Mihilimo 1

Kukongela kumbwa Adamu kubula Ibulahimu

1Adamu amwelekaga Seti, Seti amweleka Enoshi, Enoshi amweleka Kenani. 2Kenani amweleka Mahalaleli na Yeladi, 3Yeladi amweleka Henoki, Henoki amweleka Metusela, Metusela amweleka Lameki, 4Lameki amweleka Nuhu. Nuhu nendile ana wana watatu ywa nkongo naketangwa Shemu na Hamu na Jafeti. 5Wana wa Jafeti nendile ni Gomeli na Magogu na Madai na Yavani na Tubali na Mesheki na Tilasi. 6Wana wa Gomeli nendile ni Asikenezi na Difati na Togama. 7Wana wa Yavani nendile ni Elisha na Talishishi na Kitimu na Lodanimu.

8Wana wa Hamu nendile ni Kushi na Misili na Putu na Kanaani. 9Wana wa Kushi nendile ni Seba na Havila na Sabuta na Laama na Sabuteka. Wana wa Laama ni Sheba na Dedani. 10Kushi niyo amweleka Nimlodi, uyo niyo akonga kutenda mkankalu mwe isi. 11Welekwa wa Misili ni Waludi na Waanamu na Walehabi na Wanafutuhi, 12Wapasulusi na Wakasiluhi na Wakafitohi uko nuko walaile Wafilisiti. 13Kanaani niyo amweleka Sidoni mwanawe ywa nkongo na Heti. 14Naho Kanaani nuyo babawe dya wantu wa Yebusi na wantu wa Amoli na wantu wa Giligashi, 15Wahivi na Waaliki na Wasini, 16Walivadi na Wasemali na Wahamati.

17Wana wa Shemu nendile ni, Elamu na Ashuli na Alipakisadi na Ludi na Alamu na Usi na Huli na Geteli na Mashi. 18Alipakisadi na Shela na Ebeli. 19Ebeli nendile ana wana waidi wa chilume, yumwenga naketangwa Pelegi. Pelegi ni kugamba kwesimana. Kwaviya mwa amazuwa ayo wantu mweisi nendile wesimana, umtuhu naketangwa Yokitani. 20Luno ni lweleko lwa Yokitani. Alimoladi na Shelefu na Hasamaweti na Yela, 21Hadolamu na Uzali na Dikila. 22Ebali na Abimaeli na Sheba, 23Ofili na Havila na Yobabu. 24Wantu we ikaya ya Ibulahimu kulawa Shemu kubula Ibulahimu, Shemu na Alifakisadi na Shela, 25Ebeli na Pelegi na Leu, 26Selugi na Naholi, Naholi amweleka Tela, 27Tela niyo amweleka Abulamu, iviya nuyo etangwe Ibulahimu.

Welekwa wa Ishimaeli

Nkongo 25:12-16

28Ibulahimu endaga na wana waidi wa chilume, Isaka na Ishimaeli. 29Welekwa wa Ishimaeli wendaga ni Nebayoti, mwelekwa ywa ngongo na Kedali na Adibeeli na Mibasamu, 30Mishima na Duma na Masa na Hadadi na Tema, 31Yetuli na Nafishi na Kedema awo wose wendaga wanachilume wa Ishimaeli. 32Wana welekwe ni Ketula mvyele chilaga ywa Ibulahimu wendaga ni, Zimlani na Yokishani na Medani na Midiani na Ishibaki na Shua. Wana wa Yokishani wendaga ni, Sheba na Dedani. 33Wana wa Midiani wendaga ni, Efa na Efeli na Henoki na Abida na Elidaa. Wose awo wendaga wo lweleko lwa Ketula.

Welekwa wa Esau

Nkongo 36:1-19

34Ibulahimu endaga tati yakwe dya Isaka. Wanawe Isaka wendaga ni Esau na Yakobo, nuyo ezile kwitangwa Izulaeli. 35Wana wa Esau wendaga ni, Elifazi na Lehueli na Yeushi na Yalamu na Kola. 36Wana wa Elifazi ni Temani na Omali na Sefo na Gatamu na Kenazi. Timna mvyele chilaga ywa Elifazi amweleke Amaleki. 37Wana wa Lehueli wendaga ni Nasani na Zela na Shama na Miza.

Wekazi wa nkongo we isi ya Edomu

Nkongo 36:20-30

38Wekazi wa nkongo wa Edomu wendaga welekwa kulawa kwa wana wa Seili wano wakutimila, Lotani endaga na Shobali na Sibeoni na Ana na Dishoni na Eseli na Dishani. 39Wana wa Lotani wendaga waidi ni Holi na Homamu. Lotani endaga na lumbudye akwitangwa Timna. 40Wana wa Shobali wendaga ni Alivani na Manahati na Ebali na Shefo na Onamu. Wana wa Sibeoni wendaga ni Aya na Ana. 41Mwana ywa Ana ni Dishani. Iviya Ana endaga na mkuluwe akwitangwa Dishoni, uyo Dishani wanawe wendaga ni Hamlani na Eshibani na Itilani na Kelani. 42Wana wa Eseli wendaga ni Bilihani na Zavani na Akani. Wana wa Dishoni wendaga ni Usi na Alani.

Maseuta wa Edomu

Nkongo 36:31-43

43Wano nawo maseuta walongoze Edomu umo hekunati kulaila seuta yoyose mwe Izulaeli. Bela mwana ywa Beoli alongozaga isi akalaila komzi wa Dinahaba. 44Bela eze abanike, Yobabu mwana ywa Zela kulawa komzi wa Bosila niyo aguha ahantu hakwe na kutenda seuta. 45Yobabu eze abanike, Hushamu kulawa komzi wa Watemani niyo aguha ahantu hakwe na kutenda seuta. 46Hushamu eze abanike, Hadadi mwana ywa Bedadi ahudile Midiani mwe isi ya Moabu niyo aguha ahantu hakwe na kutenda seuta, umzi wakwe nauketangwa Aviti. 47Hadadi eze abanike, Samla kulawa komzi wa Masileka niyo aguha ahantu hakwe atenda seuta. 48Samla eze abanike, Shauli kulawa komzi wa Lehoboti wihaguhi no mto, niyo aguha ahantu hakwe atenda seuta. 49Shauli eze abanike, Baali Hanani mwana ywa Akiboli niyo aguha ahantu hakwe atenda seuta. 50Baali Hanani eze abanike, Hadadi niyo aguha ahantu hakwe atenda seuta. Umzi wakwe nauketangwa Pau, na mkaziwe naketangwa Mahetabeli mchiche ywa Matiledi mchiche ywa Mezahabu. 51Uyo Hadadi naye niyo abanika.

Masekulu wa nkolo wa Edomu wendaga ni, Timna na Aliva na Yeteti, 52Oholibama na Ela na Pinoni, 53Kenazi na Temani na Mibisali, 54na Magidieli na Ilamu. Awo nawo wendaga masekulu wa amakabila ya Edomu.