1 ATɛsaloni

Areka ŋɔcɔkɔ-cɔkɔ nŋɛ Pol ɛnacicsɛ

Aka Tɛsaloni mɔ

Moloku ma kəsɔkəs ma areka nŋɛ

Areka nŋɛ, Pol wəsom wəka Yesu ɛnacicɛ alaŋ nde dare da Tɛsaloni (ATɛsaloni 1.1). Tɔlɔma areka ŋaŋɔkɔ ŋɛnayɔnɛ ŋɔcɔkɔ-cɔkɔ nŋɛ Pol ɛnacic, nŋɛ ŋende ŋɔyɔ oŋ dəkəcəmɛ dəKitabu Kətɔt ka Kanu mɔ. Anacic areka ŋaŋɛ meren wəco kəcamət kɔ pin (51) mecepər a k'andekom Krist. Dare da Kɔrɛnt Pol ɛnayi a k'encicɛ areka ŋaŋɛ aka kəloŋkanɛ ka alaŋ a Yesu aŋɛ ŋanayi dare da Tɛsaloni mɔ. Kəloŋkanɛ kənayi nkɛ nkɔn Pol yati ɛnapər marənt mɔn ma mɛrəŋ disrɛ ma kəkawandi mɔ (Asom 17.1-10). Aloku buk ba Yɛbəc ya Asom disrɛ a kəloŋkanɛ kaŋkɔ kənayɔ aSuyif alɔma, kɔ aKresi alarəm.

Ntɛ Pol ɛnalip kəpər kəloŋkanɛ ka alaŋ a Yesu dəndo dare da Tɛsaloni mɔ, ɛnatam fɛ sɔ kəwon di. Ntɛ pənade pəwon oŋ mɔ, it'ɛnader pəcicɛ ŋa areka ŋaŋɛ pəcəpəs alaŋ bəkəc.

Mes mɛlarəm mɔ areka ŋaŋɛ ŋoloku, kɔ ŋɔyɔ disrɛ mosom mɛlarəm mmɛ moŋgbuŋɛnɛ mes mɛlarəm sɔ mɔ, pəmɔ kəloku ntɛ pəmar alaŋ a Yesu ŋayi mɔ. Pol ɛncɛm-cɛməs ŋa sɔ kəgbɔkərɛ kəder ka Krist. Aka kəloŋkanɛ ka alaŋ a Tɛsaloni kəder ka Krist kaŋkɔ kənayɔ ŋa dəkəcəmɛ. Pol ɛnacic kəgbɔkərɛ kəder ka Krist ntɛ tɔŋsɔŋɛ pəgbiŋər alaŋ a ŋayinɛ tɔkɔ tɔmbɔt Kanu mɔ (1 ATɛsaloni 5.6-8).

Teyerəs ta moloku ma Areka ŋaŋɛ:

Pol oncop areka ŋaŋɛ disrɛ moloku ma kəyif aka kəloŋkanɛ ka alaŋ a Yesu aka Tɛsaloni kɔ kəyif Kanu barka tetaŋan (ATɛsaloni 1.1).

Ɔlɔmər ŋa sɔ areka ŋaŋɛ disrɛ mosumpər mɔn kɔ kəsɔŋɛ ŋa kəcərɛ moloku mɔkɔ Timote ɛnader pəloku kɔ mɔ. Pol encic sɔ mosom, ntɛ pəmar aka kəloŋkanɛ ka alaŋ ŋayinɛ pəwaŋkəra pa kəgbɔkərɛ kəder ka Krist mɔ. (1 ATɛsaloni 4.1 haŋ 5.25).

Dəkələpsər, kɔ Pol ɔŋgbɔkərɛ sɔ kəyif aka kəloŋkanɛ ka alaŋ, k'ontola ŋa kəsɔŋɛ aka kəloŋkanɛ fəp ŋakaraŋ areka ŋaŋɛ (1 ATɛsaloni 5.26 haŋ 28).