Jo Kolocai 3:23

11

Kit macalo yam dong wucer woko kacel ki Kricito, wuket cwinywu dong ikom jami matye malo, kama Kricito tye iye i kabedo me deyo inget Lubanga tung acuc. 2Wuket cwinywu ikom jami matye malo i polo ento pe ikom jami me lobo. 3Pien yam wuto woko, ento kombedi dong kikano kwowu kacel ki Kricito bot Lubanga. 4Ka Kricito ma en kwowa binen, wun bene wubinen kacel kwede i deyo.

Kwo macon ki kwo manyen

5Pimeno omyero dong wunek gin ducu me lobo matye i iwu, ma gin aye abor, caro, mit me kom, ki par marac makelo lewic, ki woro me jami marom ki woro jogi. 6Akemo pa Lubanga tye kabino pi kit tim macalo meno ikom jo ma pe winyo loke. 7I kit kwo mayam wubedo kwede, magi aye gin tim ma onongo wubedo kalubugi. 8Ento kombedi omyero dong wubwotgi woko ducu: kiniga, kwar cwiny, rac cwiny, yet, ki loko lok mogo me lewic ma pe omyero kiwiny ka kati ki i dogwu. 92 Pe omyero wubwole kekenwu, pien dong wubwoto kwowu macon ca ki tice ducu, 103 ci dong wuruku kwo manyen ma Lubanga tye karocone i ngec manyen me dwokone i cale kikome. 11Pimeno dong apokapoka pe ikin Lugrik ki Lujudaya, ngat ma kiliro ki ngat ma pe kiliro, larok ma kwiya piny mere ata ma pe ngeyo leb, rok ma pud gudong cen ikit me wi lobo, opii, ki ngat madong lone kene, pien Kricito dong ocoko gin ducu dok bene tye i igi ducu. 124

Ento wun aye jo ma Lubanga dong oyero, jo maleng ma Lubanga maro; pimeno omyero dong wuruk cwiny mamiyo wuparo pi can pa luwotwu, wubed ki kica, mwolo, woro ki diyo cwiny. 135 Wudii cwinywu kekenwu, ngat acel acel odii cwinye ikom lawote, kun wutimo kica ki luwotwu ikinwu kekenwu pi balwu. Ka ngat mo ikinwu tye ki lok mo ikom lawote, timo kica pi bal omyero obed tye macalo Rwot bene ceng otimowu kica. 14Ento makato magi ducu, omyero wubed kun wupong ki mar. Pien mar keken aye tweyo jami ducu, ribogi kacel ma cobo bene maber licwic. 15Wuwek kuc pa Kricito mayam olwongowu ikom acel aye oloo cwinywu, ka wek dong wubed jo mamiyo pwoc kare ducu. 166 Wuwek lok pa Kricito obed ma opong i iwu, ka wupwonye, kun wujuke bene kekenwu ki ryeko ducu. Dok bene ka wuwero jabuli, ki wer me pako Lubanga ki wer mogo mukene me dini, wuwer bot Lubanga ki pwoc i cwinywu. 17Gin ducu ma wutiyo, kadi ki i lok nyo i tic mogo, wutiigi inying Rwot Yecu, kun wumiyo pwoc bot Lubanga Won kun wok ki bote.

Kit me bedo kacel i kwo manyen

187

Wun mon, wumiine kenwu ite loc pa cogwu, pien meno aye gin ma myero ikin jo matye i Rwot. 198 Wun co bene, wumar monwu, pe wubed ki gero ikomgi. 209 Wun lutino, wuwiny lunyodowu i lok ducu, pien meno aye yomo cwiny Rwot. 2110 Wun wego bene, pe myero wunget cwiny lutinowu, miyo cwinygi bale woko. 2211 Wun lutic, myero wuwiny luditowu me lobo man i lok ducu ki cwiny acel, pe i tic ma bwolo wang dano keken, kun wumito wuyom cwiny dano, ento wutii i cwiny me lworo Rwot. 23Tic mo keken ma wutiyo, wutii maber ki cwinywu ducu, macalo wutiyo bot Rwot, ento pe pi dano. 24Wunge ni wubilimo jami ducu ma Rwot oyubu wa con pi jone macalo mot; pien wun wutye katic pi Rwotwa Kricito. 2512 Pien latim marac mere kibicule pi gin marac ma en otimo, pien Rwot pe poko kin dano.