2 Timotiusi

SURAT PAULUSI DIENATUA VE MUANDU MASO

TIMOTIUSI PAI

KAVO VERA USARA PA

Surat ninei ma Paulusi diereri maso Timotiusi, diemiasa Timotiusi ave riama siejori, aso sanepai Timotiusi pana. Dionae Timotiusi nie sane pa kierakuai ave nienari Allah nie nanaripi pasi tutiri sane vetutira. Kievo maso Timotiusi ave dieniniau tutiri aniau vetindija e dierandu siniotu vianiniau tutiri aniau vesasara pasia e dionae Timotiusi nie sane pa karakuai ave tiopa siepara Kavo Vesie pai e nari nienari Syen nie nanaripi pai. Na surat ninei raropa, Paulusi kievo toapa siniotu pa esia ma senggor aniau vesasara pasi. Setaniniau e senggavo tonine, “Raria pai siokara nanapi Allah dionae siniotu vevoru pasia setenam sovera ea”. Nie tarai pai ma, Allah dionae siniotu vesanemitiar pa tatenam sovera ea maso Kristus to manau, e masisi tamboru mamo, nari kasa dionae tatenam sovera ea va na dunia vavoru pai. Paulusi diojo, sene aniau pasi ma sitindija va, aso raria nari verama wai mamo Allah nari dionae siniotu vevoru pasia setenam sovera vura.

Kavo veve umaja nana surat nei pasi

Kavo vepaponia pa

Sanandika pai e vinggavo amiasa pa

Kavo sanepaja e kavo aniau

Vetopa ariri nanapi Paulusi matauni nie vava pa

Kavo visioria pa