Jo Kolocai

Waraga ma Paulo ocoyo bot

JO KOLOCAI

Lanyut wilok madito ma i buk man

Paulo ocoyo waraga man bot jo Kolocai, ma nonge i Acia tung kunyango me Epeco. Paulo pe ocako kanica man, ento onongo tye ite adwol ma en Paulo tye iye ki twero. En obedo kacwalo lutic ma a ki Epeco kunu. Epeco kono obedo taun madit ma jo Roma giloyo ma onongo nonge i Acia. Paulo onongo dong otyeko niang woko ni lupwonye ma lugoba dong gudonyo woko i kanica matye i Kolocai kun gipwonyo dano ni kace dano mo mito ngeyo Lubanga maber ki me jolo lar omyero kong ocak ki woro luker ki wegi twero mogo pa jogi. Medo ikom meno, lupwonye magi bene gipwonyo ni, dano gubed katimo kit kwer mogo calo lire ki bene gulub cik ma mako gin acama ki jami mogo mapatpat mapol ata.

Paulo ocoyo waraga man me kwero lakit pwony magi woko kun tito kamaleng pwony me ada ma lukricitayo omyero gulubi. Pen pwony man tye ni lar kikome a ki bot Yecu Kricito ento kit kwer mukeneni ducu rwenyo dano arweny ki bot Yecu. Lubanga ocweyo lobo ducu kun wok ki i Yecu dok kombedi bene en tye kadwoko jami ducu cen bote kun bene wok ki i Yecu. Gen me lar pi lobo bene tye i Yecu keken. Paulo bene onyutu kamaleng pwony ducu ma mako kwo pa jo ma oye Yecu.

I waraga man waneno bene ni Tukiko, ma Paulo ooro me tero waraga man owoto kacel gin ki Onesimo, ma obedo opii ma Paulo ocoyo waraga pire bot Pilemon.

Lacim wilok madito ma i buk man

Lanyut

Kit pa Kricito ki tice

Kwo manyen i Kricito

Ladol