2 Timotiusi

Weraung We Kodu Na Paulusi We

TIMOTIUSI

Kawio Aduna we 2 Timotiusi

Timotiusi mamo Paulusi ne pandura we aimiomang rai. Weraung nini Paulusi soi we denyau Timotiusi we nukepana na wiuwu kawio parari Sen Yesus Kristusi na wemai kong riu Allai ne Kawiopa na wemai konta. I tato derekamang Timotiusi we dong pararia pampang mariwa nempa we mantanyau pa kong we nyontarai wiuwu Arera we Wieng na Allai pa, mae imbaro miunuara na awe dedu didiwa pa kong nyontarai engkangkani pa.

Paulusi derekamang Timotiusi tato we remo pendura kong nyontarai embateta ya parari kawio kio ateta toyana pa pe. Wo kawio toyana pa kio wemai peawa, mana kio piwe unawa pa we nyontarai entaraoa paya.

Parari pitau yana pa Paulusi derekamang Timotius we kio sanyawa na mantauni, aino parari rioao we Kristusi pa, anewiwu nyontarai pa, kong parari miunuara na didiwa deduta pa na awe engkangkani pa.

Na awe Paulusi denatua ne weraung nei nini pa, i wiata na wangka rarong pai na bendari Roma, demamang we dedu mamba pa pina. Na weraung we Paulusi soipa, weraung nini pai mamo weraung we pui pina.

Kawio na weraung nei kiutua tonina:

Kawio retenang.

Paulusi deparanding Allai kong derekamang Timotiusi imbaro riupi we Seni na wemai pampang.

Paulusi dewara Timotiusi we depaia rewawa i.

Kawio we pui.