एस्तेर

एस्तेर

लिखने बालो

इस किताबरे लिखने बालेरो पतो नईं, भोइ सकते कि कोई यहूदी भोए ज़ै फारसेरे राज़दरबारे रोड़ेच़ारे ज़ानतो थियो। विद्वानां केरो खियाल ईए कि तै अक यहूदी थियो ज़ैनी जरुब्बाबेलेरे ज़िरिये बाकी यहूदी यहूदिया मां वापस एजनेबालां केरे लेई ई किताब लिखी। किछ त इन ज़ोतन कि मोर्दकै एप्पु इस किताबरो लिखने बालो थियो। पन किताबी मां तैसेरी तारीफ़ हेरतां इन लगते कि लिखने बालो कोई होरो आहे, भोइ सकते जुवानन मरां कोई अक भोए।

लिखनेरी तारीक ते जगाह

लगभग 464-331 ई. पू.

ई कहानी क्षयर्ष फारसेरे राज़े राज़ केरनेरे पेइले वक्तेरीए, खास केरतां शूशन क़िले कां राज़ेरे मेहलेरी ज़ै फारसेरी राजधानी थी।

शुन्ने पढ़नेबाले

ई किताब यहूदी केरे लेई लिखी जेवरी थी कि ते सब पवित्रशास्त्र पढ़ने बालां केरे लेई लिखोरीए।

मकसद

इस किताबरो मकसद ईए कि इन्सानेरी इच्छाई मां परमेशरेरी दखल देनी, भेद भावेरे लेई तैसेरी नफरत ते मुसीबतरे वक्ते मां अक्ल देनेरी तैसेरी शेक्ति हिराते। इन्सानेरी ज़िन्दगी मां परमेशरेरी शक्ति कम केरतीए। तैने एस्तेरारे ज़िन्दगरे हालात एन्च़रे कम्मे मां आने ज़ेन्च़रे तै सेभी मैन्हु केरे फैसले ते कम्मां अपने योजनां ते मकसदेरे खातर कम्मे मां आनते। एस्तेरारी किताब पूरीमेरे तिहारेरी स्थापनारो लेखो पेश केरतीए। यहूदी अज़ भी पूरीमेरे तिहारे मां एस्तेरारी किताबी मां पढ़तन।

खास मुद्दो

परमेशर अपने लोकन बच़ाते।

रूपरेखा

1. एस्तेर रानी बनतीए

2. यहूदी केरि मुसीबत

3. एस्तेर ते मोर्दकै एरू कम

4. यहूदी केरो छुटकारो