Mihilimo 3

Wana wa seuta Daudi

1Wano nawo awana wa seuta Daudi welekwe umo akekala komzi wa Hebuloni.

Amloni mwanawe ywa nkongo nine naketangwa Ahinoamu ywa mzi wa Yezileli.

Ywa kaidi ni Danieli nine ni Abigaili kulawa komzi wa Kalimeli.

2Ywa katatu ni Abusalomu nine naketangwa Maaka mwana ywa Talimai seuta ywa Geshuli.

Ywa kane ni Adoniya nine naketangwa Hagiti.

3Ywa shano ni Shefatiya nine naketangwa Abitali.

Ywa mtandatu ni Itileyamu nine naketangwa Egila.

4Wose mtandatu welekelwa komzi wa Hebuloni uko Daudi kalongoza kwa chipindi cha mihilimo mfungate na mwyezi mtandatu.

Uko Yelusalemu Daudi kalongoza mihilimo milongo mitatu na mitatu. 5Wano ni wana wa seuta Daudi eleke akekala Yelusalemu, Shimea na Shobabu na Nasani na Sulemani, awo kaweleka na mkaziwe Basisheba mchiche ywa Amieli.

6Naho ukaleka awo nendile ana wana wa watuhu wa chilume chenda, Ibuhali na Elishuwa na Elipeleti, 7Noga na Nefegi na Yafiya, 8Elishama na Eliyada na Elifeleti. 9Wose awo wendaga ni wana chilume wa Daudi, ukaleka wana we ivilaga vyakwe. Iviya Daudi endaga na mwana chiche akwitangwa Tamali.

Lweleko lwa seuta Sulemani

10Welekwa wa Sulemani, Sulemani kamweleka Lehoboamu, Lehoboamu amweleka Abiya, Abiya amweleka Asa, Asa amweleka Yehoshefati, 11Yehoshefati amweleka Yeholamu, Yeholamu amweleka Ahaziya, Ahaziya amweleke Yoashi, 12Yoashi amweleka Amaziya, Amaziya amweleke Uzia, Uzia amweleka Yotamu, 13Yotamu amweleka Ahazi, Ahazi amweleka Hezekiya, Hezekiya amweleka Manase, 14Manase amweleka Amoni, Amoni amweleka Yosiya. 15Wana wa Yosiya nendile ni wane, mwelekwa ywa nkongo ni Yohanani, ywa kaidi ni Yehoyakimu ywa katatu ni Sedekiya ywa kane ni Shalumu iviya etangagwa Yoahazi. 16Yehoyakimu nendile ana wana waidi wa chilume, Yehoyakini iviya naketangwa Yekoniya na Sedekiya.

Lweleko lwa seuta Yehoyakimu

17Welekwa wa Yehoyakini atahigwe ni Wababeli nendile ni mfungate, Shealitieli, 18Malikilamu na Pedaya na Shenazali na Yekamiya na Hoshama na Nedabiya. 19Wana wa Pedaya nendile ni Zelubabeli na Shimei. Wana wa chilume wa Zelubabeli nendile ni Meshulamu na Hananiya, na mwana chiche akwitangwa Shelomiti. 20Iviya Zelubabeli nendile ana wana watuhu wa chilume washano, Hashuba na Oheli na Belekiya na Hasadiya na Yushabu Hesedi.

21Wana wa Hananiya nendile ana wana waidi wa chilume, Pelatiya na Yeshaya. Yeshaya kamweleka Lefaya, Lefaya amweleka Alinani, Analini amweleke Obadiya, Obadiya amweleke Shekaniya. 22Shekaniya nendile ana mwana yumwenga ywa chilume, uyo ni Shemaya. Shemaya nendile ana wana washano wa chilume, Hatushi na Igali na Baliya na Nealiya na Shafati. 23Neliya nendile ana wana watatu wa chilume, Eliehonai na Hizekiya na Azilikamu. 24Eliehonai nendile ana wana mfungate wa chilume, Hodaviya na Eliashibu na Pelaya na Akubu na Yohanani na Delaya na Anani.