Mihilimo 6

Nkolo za Walavyantambiko wakulu

1Lawi endaga na wana watatu, Gelishoni na Kohati na Melali.

2Kohati endaga na wana wane, Amlamu na Ishali na Hebuloni na Uzieli.

3Amlamu endaga na wana watatu, Haluni na Musa na Miliyamu. Haluni endaga na wana wane, Nadabu na Abihu na Eliazali na Isamali.

4Lweleko lwa Eliazali kulawa lweleko kubula lweleko wendaga, Finehasi na Abishuwa, 5na Buki na Uzi, 6Zelahiya na Melayote, 7Melayote na Amaliya na Ahitubu, 8Ahitubu na Ahimaasi na Sadoki, 9Ahimasi kamweleka Azaliya, Azaliya kamweleka Yohanani, 10Naye Yohanani kamweleka Azaliya. (Azaliya nuyo nendile akadamanya ndima yo ulavya ntambiko mwe inyumba nkulu yo kuvikila azengile Sulemani uko Yelusalemu) 11Azaliya kamweleka Amaliya, Amaliya kamweleka Ahitubu, 12Ahitubu kamweleka Sadoki, Sadoki amweleka Meshulamu, 13Meshulamu kamweleka Hilikiya, Hilikiya kamweleka Azaliya, 14Azaliya kamweleka Selaya, Selaya amweleke Yehosadaki, 15Yehosadaki egalagwa ko usamizo umo Zumbe Chohile awegale wantu wa Yuda na wantu wa Yelusalemu kwe wikazi mhya kujinkila seuta Nebukadineza.

Welekwa watuhu wa Lawi

16Lawi nendile ana wana watatu, Geshomu, na Kohati na Melali. 17Chila yumwenga nendile ana wana wa chilume, Gelishomu wanawe nendile ni Libini na Shimei, 18Wana wa Kohati nendile ni Amlamu na Ishali na Hebuloni na Uzieli. 19Melali kamweleka Mahili na Mushi. Kuligana ne izinkolo zawo awo nendile nawo Awalawi.

20Welekwa wa Gelishomu kukongela cheleko kubula cheleko chituhu nendile ni Gelishomu na Libuna na Yahati na Zima, 21Yowa na Ido na Ido na Zela na Jetelei.

22Wana wa Kohati kukongele cheleko kubula cheleko nendile ni Kohati na Aminadabu Kola na Asili. 23Elikana na Ebiasafu na Asili, 24Asili amweleka Tahiti, Tahiti amweleke Ulieli, Ulieli amweleka Uziya, Uziya amweleka Sauli.

25Elikana nendile ana wana waidi, Amasai na Ahimoti. 26Wana wa Ahimoti nendile ni Elikana, Elikana kamweleka Sofai, Sofai amweleka Nahaati, 27Nahati amweleka Eliyabu, Eliyabu amweleka Yelohamu, Yelohamu amweleka Elikana.

28Samwilu nendile ana wana waidi, Mwelekwa ywakwe ywa nkongo nendile ni Yoeli na mvunawe Abiya.

29Welekwa wa Melali kukongela cheleko kubula cheleko nendile ni Melali kamweleka Mali, Mali amweleka Libini, Libini amweleka Shimei, Shimei amweleka Uza, 30Uza amweleka Shimeya, Shimeya amweleka Hagiya, Hagiya amweleka Asaya.

Wachemi mwe Inyumba yo kuvikila

31Wano nawo awantu wekigwe ni seuta Daudi chani walongoze wachemi mwe Inyumba ya Zumbe Chohile umo weze waheze kudika mnyumba Idishanduku dye idilagano. 32Wajesa ndima yawo ya kuchema kulongozi kwe imazabahu mndani mwe Idihema Dikukile kubula chipindi seuta Sulemani akazenga Inyumba ya Zumbe uko Yelusalemu. Indima yawo waijesa vyedi kwa kuhokelezana. 33Nkolo nendile zikajesa indima yo kuchema ni Lukolo lwa Kohati, Hemani nuyo endaga chilongozi ywe idibunga dya nkongo, endaga mwana ywa Yoeli. Lukolo lwakwe kulawana na Izulaeli ni Helimani mwana ywa Yoeli, mwana ywa Samwilu, 34Mwana ywa Elikana mwana ywa Yelohamu mwana ywa Elihu mwana ywa Towa. 35Mwana ywa Zufu mwana ywa Elikana mwana ywa Mahati, mwana ywa Amasai, 36Mwana ywa Elikana mwana ywa Yoeli mwana ywa Azaliya mwana ywa Zefaniya, 37mwana ywa Tahati mwana ywa Asili mwana ywa Abiasafu mwana ywa Kola, 38mwana ywa Ishali mwana ywa Kohati mwana ywa Lawi mwana ywa Izulaeli.

39Asafu mlukolo ywa Lawi, endaga chilongozi we idibunga dya kaidi dya wachemi mwana ywa Belekiya mwana ywa Simeya, 40Mwana ywa Mikaeli mwana ywa Baseya, mwana ywa Malikiya, 41mwana ywa Etini mwana ywa Zela mwana ywa Ido, 42mwana ywa Etani mwana ywa Zima mwana ywa Simeya, 43mwana ywa Yahati mwana ywa Geshoni mwana ywa Lawi.

44Etani ywa lukolo lwa Melali, nendile ni chilongozi ywa bunga dyakatatu dya wachemi. Lukolo lwakwe kuligana na Lawi nendile ni Etani mwana ywa Kishi, mwana ywa Amdi mwana ywa Maluki. 45Mwana ywa Hashabiya mwana ywa Amaziya, mwana ywa Hilikiya, 46mwana ywa Hamsi mwana ywa Bani, mwana ywa Shemali, 47mwana ywa Mahili mwana ywa Mushi mwana ywa Melali mwana ywa Lawi, 48Walawi watuhu walukolo wawo watuhu nawenkigwa ndima ya kusankanila idi Hema Dikukile dye Inyumba ya Chohile.

Welekwa wa Haluni

49Haluni na welekwa wakwe nawo nendile wakalavya ntambiko mlanga mwa mazabahu, malavyo ya kubalanga na mlanga mwa mazabahu ya kuvunkiziza ubani. Wajesa izindima zose zikulanga Hantu Hakukise chani Zumbe Chohile awalekeile Waizulaeli amasa yawo. Wadamanya ivyo kuligana na sigilizi ya Musa, mndima ywa Chohile. 50Welekwa wa Haluni, Haluni kamweleka Eliazali na Finehasi na Abishuwa. 51Buki na Uzi na Selahiya, 52Melayati na Amaliya na Ahitubu, 53Sadoki na Ahimaasi.

Hantu wekalaga Walawi

54Uno nuwo wikazi wenkagwa welekwa wa Haluni mo lukolo lwa Wakohati, awo nawo wendaga wa nkongo kwinkigwa ulisi wa Walawi. 55Awo wenkagwa umzi wa Hebuloni mwe isi ya Yuda na luwala lwa kudimila hampezo hakwe. 56Mna izinkonde ne izikaya zakwe enkagwa Kalebu mwana ywa Yefune. 57Elo, welekwa wa Haluni wenkagwa imizi ino ikutimila ya Hebuloni na Libuna itende ya kusumkila hamwenga no uluwala lwakwe lwa kudimila, Yatili na Eshitemowa hamwenga no luwala lwakwe lwa kudimila. 58Hileni na Debili hamwenga no luwala lwakwe lwa kudimila. 59Ashani na Juta na Besashemeshi hamwenga no luwala lwakwe lwa kudimila. 60Kulawa mwe ntendele ya Benjamini wenkagwa imizi ya Geba na Alemeti na Anatoti no luwala lwakwe lwa kudimila. Imizi yose wenkagwa wekale yendaga mlongo umwenga na mitatu. 61Welekwa wasigale wa Wakohati wenkagwa mizi mlongo kulawa mwe isi ya Manase yendaga uswelo wa zuwa. 62Welekwa wa Gelishomu lukolo kwa lukolo wenkagwa mizi mlongo umwenga na mitatu kulawa mwe isi ya Isakali na Asheli na Nafutali kulawa mwe intendele ye idikabila dya Manase ya ulailo wa zuwa uko Bashani. 63Iviya, mizi mlongo umwenga na midi yenkagwa idikabila dya Lubeni, ne dikabila dya Gadi ne idikabila dya Zabuloni wenkagwa ulukolo lwa Melali kuligana ne zinkolo zawo. 64Iviya, Waizulaeli wawenkaga Walawi imizi iyo chani wekale, hamwenga no uluwala luwazunguluke. 65Imizi yose ilongigwe imwe isi ya Yuda, na imizi yose ilongigwe yendile mwe intendele yeidikabila dya Simeoni na mwe dikabila dya Benjamini, wenkagwa Walawi kwa kutoilwa tegatega 66Wantu wa kaya ntuhu mo lukolo lwa Kohashi wenkagwa imizi iyo hamwenga na luwala lwakwe lwa kudimila mwe isi ya Efulaimu, 67Shekemu wendaga mzi wa kusumkila mwe isi ya magulu ya Efulaimu na Gezeli, wenkagwa hamwenga na luwala lwakwe lwa kudimila, 68Yokimeamu na luwala lwakwe lo kudimila, 69Aiyaloni na Gashiiimoni, hamwenga na luwala lwakwe lwa kudimila. 70Inusu ya awantu we idikabila dya Manase uswelo wa zuwa ye mizi iyo ya Aneli, hamwenga na luwala lwakwe lwa kudimila, na Bileamu, hamwenga na luwala lwakwe lwa kudimila. 71Wantu wo lukolo lwa Gelishomu wenkagwa imizi ino ikutimila, hamwenga na luwala lwakwe lwa kudimila. Mwe isi ye idikabila dya Manase ntendele ya ulailo wa zuwa, wenkagwa Golani mwe isi ya Bashani hamwenga na luwala lwakwe lwa kudimila, na Ashitaloti hamwenga na luwala lwakwe lwa kudimila. 72Mwe isi ya Isakali, wenkagwa Kadeshi hamwenga no luwala lwakwe lo kudimila, na Dabelashi hamwenga no luwala lwakwe lo kudimila, 73na Lamosi hamwenga na luwala lwakwe lwa kudimila, na Anemu hamwenga na luwala lwakwe lwa kudimila. 74Kulaila mwe idikabila dya Asheli, wenkagwa Mashali hamwenga no luwala lwakwe lo kudimila, na Abudoni hamwenga na luwala lwakwe lwa kudimila, 75na Hukoki na Lehobu hamwenga na luwala lwakwe lwa kudimila. 76Mwe dikabila dya Nafutali, wenkagwa Kedeshi ya Galilaya, hamwenga na luwala lwakwe lwa kudimila, na Hamoni na Kiliyamu hamwenga na luwala lwakwe lwa kudimila.

77Izinkolo zisigale ze idikabila dya Melali wenkagwa imizi ikutimila hamwenga na luwala lwakwe lwa kudimila, mwe dikabila dya Zabuluni wenkagwa Limono na Taboli hamwenga na luwala lwakwe lwa kudimila.

78Mwe isi ye idikabila dya Lubeni, wenkagwa ulailo wa zuwa wo umto wa Yolodani haguhi no mzi wa Yeliko, na Bezeli wi kwedijangwa hamwenga na luwala lwakwe lwa kudimila, na Yahasa hamwenga na luwala lwakwe lwa kudimila, 79na Kedimoni na Mefaashi hamwenga no luwala lwakwe lwa kudimila.

80Mwe isi ye idikabila dya Gadi, wenkagwa Lamosi mwe isi ya Gileadi hamwenga no luwala lwakwe lwa kudimila, na Mahanaimu hamwenga na luwala lwakwe lwa kudimila, 81na Heshiboni na Yazeli, hamwenga na luwala lwakwe lwa kudimila.