उठे ने अळी किताप लिखणेन आपणो मतलब बताड़्‌यु।