Zebur 11

11-küy •••• «Qéni, qachmamsen?»

1Neghmichilerning béshigha tapshurulup oqulsun dep, Dawut yazghan küy: —

Perwerdigarni bashpanahim qildim;

Emdi siler qandaqmu manga: «Qushtek öz téghinggha uchup qach!

2Chünki mana, reziller kamanni tartip,

Qarangghuluqtin köngli duruslargha qaritip atmaqchi bolup,

Ular oqni kirichqa sélip qoydi;

3«Ullar halak qilinsa,

Emdi heqqaniylar némimu qilar?»» — dewatisiler? 1

4Perwerdigar Özining muqeddes ibadetxanisididur,

Perwerdigarning texti asmanlardidur;

U nezer salidu,

Uning sezgür közliri insan balilirini közitip, sinaydu. 2

5Perwerdigar heqqaniy ademni sinaydu;

Rezillerge we zorawanliqqa xushtarlargha u ich-ichidin nepretlinidu.

6U rezillerge qapqanlar, ot we günggürtni yaghduridu;

Pizhghirim qiziq shamal ularning qedehidiki nésiwisi bolidu. 3

7Chünki Perwerdigar heqqaniydur;

Heqqaniyliq Uning amriqidur;

Köngli duruslar Uning didarini köridu.