گِنتی 7

مُقدّس تمبُو دی مخصوصیت کیتے ہدیے

1جیہڑی ڈینہوار مُقدّس تمبُو کھڑا کیتا گِیا، اُوں ڈینہوار مُوسیٰ اُونکُوں تے اُوندے یکے سامان کُوں تیل لا تے مخصوص تے مُقدّس کیتا تے قُربان گاہ تے اُوندے یکے سامان اُتے وی تیل لا تے مخصوص تے مُقدّس کیتا۔ 2وَل بنی اِسرائیل دے قبیلیاں دے بارہاں سردار مُقدّس تمبُو کیتے ہدیے گِھن آئے۔ ایہ اُوہو راہنما ہَن جِنہاں مردم شماری ویلے مُوسیٰ دی مدد کیتی ہئی۔ 3اُنہاں چھت آلیاں چِھی ریڑھیاں تے بارہاں ڈاند مُقدّس تمبُو دے سامنڑے رب العالمین دے حضُور پیش کیتے، یعنی ڈُو ڈُو سرداراں ولُوں ہِک ریڑھی تے ہر ہِک سردار ولُوں ہِک ڈاند۔

4رب العالمین مُوسیٰ کُوں آکھیا، 5”ایہ تحفے قبول کر تاں جو او اِجتماع آلے تمبُو دے کم کیتے اِستعمال تھیوݨ۔ اِنہاں کُوں لاویاں ءچ اُنہاں دی خدمت دی ضرورت دے مطابق وَنڈ۔“ 6بس مُوسیٰ او ڈاند تے ریڑھیاں گِھن تے لاویاں کُوں ڈے ڈِتیاں۔ 7اُوں ڈُو ریڑھیاں تے چار ڈاند بنی جیرسون کُوں 8تے چار ریڑھیاں تے اَٹھ ڈاند بنی مراری کُوں ڈِتے۔ ایہ سبھ ہارُون کاہِن دے پوتر اِتمر دی نِگرانی ءچ خدمت کریندے ہَن۔ 9پر مُوسیٰ بنی قہات کُوں نہ ڈاند ڈِتے نہ ریڑھیاں، کیوں جو اُنہاں کُوں او مُقدّس شیواں جیہڑیاں اُنہاں دے ذمے ہَن آپنڑے مونڈھیاں اُتے چا تے گِھن ونجنڑیاں ہَن۔

10قُربان گاہ دی مخصوصیت دے موقع تے وی بارہاں سردار ہدیے گِھن آئے۔ اُنہاں آپنڑے ہدیے قُربان گاہ دے سامنڑے پیش کیتے۔ 11رب العالمین مُوسیٰ کُوں آکھیا، ”قُربان گاہ دی مخصوصیت کیتے سردار بارہاں ڈینہاں دے دوران واری واری آپنڑے ہدیے پیش کرݨ۔“ 12پہلے ڈینہہ یہُوداہ دے قبیلے دے سردار نحسون بِن عِمّینداب دی واری ہئی۔ اُوں ایہ ہدیہ پیش کیتا:

13ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں مُقدّس تمبُو دے ترازو نال ناپے گئے ہَن تے غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 14اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 15ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 16گُناہ تُوں پاک کرݨ آلی قُربانی کیتے ہِک بکرا 17تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ نحسون بِن عِمّینداب دا ہدیہ ہا۔

‏ 18ڈُوجھے ڈینہہ اِشکار دے قبیلے دے سردار نتنی ایل بِن ضُغر دی واری ہئی۔ اُوں ایہ ہدیہ پیش کیتا:

19ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 20اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 21ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 22گُناہ تُوں پاک کرݨ آلی قُربانی کیتے ہِک بکرا 23تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ نتنی ایل بِن ضُغر دا ہدیہ ہا۔

‏ 24تریجھے ڈینہہ زبُولُون دے قبیلے دے سردار الِیاب بِن حیلون دی واری ہئی۔ اُوں ایہ ہدیہ پیش کیتا:

25ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 26اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 27ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 28گُناہ تُوں پاک کرݨ آلی قُربانی کیتے ہِک بکرا 29تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ الِیاب بِن حیلون دا ہدیہ ہا۔

‏ 30چوتھے ڈینہہ رُوبِن دے قبیلے دے سردار الِیصُور بِن شِدیُور دی واری ہئی۔ اُوں ایہ ہدیہ پیش کیتا:

31ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 32اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 33ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 34گُناہ تُوں پاک کرݨ آلی قُربانی کیتے ہِک بکرا 35تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ الِیصُور بِن شِدیُور دا ہدیہ ہا۔

36پنجویں ڈینہہ شمعون دے قبیلے دے سردار سلومی ایل بِن صُوری شدّی دی واری ہئی۔ اُوں ایہ ہدیہ پیش کیتا:

37ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 38اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 39ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 40گُناہ تُوں پاک کرݨ آلی قُربانی کیتے ہِک بکرا 41تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ سلومی ایل بِن صُوری شدّی دا ہدیہ ہا۔

42چھیویں ڈینہہ جد دے قبیلے دے سردار اِلیاسف بِن دعُوایل دی واری ہئی۔ اُوں ایہ ہدیہ پیش کیتا:

43ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 44اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 45ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 46گُناہ تُوں پاک کرݨ آلی قُربانی کیتے ہِک بکرا 47تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ اِلیاسف بِن دعُوایل دا ہدیہ ہا۔

‏ 48ستویں ڈینہہ اِفرائِیم دے قبیلے دے سردار الِیسمع بِن عِمّیہُود دی واری ہئی۔ اُوں ایہ ہدیہ پیش کیتا:

49ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 50اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 51ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 52گُناہ تُوں پاک کرݨ آلی قُربانی کیتے ہِک بکرا 53تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ الِیسمع بِن عِمّیہُود دا ہدیہ ہا۔

‏ 54اٹھویں ڈینہہ منسّی دے قبیلے دے سردار جَملی ایل بِن فداہصُور دی واری ہئی۔ اُوں ایہ ہدیہ پیش کیتا:

55ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 56اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 57ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 58گُناہ تُوں پاک کرݨ آلی قُربانی کیتے ہِک بکرا 59تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ جَملی ایل بِن فداہصُور دا ہدیہ ہا۔

60نانویں ڈینہہ بِنیمِین دے قبیلے دے سردار اَبِدان بِن جِدعونی دی واری ہئی۔ اُوں ایہ ہدیہ پیش کیتا:

61ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 62اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 63ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 64گُناہ تُوں پاک کرݨ آلی قُربانی کیتے ہِک بکرا 65تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ اَبِدان بِن جِدعونی دا ہدیہ ہا۔

66ڈاہویں ڈینہہ دان دے قبیلے دے سردار اخیعزر بِن عمِیشدّی دی واری ہئی۔ اُوں ایہ ہدیہ پیش کیتا:

67ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 68اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 69ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 70گُناہ تُوں پاک کرݨ آلی قُربانی کیتے ہِک بکرا 71تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ اخیعزر بِن عمِیشدّی دا ہدیہ ہا۔

72یارہویں ڈینہہ آشر دے قبیلے دے سردار فجعی ایل بِن عکران دی واری ہئی۔ اُوں ایہ ہدیہ پیش کیتا:

73ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 74اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 75ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 76گُناہ تُوں پاک کرݨ آلی قُربانی کیتے ہِک بکرا 77تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ فجعی ایل بِن عکران دا ہدیہ ہا۔

78تے بارہویں ڈینہہ نفتالی دے قبیلے دے سردار اَخِیرع بِن عینان دی واری ہئی۔ اُوں ایہ ہدیہ پیش کیتا:

79ہِک سو ترِیح تولے چاندی دا تھال تے ستّر تولے چاندی دا کٹورا چِھنڈکنڑ کیتے۔ او ڈوہائیں غلے دے نذرانے کیتے تیل نال رلائے گئے بہترین میدے نال بھرے ہوئے ہَن۔ 80اُوں ایہ شیواں وی پیش کیتیاں: سونے دا پیالہ جِیندا وزن ڈاہ تولے ہا تے او خوشبودار مصالحے نال بھریا ہویا ہا۔ 81ہِک جوان ڈاند، ہِک چھترا، ساڑے ونجنڑ آلی قُربانی کیتے ہِک بھیڈا لیلا، 82گُناہ تُوں پاک کرݨ آلی قُربانی کیتے ہِک بکرا 83تے سلامتی دی قُربانی کیتے ڈُو ڈاند، پنج چھترے، پنج بکرے تے پنج ہِک ہِک سال دے بھیڈے لیلے۔ ایہ اَخِیرع بِن عینان دا ہدیہ ہا۔

84قُربان گاہ اُتے تیل لا تے اُوندی مخصوصیت دے ڈینہہ، بنی اِسرائیل دے اِنہاں سرداراں رَل تے ایہ ہدیے پیش کیتے: چاندی دے بارہاں تھال، چِھنڈکنڑ کیتے چاندی دے بارہاں کٹورے تے سونے دے بارہاں پیالے۔

85چاندی دے ہر تھال دا وزن ہِک سو ترِیح تولے، تے چِھنڈکنڑ دے ہر کٹورے دا وزن ستّر تولے ہا۔ اِنہاں شیواں دا کُل وزن مُقدّس تمبُو دے سِکے دے مطابق تقریباً ڈُو ہزار چار سو تولے ہا۔

86خوشبودار مصالحے نال بھرے ہوئے سونے دا ہر پیالہ مُقدّس تمبُو دے ناپ دے مطابق ہِک تولے تُوں تھوڑا جِیہا گھٹ ہا۔ سونے دے اِنہاں بارہاں پیالیاں دا کُل وزن تقریباً ڈاہ تولے ہا۔

87ساڑے ونجنڑ آلی قُربانی کیتے اُنہاں ہِک درجن جوان ڈاند، ہِک درجن چھترے تے ہِک درجن ہِک ہِک سال دے بھیڈے لیلے اُنہاں دے غلے دے نذرانیاں سمیت پیش کیتے۔ گُناہ تُوں پاک کرݨ آلی قُربانی کیتے اُنہاں ہِک درجن بکرے اَنج پیش کیتے، 88تے سلامتی دی قُربانی کیتے، ڈُو درجن ڈاند، سَٹھ چھترے، سَٹھ بکرے تے سَٹھ ہِک ہِک سال دے بھیڈے لیلے۔ قُربان گاہ کُوں تیل لا تے اُوندی مخصوصیت دے موقع تے اِنہاں یکے جانوراں کُوں پیش کیتا گِیا۔

89جِیں ویلے مُوسیٰ رب العالمین نال گالھیں کرݨ کیتے اِجتماع آلے تمبُو ءچ وڑیا تاں اُوں رب العالمین دی اواز عہد دے صندوق دے ڈھکنڑ اُتوں یعنی کفارے دی جاہ اُتوں ڈُو کروبی فرشتیاں دے وچالُوں سُنڑی۔ اِینویں رب العالمین اُوندے نال گالھیں کیتیاں۔