1 Petero

Waraga mukwongo ma

PETERO

Ocoyo

Lanyut wilok madito ma i buk man

Waraga man mukwongo Petero ocoyo bot jo ma oye Yecu Kricito macalo Lalargi ma en olwongogi ni “Jo ayera pa Lubanga” ma guket i kabedo mapatpat ma gin onongo tye i lobo matye ite loc pa Luroma.

Tyen lok madit ma oweko en ocoyo waraga man obedo me cuko cwiny jo ma oye Yecu Kricito macalo Lalargi me bedo kitek cwiny, kadi bed gin tye ka nongo can malit atika ki bot jo ma pyem ki lok pa Lubanga.

Petero ocuku cwiny jo ma oye me neno lanyut me niye ki bot Yecu Kricito ma olimo can malit atika ni o wa iwang to ma mere. Dong en ocuku cwiny jo pa Lubanga me bedo ki gen makwo pien Yecu bidwogo tyen me aryo kangolo kop pa jo makwo ki jo ma oto.

Lacim wilok madito ma i buk man

Nyutu ngat ma ocoyo buk man, dok bot jo mene

Lare ma a ki bot Lubanga

Bedo ki kwo mupore ma leng

Gin maber me atima ikare me ayelayela

Mwolo ki tic pa jo ma oye Yecu Kricito macalo Lalargi

Mot me agiki