BaHebburu

Lugwalo Ku

BAHEBBURU

Manjililo

Bbuku lyabaHebberu ndugwalo lwakusungwaazya oolo lutondezya nzila Jesu njakazuzukizya aayo businsimi busiyenesiyene buli muchizuminano chakale. Lwakalembwa mbuli nkambawuko. Kuli zyiinda kumakumi musanu akkumi limwi zitondeka muchizuminano chakale mubbuku lyaBaHebburu eeyo itondezya antanganana munzila Jesu mbwakazuzukizya businsimi amilimu yamupayizi mupati wachiJuda. Nkaambo kacheechi, bbuku lyakali lyakusungwazya banaKkirisitu bachiJuda. Ibbuku lyaBaHebburu lutondeezya Jesu mbwakazuzukizya mulawu kuchitila kuti bapayizi kabatachipayili limbi pe. Jesu wakali chipayizyo chazibi zyoonse, lumwi alimwi kwalyoonse. BanaKkirisitu bachiindi chesu balakonzya kujana kusungwazigwa mulugwalo oolu lwabaHebburu kuchitila kuti kabaya butobela Jesu Kkirisitu mbuli kuti nguwe utukonzesya kuti tusyome muli Leza, akuti katuchiya busyoma mulinguwe (BaHebburu 12:2).

Taakwe uzi pe kuti ngwani wakalemba bbuku lyaBaHebburu, pesi basikufunkununa bayeyela kuti nga ulaba mutumwa Pawulu, Lukku aBbanabbasi. Alimwi buzuba bwakulembwa kwalyo tabuzibikene pe pesi bayingi basyoma kuti lwakalembwa kakutanasika minyaka makumi musanu amakumi aabili kuzwa kukuzyalwa kwaJesu. Jerusalemu yakanyonyoonwa mumunyaka wamakumi musanu amakumi aabili kuzwa kukuzyalwa kwaJesu, pesi mulembi walugwalo oolu waambuula atala aJerusalemu mbuli uleezyanga teeyakalina nyonyoonwa pe. Lugwalo lyaBaHebburu lwakalembelwa muchisi chaRoma (BaHebburu 13:24) mpawo lwakeendelela mumbungano zyiingi.

Bwiime

Mulembi utondeezya kuti Jesu ngumupati kubasinsimi baLeza akubaangelo (BaHebburu 1:1—4:13)

Eelyo wiinkilila anembo akutondeezya kuti Jesu mupati kubapayizi babeleka muŋanda yaLeza muJerusalemu (BaHebburu 4:14—7:28)

Alubo mulimu waJesu mupati kwiinda chizuminano chakale eecho Leza nchakachita abantu bakwe mukwiinda mumulawu ooyo ngwakapa Mozesi (BaHebburu 8:1—10:31)

Naakamana kupandulula kuti Jesu mupati kuli zyoonse, mulembi upa malayilile asiyenesiyene ajatika (BaHebburu 10:32—13:17)

Kumamanino mulembi umanisya lugwalo ansungwazyo akujuzya (BaHebburu 13:18-25)