Titusi

SURAT PAULUSI DIENATUA MASO

TITUSI PAI

KAVO VERA USARA PA

Titus ma siniotu Yahudi nina va, vape sanetiar maso Syen Yesus to manau janama vie maneta tutiri Paulusi e kioti na nie nanaripi pai. Surat ninei ma Paulusi dienatui so Titus nana rabua jana niana Kreta pa. Aso Paulusi diemiasi e miesoi na wana ave amamo nienari ariri kuaruvi vesanemitiar pasia. Kavo vava umaja pa toru, asi tiopanasi nana surat pai.

Retena pa Paulusi diono kavo sanepaja maso Titus nanapi siniotu diadi veveru na kuaruvi vesanemitiar pa sine tenam pai vieva pa. Aso siniotu venanari kariria pa sepau na kuaruvi vesanemitiar pai. Vemuandu pa, Paulusi diono kavo sanepaja maso Titus ave dieniniau baba pasia, e atuma vavoru pasia e siniotu vetenam ariri womi pasia. Veve toru pa Paulusi dieniniau Titus, nanapi tenam Kristen pai vieva pa. Allah kior vesie maso tata aso tane nanaripi viate va, vape diono nie sanepaja pimasa pai maso tata. Aso nie sanepaja pimasa jani dionae tananari vava viate pai.

Kavo veve umaja nana surat nei pasi

Kavo vepaponia pa

Veveru nana kuaruvi vesanemitiar pasi

Kaiwasa venana kuaruvi vesanemitiar pasia, setenam to vesie ariri pareta

Kavo sanepaja e kavo aniau

Kavo visioria pa