1 Jon

Waraga mukwongo ma

JON

Ocoyo

Lanyut wilok madito ma i buk man

Waraga me acel ma Jon ocoyo tye ki lok aryo ma pirgi tek. Mukwongo en ocoyo me cuko cwiny dano me bedo ki wat ki Lubanga kacel ki Wode Yecu Kricito. Me aryo en ocikogi pe me lubu pwony mogo me goba pien lakodi kit pwony meno balo kwo maber matye ikin dano ki Lubanga. Lakit pwony man onongo tye ikom pwony moni ni bal a ki ikom gin manen, piman Yecu, ma en Wod pa Lubanga pe obino i lobo kany kun tye ki kom pa dano me lobo man. Lupwonye meno onongo giwaconi me wek i lare myero kong i poke woko ki i lok ma mako kwo me lobo man; kun bene gipwonyo ni lok me lare pe mako kom dano makwo nyo kit yo me kwowa, dok maro lawoti bene pe iye.

En bene omede ki kwero lakit pwony meno kun nyutu kamaleng ni Yecu Kricito obino i lobo kany macalo dano adana, dok omede ki pwony ni, jo ducu ma gitye ki niye ikom Yecu ma bene gimaro Lubanga myero gumar luwotgi.

Lacim wilok madito ma i buk man

Lanyut

Dero ki colpiny

Lutino pa Lubanga ki lutino pa Catan

Ada ki goba

Tic me mar

Loc matye i niye