Mihilimo 8

Welekwa wa Benjamini

1Benjamini endaga na wana washano, ywa nkongo naketangwa Bela ywa kaidi Ashibeli ywa katatu Ahala.

2Ywa kane Noha ywa shano naketangwa Lafa.

3Wana wa Bela wendaga ni Adali na Gela na Abihudi, 4na Abishuwa na Namani na Ahowa, 5na Gela na Shufamu na Hulamu. 6Awo nawo welekwa wa Ehudi. Awo wendaga masekulu wa nkolo nazikekala ko mzi wa Geba, mna watahagwa wegalwa kosamizo komzi wa Manahati, 7na Namani na Ahowa na Gela ise dya Uza na Ahihudi nuyo awalongoze wajese imbuli iyo. 8Shahalaimu asaga wavyele wakwe waidi, Hushimu na Baala. Eze aite kweisi ya Moabu, 9uko niyo amsola Hodeshi eleka wana mfungate, Sibiya na Mesha na Malikamu, 10na Yeuzi na Sakiya na Milima. Wanawe awo wose watendaga masekulu we izinkolo. 11Naho niyo eleka wana watuhu waidi kwa mkaziwe Hushimu, Abitubu na Elipaali. 12Elipaali endaga na wana watatu, Ebeli na Mishumu, Shemedi nuyo azengaga imizi ya Ono na Lodi hamwenga ne izikaya mnkanda mwakwe.

Wabenjamini wekale Gati na Aiyaloni

13Beliya na Shema wendaga vilongozi mgati mwa welekwa nawakekala ko mzi wa Aiyaloni, wawabalazaga awakaya wo mzi wa Gati. 14Ahiya na Shashaki na Yelemoti, 15Zebadiya na Aladi na Edeli, 16Mikaeli na Ishipa na Yoha, awo ni welekwa wa Beliya.

Benjamini uko Yelusalemu

17Zebadiya na Meshulamu na Hizikiya na Hebeli, 18Ishinelai na Iziliya na Yobabu wendaga welekwa wa Epaali. 19Yakimu na Zikili na Zabudi, 20Elienai na Ziletani na Elieli, 21Adaya na Belaya na Shimlati wendaga ni welekwa wa Shimei. 22Ishipani na Ebeli na Elieli, 23Abudoni na Zikili na Hanani, 24Hananiya n a Elamu na Antotiya, 25Ifudeya na Penueli wendaga welekwa wa Shashaki. 26Shamshelai na Shehaliya na Ataliya, 27Yaleshiya na Eliya na Zikili wendaga ni mgati mwa welekwa wa Yelohamu. 28Awo nawo wendaga masekulu we izinkolo zawo kuligana na welekwa wawo. Wendaga sekulu naho nawakekala Yelusalemu.

Welekwa wa Benjamini wekekalaga Gibeoni na Yelusalemu

29Yelieli endaga nuyo mntu ywa nkongo kuuzenga umzi wa Gibeoni. Mkaziwe naketangwa Maaka. 30Mwanawe ywa nkongo endaga ni Abudoni. Wanawe watuhu ni Zuli na Kishi na Baali na Nadabu, 31Gedoli na Ahiyo na Zekaliya, 32na Mikiloti ise dya Shimeya. Awo nawo wakekala Yelusalemu hajihi na wantu watuhu wo lukolo lwawo.

Wantu mwe ikaya ya seuta Sauli

33Neli amwelekaga Kishi, Kishi niyo amweleka Sauli. Sauli endaga na wana wane, Jonasani na Milikishuwa na Abinadabu na Eshibaali. 34Jonasani amwelekaga Melibaali uyo niyo amweleka Mika. 35Mika endaga na wana wane Pitoni na Meleki na Teleya na Ahazi. 36Ahazi kamwelekaga Yehoada. Yehoada aweleka Alemeti na Azimaweti na Zimli. Zimli kamweleka Musa. 37Musa amweleka Bineya, Bineya amweleka Lafa, Lafa amweleke Eleasa, Eleasa niyo amweleka Aseli. 38Aseli endaga na wana mtandatu. Azilikamu na Bokelu na Ishimaeli na Shealiya na Obadiya na Hanani. 39Esheki mlukolo ywa Aseli endaga na wana watatu. Mwelekwa ywakwe ywa nkongo endaga ni Ulamu ywa kaidi ni Yeushi ywa katatu ni Elifeleti.

40Wana wa Ulamu wendaga watatu, wakankalu vitendese mwe nkondo, naho nawadahisa kulasa. Endaga na wana na wezukulu walozize, mligano wawo ni gana dimwenga na milongo mishano. Wose awo wendaga wantu wo lukolo lwa Benjamini.