BaHebburu 3

Jesu Mupati Kwiinda Mozesi

1Nkikaako, nibakwesu basalala, aabo baabilana mulwiito lwaLeza, kamuyeeya Jesu, mutumwa amupayizi mupati wakulyambilila kwesu. 21 Wakali syomekede kuli ooyo wakamusala, mbuli Mozesi alubo wakali syomekede mumulimu waLeza. 3Anukuti Jesu ujisi bulemu kwiinda Mozesi mbuli muyaki waŋanda mbwayinda bulemu bwaŋanda lwayo. 4Nkaambo ŋanda yoonse iyakwa awumwi muntu, pesi muyaki wazintu zyoonse nguLeza. 52 Nichoonzyo Mozesi wakali kusyomeka muli zyoonse kubantu baLeza mbuli mulanda, mukupa bukamboni kuzintu eezyo zyakali kuyoowambwa kuchiindi chiboola. 6Pesi Kkirisitu wakasyomeka mulubuwa lwaŋanda yaLeza atala azyoonse eezyo nzyakamulayilila mbuli Mwana Mulombe. Alimwi tuli ŋanda yaLeza iswe nutusyoma kuti twakakatila abusichaamba atala azeezyo nzitulangilila.

Kulyookezya Kwabantu BaLeza

73

Nkikaako, mbuli Muuya Usalala mbuwamba, kuti,

“Sunu, kuti mwamvwa ijwi lyaLeza,

8mutayumyi myoyo yanu, mbuli mubupapi,

mubuzuba nibakamusunka munkanda,

9ooko bamawuso nkubakandisunka

nikuba kuti bakabona milimu yangu kwaminyaka ilimakumi aane.

10Nkikaako ndakanyema azyalane eelyo,

mpawo ndakati, ‘Balaleya chiindi choonse mumyoyo yabo

teebakaziba inzila zyangu pe.’

11Ndakakonka mubukali bwangu kanditi,

‘Tabakwe kuyoonjila pe mukulyokezya kwangu.’ ”

12Ngamuchenjele, nibakwesu, kuti kutabi naba umwi mubi akati kanu, ulaamoyo utasyomi, umuleesya kuzwa kuli Leza muumi. 13Pesi kamusungwazyaniya mazuba woonse, nikuchaaambwa kuti “sunu,” kuchitila kuti kutabi umwi wanu uba sichinguni nkaambo kalweeneno lwachibi. 14Nkaambo tulaabilana muli Kkirisitu, kuti twajatisya lusinizyo lwesu lwakutanguna mane kumamanino, 154 mbuli mbwaamba malembe kuti,

“Sunu, kuti mwamvwa ijwi lyakwe,

mutayumyi myoyo yanu

mbuli mubupapi.” 165

Mbaani aabo bakamvwa alimwi kakuli mbapapi? Tee boonse na aabo bakasiya Ijiputi kiili aansi abuzulidi bwaMozesi? 176 Mbaani aabo bakamunyemya kwaminyaka ilimakumi aane? Teebaabona bakabisya, bali amibili yakaloba munkanda? 18Alimwi nkuulini nkwakakonka kuti tabeelede kunjila mukulyokezya kwakwe, pesi nkuuli baabo batalemeki? 19Aboobo tubona kuti bakakachilwa kunjila nkaambo kakutasyoma kwabo.