1 Tesalonika
1 Thessalonians
Introduction from this edition
WERAUNG WE RETENANG NA PAULUSI WE JEMAATI NA
TESALONIKA
Kawio aduna we 1 Tesalonika
Bendari Tesalonika pai mamo, pampongpa we bendari puba we raora Makedonia pai, kong nu we parenta Roma pai enai nai we endu raora Makedonia pai tentenang. Ne nyontarai we enai nayana pa embe 200,000 rai. Na ya embetotoi mamo nyontarai Yaudi mana we empau paya embe Yaudi wa, aino nyontarai esomi we nyombatana pa kong sen tarai wa.
Na bendari Piripi Paulusi, Silasi kong Timotiusi itoronta warui bendari yani to bendari Tesalonika pai. Na yana itowuwua Arera we Wieng pa weya impaina nyontarai pe embe totoi endoao Yesusi (Rasuri 17:1-9). Mana woroi wami, mae nyontarai Yaudi we esanerire Paulusi pa etongsaera we embateta pitoai Paulusi denyauwa pa. Kong itoradu didiwa pitau, impaina itomati warui nu yani mae itorapai to Berea.
Mana Paulusi anewe reo nyontarai Tesalonika paya ea, wo anetatuata we ya endoaopa piraiwoi pe. Impaina demi Timotiusi donta to Tesalonika ea we rewawa ya. Interi Timotiusi teweri eama kio kawio parari nyontarai Tesalonika endoao paya we etadu didiwa warui nyontarai ea wauya tutu entua Yesusi paina. Toyana ki mana endoaopa maitui. Impaina Paulusi soi Weraung We Retenang We Jemaati na Tesalonika pai nini. Weraung nini pai soi we imbaro ya esaneaoa we topitotoi i merarising parari ya, kong anerarong dawia we dontara reo ya. Paulusi dong piboki we Allai parari kawio tarao parari ya pa, we endoao Kristusi maitui kong esanewiwu pa. I tato derekamana weya parari topitotoi embengpa we embe nyontarai Keristeni paina (Rasuri 4:1-12).
Nyontarai Tesalonika paya esaneriru parari topitotoi Kristusi teweri eama pa. Kong parari nyontarai keresteng we engkada na awe Kristus teweri ma wami mamo pitoai etaduta pa. Kong parari a totoi Kristusi ingkai teweri eama pa. Paulusi tato denyau ya imbaro ya endupi pampang na esanesara mae entamamang we Kristusi ingkai riama pa kong awe nyontarai engkada paya entawa ea pa.
Kawio na weraung nei kiutua tonina:
Kawio retenang.
Paulusi sopang piboki we Allai parari nyontarai Tesalonika paya tutu endoaoa meitui pa.
Paulusi soi parari topitotoi awe meoi kong ya na enemadu pa.
Paulusi soi parari dongsaera kangkuna we reo ya ea.
Anyau parari nyontarai keresteng paya embeng toa pa.
Anyau parari nyontarai engkada entewa pa kong awe Sen Yesusi teweri eama pai.
Anyau parari topitotoi nyontarai endoaoa pa embekoiripa.
Kawio wepui pa.
Alkitab Bahasa Ansus. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.