Mihilimo 9

Wantu wawiye kulawa ko usamizo

1Elo Waizulaeli wose niyo wawazwa kuligana na nkolo zawo, na kuwandikwa mwe chitabu cha maseuta wa Izulaeli. Wantu wa Yuda watahagwa na kwigalwa ko mzi wa Babeli kwa chausa cha wavu wawo. 2Wantu wa nkongo kuya kwe mizi ye isi yawo nendile ni Waizulaeli wasiku na walavyantambiko na Walawi na wandima mwe Inyumba ya Chohile. 3Wantu wasiku kulawa mwa amakabila ya Yuda na Benjamini na Efulaimu na Manase waitaga kwikala ko mzi wa Yelusalemu. 4Awo ni hamwenga na Utai na Amihudi na Omuli. Uyo Omuli amwelekaga Imuli, Imuli na Bani, welekwa wa Pelesi mwana ywa Yuda. 5Asaya ywa lukolo lwa Silo endaga mwelekwa ywa nkongo ywa welekwa weyawe hamwenga na wanawe. 6Wana wa Yeuli nendile ni Zela. Wantu wa kabila dya Yuda wekalaga ko mzi wa Yelusalemu wendaga magana mtandatu na milongo chenda. 7Mwe dikabila dya Benjamini wandaga Salu mwana ywa Mesulamu na Hodaviya mwana ywa Hasenua, 8na Ibuneya mwana Yelohamu na Eli mwana ywa Usi mwana ywa Mikili na Mesulamu mwana ywa Sefatiya na Lueli mwana Ibuniya, 9wantu wendaga wakulu wa nkolo zawo. Wantu wa kabila dya Benjamini wekalaga ko mzi wa Yelusalemu wendaga magana chenda milongo mishano na mtandatu.

Walavyantambiko nawakekala komzi wa Yelusalemu

10Walukolo wa walavyantambiko wendaga ni Yedaya na Yehoyalibu na Yakini, 11na Azaliya mwana ywa Hilikiya na Meshulamu mwana ywa Sadoki na Melayoti mwana ywa Ahitubu mkulu ywe Iyumba ya Chohile, 12na Adaya mwana ywa Yelohamu na Pashuli mwana Malikiya na Masai mwana ywa Adiyeli na Yazela mwana ywa Meshulamu na Meshilemiti mwana ywa Imeli, 13Walavyantambiko wendaga masekulu we zinkolo zawo wendaga ni Elufu imwenga na magana mfungate na milongo mtandatu. Wendaga na udahi mkulu wa kusankanila mwe inyumba yo kumvikila Chohile.

Walawi wendaga wakekala Yelusalemu

14Wano nawo Awalawi wendaga wakekala Yelusalemu, Shemaya mwana ywa Hashubu mwana ywa Azikamu mwana ywa Hashibahi mwana ywa Melali, 15na Bakibakali na Heleshi na Gali na Mataniashi mwana ywa Mika mwana ywa Zichali mwana Asafu, 16na Obadiya mwana ywa Shemaiya mwana ywa Gali mwana ywa Yedusuni mwana ywa Beleshiai, mwana ywa Asa mwana ywa Elikanahi, awo wose nawakekala kwemizi ya Wanetofahi.

Wamizi we Inyumba ya wekalaga Yelusalemu

17Wamizi we Inyumba yo kuvikila wekalaga Yelusalemu wendaga ni, Shalumu na Akubu na Talimoni na Ahimani Walawi weyawe. Shalumu endaga nuyo chilongozi ywawo 18Umo mwe chipindi icho wamizi kulawa mwe izinkolo zawo wekalaga mwe ntendele ya ulailo wa zuwa we inchili yo mzi wa seuta. Wakamila izinchili za malago ya Walawi. 19Shalumu mwana ywa Kole mwezukulu ywa Ebiasafi, hamwenga na walukolo wakwe welekwa wa Kola, endaga nuyo mkulu akuchimaila inchili ya kwe Idihema Dikukile, saviya wababa zakwe wendile wamizi mwe idilago dya Zumbe Chohile. 20Aho kale Fineasi mwana ywa Eliazali endaga sekulu ywa awamizi we inchili na Zumbe Chohile nendile ehamwenga naye. 21Zakaliya mwana ywa Meshelemiaha endaga nuyo akachimaila inchili ye Idihema Dikukile. 22Wantu magana maidi na mlongo umwenga na waidi wasagulagwa kwamila izinchili. Wawandikwa kuligana ne izinkolo zawo ne izikaya zawo. Seuta Daudi na muwoni Samwilu nawo wawalavyanye welekwa wawo watende wamizi we izintendele izo. 23Wowo na welekwa wawo wajendelezaga kwamila izinchili kwe Inyumba yo kuvikila. 24Kwendaga na nchili na mwamizi ntendele zose, chenya na kwa mwenye mzi na ulailo wa zuwa na uswelo wa zuwa. 25Wano wamizi wendaga wakambizwa ni Walawi weyawe, wendaga wakekala mwe izikaya naho wendaga wakahokelezana ukwamila kwa mazuwa mfungate kwa chila chipindi, 26mna wadya awamizi awane awo Walawi nawana ndima wa kuchimaila ivyumba vye ihazina mwe inyumba ya Chohile, 27nawakekala hajihi ne Inyumba ya Chohile, kwaviya niyo yendile indima yawo kwamila na kuvugula izi nyivi chila zuwa no mtondo.

Ndima za Walawi Watuhu

28Walawi watuhu wendaga na ndima ya kuchimaila iviya vikujesezwa mo kuvikila. Nawakaviwaza umo vikaunga vijesezwe na vikaheza kujesezwa. 29Watuhu nendile wakachimaila iviya vye Inyumba ya Chohile ne iviya vyose vikukile na unga udinyigwe vyedi na divai na mavuta ya mizaituni na ubani na mavuta yakupwepweleka. 30Mna walavyantambiko watuhu nendile wana ndima ya kuhanganya mavuta ya kupwepweleka. 31Mlawi yumwenga akwitangwa Matisiaha, mwana ywa nkongo ywa Shalumu, ywa lukolo lwa Kola, endaga mchimaila ywa kudamanya mikate ya ntambiko. 32Walukolo we dikabila dya Kohati wendaga wachimaila wa kwemalanya mikate ya lagiso ye Inyumba ya Chohile ya chila zuwa dya Kuhumula. 33Wantu watuhu we idigabila dya Walawi wendaga wachimaila wa wachemi mwe Inyumba ya Chohile. Wakulu we zi nkolo izo wendaga wakekala mwe zi nyumba izi ntuhu zihaguhi ne Iyumba ya Chohile nendile hawakungwa kudamanya ndima ntuhu yoyose, kwaviya nawemwendima chilo na msi. 34Wantu wose watajigwe hano wendaga nawo wachimaila we idikabila dya Walawi, kuligana ne izinkolo zawo. Wendaga nawo amasekulu wakekala Yelusalemu.

Wababa na welekwa wa seuta Sauli (1 Mihilimo 8:29-38)

35Mntu akwitangwa Yeieli mwelekwa ywa Benjamini nuyo akongaga kwikala mo mzi wa Gibeoni. Endaga akekala na mkaziwe akwitangwa Maaka 36Mwelekwa ywakwe ywa nkongo na ketangwa Abudoni, na welekwa wakwe watuhu ni Zuli na Kishi na Baali, na Neli, na Nadabu, 37na Gedoli na Ahiyo na Zekaliya na Mikoloshi, 38Mikoloshi amwelekaga Shimeamu. Welekwa wawo wendaga wakekala Yelusalemu haguhi na walukolo wawo wa makabila yawo. 39Neli nuyo endaga ise dya Kishi, na Kishi amwelekaga Shauli, na Shauli endaga na wana wane, Yonasani na Malikishuwa na Abinadabu na Eshibaali. 40Mwanawe dya Yonasani endaga Melibaali, endaga ise dya Mika. 41Mika endaga na wana wane, Pisoni na Meleki na Taleya na Ahazi. 42Ahazi kamweleka Yala, Yala endaga na wana watatu, Alemeli na Azimaweli na Zimli, Zimli amwelekaga Moza, 43Moza amwelekaga Bineya, Bineya amwekeka Lefaya na Lefaya amweleka Eleasa na Eleasa amweleka Aseli.

44Aseli endaga na wana mtandatu, yano nayo amazina yawo, Azilikamu na Bokelu na Ishimaeli na Shealiya na Obadiya na Hanani. Wano nawo wendaga wanawe dya Aseli.