Mihilimo 4

Lweleko lwa Yuda

1Luno nulo lweleko lusiku lwa Yuda nendile ni Pelesi na Heziloni na Kalimi na Huli na Shobali. 2Leaya mwana ywa Shobali kamweleka Yahati, Yahati amweleka Ahumai na Lahadi. Izo nizo izinkolo za Wasolati.

3Wana wa chilume wa Etamu nendile ni Yezileeli na Ishima na Idibashi. Nendile wana lumbu dyawo naketangwa Haseleliponi. 4Penuweli nuyo mzesi ywa nkongo ywo umzi wa Gedoli na Ezeli nuyo mzesi ywa nkongo ywo umzi wa Usha. Awo ni wana wa Huli mwelekwa ywa nkongo ywa Elifulata. Huli nuyo akongile kuzenga umzi wa Betelehemu.

5Ashulu mzesi ywa nkongo ywo umzi wa Tekowa nendile ana wavyele waidi, Hela na Naala. 6Naala niyo amwelekela Ashulu wana wane wa chilume, Ahuzamu na Hefeli na Temeni na Haahashitali.

7Hela niyo amwelekela Ashulu wana watatu wa chilume, Selati na Ishali na Etinani.

8Kosi kaweleka Anubi na Sobeba, naho nuyo endile baba ywe izinkolo za Ahaliheli, mwana ywa Halumu.

9Nendile kuna mntu akwitangwa Yabesi uyo nendile akatunyiswa ni wantu kujinka wakuluze. Nine kamwinka idizina dya Yabesi kwaviya kamweleka kwa ulumi utendese. 10Mna Yabesi niyo amlombeza Chohile ywa Izulaeli amgamba, “Weye Chohile nakweila unijimbike naho angalamula imihaka yangu. Udahi wako utende hamwenga na miye, naho unidime na mbuli yoyose ihiye, naho nisekupata masulumizo.” Chohile niyo amwinka yadya alombeze.

Ludongo lwa nkolo ntuhu

11Kalebu mlukolo ywa Shuha kamweleka Mahili, Mahili amweleka Eshitoni. 12Eshitoni nendile ana wana watatu wa chilume, Beti Lafa na Paseya na Tehina nuyo akongile kuuzenga umzi wa Ilinahashi. Welekwa wa wantu awo nendile wakekala ko mzi wa Leka.

13Kenazi endaga na wana wa waidi wa chilume, 1Otinieli na Selaya. Wana chiume wa Otinieli nendile ni Hatati na Meonotai 14Meonotai niyo amweleka Ofula.

Selaya kamweleka Yoabu, Yoabu nuyo nkongelo ye Idibwandasi dya Amafundi. Kwaviya wantu nawakela umo nendile ni mafundi.

15Kalebu mwana ywa Yefune nendile ana wana watatu wa chilume, Ilu na Ela na Naamu. Ela kamweleka Kenazi.

16Yehaleleli nendile ana wane wa chilume, Zifu na Zifa na Tiliya na Asaleli.

17Wana wa Ezila nendile ni Yeteli na Meledi na Efeli na Yaloni. Meledi amsolaga Bitiya mchiche ywa Falao, uyo kamwelekela Meledi wana wa chilume waidi, Shamai na Ishiba na mchiche akwitangwa Miliyamu. Ishiba nuyo mntu ywa nkongo kuuzenga umzi wa Eshitemowa. 18Meledi nendile ana mvyele mtuhu Myahudi. Uyo niyo amwelekela wana watatu wa chilume, Yeledi mntu ywa nkongo kuzenga umzi wa Gedoli, na Hebeli mntu ywa nkongo kuzenga umzi wa Soko na Yekutieli mntu ywa nkongo kuzenga umzi wa Zanowa. 192

Hodiya amsolaga lumbudye dya Nahamu, awo welekwa wawo nawo wakongile idikabila dya Wagami dyekalaga komzi wa Keila na Kabila dya Maakati nawakekala komzi wa Eshitemowa.

20Shimoni nendile ana wane wachilume, Amnoni na Lina na Beni Hanani na Tiloni. Ishi nendile ana wana waidi wa chilume, Zehoti na Beni Zoheti.

Lweleko lwa Shela

21Shela mwekwa ywa lukolo lwa Yuda nendile ana wana wa chilume, Eli mntu ywa nkongo kuuzenga umzi wa Leka na Laada mntu ywa nkongo kuzenga umzi wa Malesha, lukolo lwa wasuma suche ntana zing'ale nawakekala komzi wa Beti Ashibea. 223Yokimu na wantu nawakekala komzi wa Kozeba na Yoashi na Salafi walongeze komzi wa Moabu niyo wauya Lehamu. Mbuli izo ni za chikale vidala. 23Kwemizi ya Netaimu na Gedela nendile kuna waumbi wakwikala uko wakamsankanila seuta.

Lweleko lwa Simeoni

24Simeoni nendile ana wana washano wa chilume, Nemweli na Yamini na Yalibu na Zela na Shauli. 25Mwana ywa Shauli nendile ni Shalumu, Shalumu kamweleka Mibisamu, Mibisamu amweleka Mishima. 26Mishima amweleka Hamuweli, Hamuweli amweleka Zakuli, Zakuli amweleka Shimei. 27Shimei nendile ana wana wa chilume mlongo umwenga na mtandatu na wana chiche mtandatu, mna wakuluze nendile hawana wana walozize, naho lweleko lwakwe halujenyele saviya idikabila dya Yuda.

28Mizi nendile wakekala ni Beeli Sheba na Molada na Hazali Shuali. 29Biliha na Ezemu na Toladi, 30Betueli na Holima na Zikilagi, 31Beti Malikaboti na Hazali Susimu na Besibili na Shaalaimu, iyo nendile ni mizi yawo kubula mo ulongozi wa seuta Daudi. 32Naho nendile wekala mwe kaya ntuhu shano, Etamu na Aini na Limoni na Tokeni na Ashani. 33Hamwenga na kaya ze imizi iyo uko Baalati. Uwo nendile ni wikazi wawo, naho waika lukumbusa lwa amazina yawo.

34Wakulu we izinkolo zawo nendile ni Meshobabu na Yamleki na Yosha mwana ywa Amaziya, 35Joeli na Yehu ni wana wa Yoshibiya, Yoshiba kamweleka Selaya, Selaya amweleka Asiyeli. 36Iviya, Eliehonai na Yaakoba na Yeshohaia na Asaia na Adieli na Yesimieli na Benaya, 37Shifi kamweleka Ziza, Ziza amweleka Aloni, Aloni amweleka Yedaya, Yedaya amweleka Shimli, Shimli amweleka Shemaya. 38Nkolo zijendeleza kujenyelesa. 39Niyo wamwaganika kubula kwe inchili yo kwingilila komzi lwa Gedoli, ntendele ya ulailo wazuwa we idibwandasi, chani walonde luwala lwa kudimila izingoto zawo. 40Aho wawona luwala luna mani yalozize, naho matana vitendese, naho isi nendile ni nyangalamu, ihoile naho itondowale. Aho nkongo wekazi wekalaga mwe iyo isi nendile ni wantu wa Hamu.

41Mwa amazuwa yo ulongozi wa seuta Hezekiya wa Yuda, wantu wawandikwe amazina yawo nawaita uko Gedoli niyo wayabalanga amahema ya Wameuni nawakekala uko niyo wawabalaza awantu nawakekala aho. Niyo waika wikazi wa mazuwa yose kwaviya nendile kuna mani yalozize ya kulisa ngoto zawo. 42Wantu watuhu wa kabila dya Simoeni wakubula magana mashano, niyo wakwela kolugulu lwa Seili, vilongozi wawo nendile ni Pelatiya na Nealiya na Lefaya na Usiyeli, wose awo wendaga ni wana wa Ishi. 43Wantu we idikabila dya Simeoni wawakomaga Waamaleki wasigale na kuchupuluka, niyo wekala uko kubula dyelo.