1 Jo Korint 5

Tim kwele i Kanica

11

Atye kawinyo lok ni tim mo me kwele kwele tye ikinwu. Lakit kwele meno pe nen wa ikin jo ma pe ngeyo Lubanga. Ni tye dano mo ikinwu ma okwayo ciwone ci tye kabutu kwede macalo dakone. 2Pud bene wuwake pire? Cwinywu pe myero ocwer wek kiryem ngat ma otimo lakit tim macalo meno woko ki ikinwu?

3An ki tung bota, kadi apeke kunu, ento cwinya tye botwu kunu; piman dong atyeko ngolo kop ikom dano meno madong otimo tim marac kit man ni woko. 4Ka wucoke ma an atye kwedwu i cwiny ki teko pa Rwotwa Yecu, 5ci wumii dano macalo man bot Catan wek onek kome woko, wek kilar cwinye aye inino pa Rwot. 62 Wakewuni pe ber. Pe wungeyo ni tobi matidi mo yenyo moko ducu ma kirubu me tedo mugati? 73 Wukwany tobi macon me bal woko, wek wubed calo ngano ma kinywango manyen. I adane, tobi pe ikomwu, pien latin romowa me Karama me Kato dong kityero woko, en aye Kricito. 84 Pe dong myero wakweru Karama me Kato ki tobi macon, en tobi me raccwiny ki tim mogo maracu, ento myero wakweru ki Mugati ma Tobi pe iye, ma en aye leng ic ki ada.

9Yam acoyo botwu i waragana ni meno, pe wuribe ki jo ma gitimo tim kwele. 10Pe onongo aloko ikom dano me loboni ma gitimo tim kwele, nyo luworo me jami, ki luyak, nyo jo ma woro cal jogi. Pe kumeno; ka kuman onongo myero wua woko ki i lobo. 11I adane acoyo botwu ni pe wuribe ki ngat mo ma kilwongo ni dano pa Kricito, katimo tim kwele, nyo ka en obedo laworo me jami, nyo obedo dano ma woro cal jok, gwok nyo layet dano, lamero nyo layak; pe wunywak cam kacel ki lakodi danoni. 12-13Meno pe tica me ngolo kop ikom jo ma pe guye Yecu. Lubanga aye ma bingolo kop ikomgi. Pe myero wun aye wungol kop ikom jo ma oye Lubanga ma gitye ikinwu? 5 Kit macalo kicoyo ni, “Wuryem dano marac woko ki ikinwu.”