हिब्रू

हिब्रूनके लग चिट्ठी

हिब्रू

लिखुइया

हिब्रूक चिट्ठीक लेखक एकथो रहस्य बा। गोड्गात विद्वानहुँक्रे पावलहे यकर लेखक मन्थाँ, पर यकर लेखक अज्ञाते बा। औरे कौनो फेन किताब असिन नै हो, जोन विश्वासीनके लग असिन सुग्घुरसे ख्रीष्टहे प्रधान पुजारी जनाइत। ऊ हारुनके पुजारी हुइनासे फेन भारी हुइँत, और वहे परमेश्वर प्रदत्त विधान और अगमवक्तनके पूर्ति हो। यी किताब ख्रीष्टहे हमार विश्वासके कर्ता और सिद्ध करुइया हुइँत कहिके जनाइत (हिब. १२:२)।

लिख्लक मिति और ठाउँ

लगभग ई. स. ६४-७०

यी चिट्ठी लिख्लक ठाउँ यरुशलेम रहे-येशू स्वर्गमे जाके सेक्लाँ ते और इजरायलके मन्दिर ध्वस्त हुइनासे आघे।

भेटुइया

यी चिट्ठी मुख्य रुपमे उ यहूदिनहे लिखगिल रहे जेने ख्रीष्टहे स्वीकार करलेले रहिँत। ओइने पुरान नियमहे मजासे जानित पर ओइने परीक्षामे रहिँत ताकि फेनदोस्रे यहूदी विचारमे चलजाइँत या खुशीक खबरहे यहूदी चलनके बनादिँत। एकथो सुझाव यी फेन हो कि यी मनै “धेउर संख्यामे पुजारी रहिँत, जेने ख्रीष्टियन विश्वासहे अप्नाइल रहिँत” (निउ. ६:७)।

उद्देश्य

यी चिट्ठीहे लिखुइया अपन श्रोतनहे हौसाइल बा कि ओइने स्थानीय यहूदी शिक्षनहे छोरके येशूसे स्वामिभक्ति निभाइँत। और ओइने देखाइँत कि ख्रीष्ट येशू महान बताँ। परमेश्वरके छावा स्वर्गदूतनसे, पुजारीनसे, पुरान नियमके अगुवनसे या दोसुर कौनो फेन धरमसे भारी हुइँत। क्रूसमे मुके और फेनदोस्रे जित्ती होके येशू विश्वासीनके उद्धार और सदाकालके जीवनहे पक्का करथाँ। हमार पापके लग ख्रीष्टके बलिदान सिद्ध और परिपूर्ण रहिन। विश्वास परमेश्वरके लग ग्रहणयोग्य बा। हम्रे परमेश्वरके आज्ञनहे मानके अपन विश्वास प्रकट कर्थी।

किताबके विभाजन

१. ख्रीष्ट येशू स्वर्गदूतनसे भारी

२. येशू इजरायलके विधान और पुरान वाचासे भारी हुइँत

३. विश्वासयोग्य ठहरना और कष्ट सहे सेक्नक बोलावत

४. अन्तिम सम्बोधन और नमस्कार