Modern Central Saraiki Bible
گِنتی 29
نرسِنگے وجاوݨ دی عید دیاں قُربانیاں
ستویں مہینے دی پندھرویں ڈینہوار مُقدّس اِجتماع کیتے کٹھے تھی وَنجائے تے کوئی کم نہ کرائے۔ اُوں ڈینہوار نرسِنگے وجائے ویسن۔ ساڑے ونجنڑ آلی قُربانی دے طور تے جیندی خوشبو مَیں رب العالمین کُوں پسند ہے، ہِک جوان ڈاند، ہِک چھترا تے سَت ہِک ہِک سال دے بے عیب بھیڈے لیلے پیش کیتے ونجنڑ۔ ہر جانور دے نال غلے دے نذرانے دے طور تے بہترین میدہ وی پیش کرائے جیندے ءچ تیل رَلایا گِیا ہووے۔ ڈاند دے نال ساڈھے چار کلو، چھترے دے نال ترے کلو، تے ہر بھیڈ دے لیلے دے نال ڈیڈھ کلو میدہ پیش کرائے۔ ہِک بکرا وی گُناہ تُوں پاک کرݨ آلی قُربانی دے طور تے پیش کرائے تاں جو تُہاڈا کفارہ ڈِتا ونجے۔ ایہ قُربانیاں ہر روز تے نویں چَن دیاں ساڑے ونجنڑ آلیاں قُربانیاں تے غلے دے نذرانیاں تے وِیٹے ونجنڑ آلیاں نذراں تُوں علاوہ ہِن جیہڑیاں آپنڑی آپنڑی شرع دے مطابق پیش کیتیاں ویسن۔ اِنہاں ساڑے ونجنڑ آلے نذرانیاں دی خوشبو مَیں رب العالمین کُوں پسند ہے۔
کفارے دی ڈینہوار دیاں قُربانیاں
ستویں مہینے دے ڈاہویں ڈینہہ تُساں مُقدّس اِجتماع کیتے کٹھے تھیوائے۔ اُوں ڈینہوار کوئی کم نہ کرائے تے آپنڑی جان کُوں ڈُکھ ڈیوائے۔ تے ساڑے ونجنڑ آلی قُربانی دے طور تے ہِک ڈاند، ہِک چھترا تے سَت ہِک ہِک سال دے بے عیب بھیڈے لیلے پیش کرائے جیندی خوشبو مَیں رب العالمین کُوں پسند ہے۔ ہر جانور دے نال غلے دے نذرانے دے طور تے بہترین میدہ وی پیش کرائے جیندے ءچ تیل رَلایا گِیا ہووے۔ ڈاند دے نال ساڈھے چار کلو، چھترے دے نال ترے کلو، تے ہر بھیڈ دے لیلے دے نال ڈیڈھ کلو میدہ پیش کرائے۔ اِیندے علاوہ گُناہ تُوں پاک کرݨ آلی قُربانی کیتے ہِک بکرا وی پیش کرائے۔ ایہ کفارے کیتے ڈِتی ونجنڑ آلی گُناہ تُوں پاک کرݨ آلی قُربانی، تے روزانہ دیاں ساڑے ونجنڑ آلیاں قُربانیاں تے اُنہاں دے غلے دے نذرانیاں تے وِیٹے ونجنڑ آلیاں نذراں دے علاوہ ہوسی۔
چھپراں دی عید دیاں قُربانیاں
ستویں مہینے دی پندھرویں ڈینہوار تُساں مُقدّس اِجتماع کیتے کٹھے تھیوائے۔ اِیں ڈینہوار کوئی کم نہ کرائے بلکہ سَت ڈینہہ تئیں رب العالمین دی تعظیم ءچ عید منائے۔ عید دی پہلی ڈینہوار مَیں رب العالمین دے حضُور تیرہاں جوان ڈاند، ڈُو چھترے تے چوڈھاں ہِک ہِک سال دے بھیڈے لیلے ساڑے ونجنڑ آلی قُربانی دے طور تے پیش کرائے۔ اِنہاں ساڑے ونجنڑ آلے نذرانیاں دی خوشبو مَیں رب العالمین کُوں پسند ہے۔ یکے جانور بے عیب ہووݨ۔ ہر جانور دے نال غلے دے نذرانے دے طور تے بہترین میدہ وی پیش کرائے جیندے ءچ تیل رَلایا گِیا ہووے۔ ہر ڈاند دے نال ساڈھے چار کلو، ہر چھترے دے نال ترے کلو، تے ہر بھیڈے لیلے نال ڈیڈھ کلو میدہ پیش کرائے۔ اِیندے علاوہ گُناہ تُوں پاک کرݨ آلی قُربانی کیتے ہِک بکرا وی پیش کرائے۔ ایہ قُربانیاں روزانہ دیاں ساڑے ونجنڑ آلیاں قُربانیاں تے غلے دے نذرانے تے وِیٹے ونجنڑ آلیاں نذراں تُوں علاوہ ہِن۔
عید دی ڈُوجھی ڈینہوار بارہاں ڈاند، ڈُو چھترے تے چوڈھاں ہِک ہِک سال دے بھیڈے لیلے پیش کرائے۔ او یکے بے عیب ہووݨ۔ ڈانداں، چھتریاں تے لیلیاں دے نال اُنہاں دی گِنتری دے مطابق غلے دے نذرانے تے وِیٹے ونجنڑ آلیاں نذراں وی پیش کیتیاں ونجنڑ۔ تے ہِک بکرا گُناہ تُوں پاک کرݨ آلی قُربانی دے طور تے پیش کرائے۔ ایہ روزانہ دیاں ساڑے ونجنڑ آلیاں قُربانیاں تے غلے دے نذرانیاں تے وِیٹے ونجنڑ آلیاں نذراں تُوں علاوہ ہِن۔
عید دی تریجھی ڈینہوار یارہاں ڈاند، ڈُو چھترے تے چوڈھاں ہِک ہِک سال دے بھیڈے لیلے پیش کرائے۔ او یکے بے عیب ہووݨ۔ ڈانداں، چھتریاں تے لیلیاں دے نال اُنہاں دی گِنتری دے مطابق غلے دے نذرانے تے وِیٹے ونجنڑ آلیاں نذراں وی پیش کیتیاں ونجنڑ۔ تے ہِک بکرا گُناہ تُوں پاک کرݨ آلی قُربانی دے طور تے پیش کرائے۔ ایہ روزانہ دیاں ساڑے ونجنڑ آلیاں قُربانیاں تے غلے دے نذرانیاں تے وِیٹے ونجنڑ آلیاں نذراں تُوں علاوہ ہِن۔ عید دی چوتھی ڈینہوار ڈاہ ڈاند، ڈُو چھترے تے چوڈھاں ہِک ہِک سال دے بھیڈے لیلے پیش کرائے۔ او یکے بے عیب ہووݨ۔ ڈانداں، چھتریاں تے لیلیاں دے نال اُنہاں دی گِنتری دے مطابق غلے دے نذرانے تے وِیٹے ونجنڑ آلیاں نذراں وی پیش کیتیاں ونجنڑ۔ تے ہِک بکرا گُناہ تُوں پاک کرݨ آلی قُربانی دے طور تے پیش کرائے۔ ایہ روزانہ دیاں ساڑے ونجنڑ آلیاں قُربانیاں تے غلے دے نذرانیاں تے وِیٹے ونجنڑ آلیاں نذراں تُوں علاوہ ہِن۔
عید دی پنجویں ڈینہوار نؤں ڈاند، ڈُو چھترے تے چوڈھاں ہِک ہِک سال دے بھیڈے لیلے پیش کرائے۔ او یکے بے عیب ہووݨ۔ ڈانداں، چھتریاں تے لیلیاں دے نال اُنہاں دی گِنتری دے مطابق غلے دے نذرانے تے وِیٹے ونجنڑ آلیاں نذراں وی پیش کیتیاں ونجنڑ۔ تے ہِک بکرا گُناہ تُوں پاک کرݨ آلی قُربانی دے طور تے پیش کرائے۔ ایہ روزانہ دیاں ساڑے ونجنڑ آلیاں قُربانیاں تے غلے دے نذرانیاں تے وِیٹے ونجنڑ آلیاں نذراں تُوں علاوہ ہِن۔
عید دی چِھینویں ڈینہوار اَٹھ ڈاند، ڈُو چھترے تے چوڈھاں ہِک ہِک سال دے بھیڈے لیلے پیش کرائے۔ او یکے بے عیب ہووݨ۔ ڈانداں، چھتریاں تے لیلیاں دے نال اُنہاں دی گِنتری دے مطابق غلے دے نذرانے تے وِیٹے ونجنڑ آلیاں نذراں وی پیش کیتیاں ونجنڑ۔ تے ہِک بکرا گُناہ تُوں پاک کرݨ آلی قُربانی دے طور تے پیش کرائے۔ ایہ روزانہ دیاں ساڑے ونجنڑ آلیاں قُربانیاں تے غلے دے نذرانیاں تے وِیٹے ونجنڑ آلیاں نذراں تُوں علاوہ ہِن۔
عید دی ستویں ڈینہوار سَت ڈاند، ڈُو چھترے تے چوڈھاں ہِک ہِک سال دے بھیڈے لیلے پیش کرائے۔ او یکے بے عیب ہووݨ۔ ڈانداں، چھتریاں تے لیلیاں دے نال اُنہاں دی گِنتری دے مطابق غلے دے نذرانے تے وِیٹے ونجنڑ آلیاں نذراں وی پیش کیتیاں ونجنڑ۔ تے ہِک بکرا گُناہ تُوں پاک کرݨ آلی قُربانی دے طور تے پیش کرائے۔ ایہ روزانہ دیاں ساڑے ونجنڑ آلیاں قُربانیاں تے غلے دے نذرانیاں تے وِیٹے ونجنڑ آلیاں نذراں تُوں علاوہ ہِن۔
عید دی اٹھوِیں ڈینہوار تُہاڈا مُقدّس اِجتماع ہووے تے اُوں ڈینہہ کوئی کم نہ کرائے۔ بلکہ ہِک ڈاند، ہِک چھترا تے سَت ہِک ہِک سال دے بھیڈے لیلے ساڑے ونجنڑ آلی قُربانی دے طور تے پیش کرائے۔ اِنہاں ساڑے ونجنڑ آلے نذرانیاں دی خوشبو مَیں رب العالمین کُوں پسند ہے۔ یکے جانور بے عیب ہووݨ۔ ڈاند، چھترے تے لیلے دے نال اُنہاں دی گِنتری دے مطابق غلے دے نذرانے تے وِیٹے ونجنڑ آلیاں نذراں وی پیش کرائے۔ تے ہِک بکرا گُناہ تُوں پاک کرݨ آلی قُربانی کیتے ہووے۔ ایہ سبھ روزانہ دیاں ساڑے ونجنڑ آلیاں قُربانیاں تے غلے دے نذرانیاں تے وِیٹے ونجنڑ آلیاں نذراں تُوں علاوہ ہِن۔
ایہ یکیاں اُوہو قُربانیاں ہِن جیہڑیاں تُساں رب العالمین کُوں آپنڑیاں مقررہ عیداں تے پیش کرنڑیاں ہِن، بھانویں او ساڑے ونجنڑ آلیاں قُربانیاں، غلے دے نذرانے، وِیٹے ونجنڑ آلیاں نذراں یا سلامتی دیاں قُربانیاں کیوں نہ ہووݨ۔ ایہ اُنہاں یکیاں قُربانیاں تُوں علاوہ ہِن جیہڑیاں تُساں مَنت مَن تے یا خوشی نال پیش کریندے ہیوے‘۔“
موسیٰ بنی اِسرائیل کُوں او سبھ کُجھ ڈسا ڈِتا جیہڑا رب العالمین اُونکُوں حُکم ڈِتا ہا۔
Modern Central Saraiki Bible. Copyright © Strategic Resource Group. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.