Jo Epeco

Waraga ma Paulo ocoyo bot

JO EPECO

Lanyut wilok madito ma i buk man

Paulo ocoyo waraga man bot jo Epeco, pe pi tyen lok mo ma onongo tye katime i kanica me Epeco, ento ocoyo me nyutu kamaleng yub pa Lubanga ma wok ki bot Yecu Kricito. Yub man tye me kelo gin acweya ducu ma i polo ki ma iwi lobo ite loc pa Yecu Kricito.

I dul lok mukwongo me buk man lacoc otito kamaleng ber pa ribe kacel. Dok otito bene kit ma Lubanga yero kwede jone dok timo ki gin kica ikom balgi kun wok ki bot Yecu Kricito. En bene omoko kamaleng cike pa Lubanga me cwalo Cwiny Maleng.

Paulo ocoyo buk man kun lego lwak pa Lubanga me ribe kacel wek ribe man onen i kwogi me kare ducu, kit macalo dul kom dano tye patpat ento gin ducu ribe kacel, kun dul kom acel acel tiyo tice wek kom ducu obed maber.

Lacim wilok madito ma i buk man

Mot bot jo pa Lubanga ma gitye i Epeco

Yecu Kricito ki Kanica

Kwo manyen i Kricito

Mot ki lega me agiki bot jo Epeco