Mihilimo 25

Wachemi mwe Inyumba ya Chohile

1Seuta Daudi hamwenga na vilongozi wa wagomba nkondo wawasagulaga wana wasiku wa Asafu na wa Hemani na wa Yedutuni mwe ndima ya kulotela kwa kuvila miluli na kutowa visindamgunda na manyanga. Ludongo lwa mazina ya wadya wasagulwe kulongoza mviko hamwenga ne izindima zidamauwe ni chila bunga ni yano, 2wana wa Asafu nendile ni wane Zakuli na Yusufu na Nesaniya na Ashalela. Awo nawakalongozwa ni Asafu alotele mwe chipindi chose mwe ulongozi wa seuta. 3Yedutuni nendile ana wana mtandatu Gedaliya na Seli na Yeshaya na Shimei na Hashabiya na Matisiya. Awo nawakalongozwa ni tati yawo Yedutuni, nawakalotela kwa kujeseza vilangu niyo wamhongeza na kumtogola Chohile. 4Wana wa Hemani nendile ni mlongo na wane Bukiya na Mataniya na Uzieli na Shebueli na Yelemoti na Hananiya na Hanani na Eliata na Gidaliti na Lomamtiezeli na Yoshibekasha na Moloti na Hotili na Mahazioti. 5Wano wose wendaga wana wa Hemani, Chohile amwinkaga wana wachilume mlongo na wane hamwenga na wana chiche watatu saviya alongaga mwe ndagano chani amtunye. 6Wanawe wose nawakachema nchemo kwa kujeseza miluli na vilangu na visindamgunda mo kuvika mwe Inyumba ya Chohile. Asafu na Yedutuni na Hemani nawakachimailwa ni seuta. 7Mligano wawo hamwenga na wadya walukolo wawo Walawi wahinyigwe wamchemele Zumbe Chohile, wose wahinywa na kutenda wadahi, nendile ni magana maidi na milongo mnane na mnane. 8Wose wadalahala kwa wabwanga na wahinya na wahinywa nawakajeseza tegatega mo kwinkigwa izindima zawo. 9Tegatega dya nkongo dyendaga kwachausa cha Asafu dyamgwelaga Yusufu na wanawe na welekwa wakwe mlongo umwenga na waidi dya kaidi Gedaliya hamwenga na walukolo wakwe na wanawe mlongo umwenga na waidi, 10dya katatu Zakuli hamwenga na wanawe na walukolo wakwe mlongo na waidi, 11dya kane dyamgwelaga Seli hamwenga na wanawe na walukolo wakwe mlongo na waidi, 12dya shano Nasaniya hamwenga na walukolo wakwe mlongo na waidi, 13dya mtandatu Bukiya hamwenga na wanawe na walukolo wakwe mlongo na waidi, 14dya mfungate Ashalela hamwenga na wanawe na walukolo wakwe mlongo na waidi, 15dya mnane Yeshaya hamwenga na wanawe na walukolo wakwe mlongo na waidi, 16dya chenda Mataniya hamwenga na wanawe na walukolo wakwe mlongo na waidi, 17dya mlongo Shimei hamwenga na wanawe na walukolo wakwe mlongo na waidi, 18dya mlongo na imwe Azaleli hamwenga na wanawe na walukolo wakwe mlongo na waidi, 19dya mlongo na mbili Hashabiya hamwenga na wanawe na walukolo wakwe mlongo na waidi, 20dya mlongo na ntatu Shebueli hamwenga na wanawe na walukolo wakwe mlongo na waidi, 21dya mlongo na nne ni Matiya hamwenga na wanawe na walukolo wakwe mlongo na waidi, 22dya mlongo na shano ni Yelomoti hamwenga na wanawe na walukolo wakwe mlongo na waidi, 23dya mlongo na mtandatu ni Hananiya hamwenga na wanawe na walukolo wakwe mlongo na waidi, 24dya mlongo na mfungate ni Yoshibakasha hamwenga na wanawe na walukolo wakwe mlongo na waidi, 25dya mlongo na mnane ni Hanani hamwenga na wanawe na walukolo wakwe mlongo na waidi, 26dya mlongo na chenda ni Maloti hamwenga na wanawe na walukolo wakwe mlongo na waidi, 27dya milongo midi ni Eliata hamwenga na wanawe na walukolo wakwe mlongo na waidi, 28dya milongo midi na imwe ni Hatili hamwenga na wanawe na walukolo wakwe milongo na waidi, 29dya milongo midi na mbili ni Gidaliti hamwenga na wanawe na walukolo wakwe mlongo na waidi, 30dya milongo midi na ntatu ni Mahazioti hamwenga na wanawe hamwenga na walukolo wakwe mlongo na waidi, 31dya milongo midi na nne ni Lomamtiezeli hamwenga na wanawe na walukolo wakwe mlongo na waidi.