1 Petero 5

Wukwa romi pa Lubanga

1Abako doga bot ludongo ma gitye ikinwu, an ma ladit wadiwu ma abedo caden i can pa Kricito, dok bene abinywako i deyone ma binen. 21 Wukwa romi pa Lubanga matye botwu, kun wunenogi maber, pe pi dic, ento pi mitiwu kenwu, ikit ma Lubanga mito, pe pi lim, ento pi mit me cwinywu. 3Pe wulo loc kitek ikom dano ma kiketo i cingwu, ento wubed lanen maber bot romi; 4miyo ka Lakwat madit binen, wun wubinongo mot, lalukana me deyo ma pe bale. 52 Kitmeno, wun bulu bene, wuwiny loc pa ludongo. Wun ducu wuruke ki mwolo, ngat acel acel inyim lawote, pien kicoyo ni, “Lubanga dag jo ma wake, ento miyo kica bot jo mamwol.” 63

Wumwole kenwu ite twero pa Lubanga, wek ka kare oromo en otingwu malo. 7Wuket parwu ducu ikome, pien en tamo pirwu. 8Wugwoke, wuki piny, pien lakworwu Catan tye kawire macalo labwor ma kok, kun yenyo dano me amwoda. 9Wucung matek inyime pi niye kun wungeyo ni, utmegiwu ma gitye i lobo ducu gitye ka ciro kit can macalo meno. 10Ka dong wuneno can pi kare manok, Lubanga lami kica ducu, ma olwongowu i Kricito Yecu me nywako deyone ma rii nakanaka, en kikome aye ma bidwokowu kakare, bimiyowu tek, dok bimiyo wucung matek liking. 11Loc obed bote nakanaka. Amen.

Mot me agiki

124

Acoyo waraga man botwu manok ki kony pa Silvano, ma angeyo ada ni en ominwa ma gene, pi cuko cwinywu kun aloko macalo caden ni, man en kica pa Lubanga ada. Dong wucung iye matek. 135 Jo ducu ma oye Kricito ma gitye i Babilon ma Lubanga oyerogi kacel kwedwu gumotowu, ki woda Marako bene omotowu. 14Wumote kekenwu ki mot me mar.

Kuc obed botwu wun ducu ma wutye i Kricito.