योना
Jonah
Introduction from this edition
योना नी कीताप
जानकारी
योना नी कीताप योना नी नीनवे ह़ेर मे जवा ना बारा मे से। अने बीजी भगवान वगे गेथी वात देखाड़वा वाळी कीताप सी अलग से, आहयी कीताप भगवान नी खबर नी कीताप नी बराबरी मे नेवताळान अने तीना कामु पोर जादा धीयान करावे। योना नु टाळणु तीहयी टेमे हयु जे टेमे यरोबाम ईस्रायल नो बीजो राजा हतो, कम सी कम 800 सी 750 ईसा पेलेन टेमे, पण जानकारुम ने आहयु नी मालम के कीताप ने कारु लीखली हती। भगवान योना ने नीनवे ना वीरोद मे परच्यार करवा करीन मोकल्यो, पण योना हुकम नी मान्यो अने नीनवे ने जवा रेवा दीन उल्टो जत र्यो
रुपरेखा
1. योना कानी भाते भगवान ने तां गेथो सेटो नाह ज्यो अने माछली ना पेट मे ह़माय ज्यो।
2. योना नी लारे माछली ना पेट मे रेतो जीन भगवान सी करली वीन्ता ना बारा मे देखाड़लु से।
3. योना नीनवे मे परच्यार करे अने ह़ेर ना माणहु पछतावो करे। अने भगवान तीने बचाड़वा नो फेसलो करे।
4. आखरी मे, योना आहयी वात सी खीजवाय र्यो के भगवान नीनवे ना माणहु पोर दया देखाड़्यो, अने भगवान योना ने केय के तीहयो आखा माणहु ने मोंग करे।
Paliya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.