2کُرِنتھِیوں

کُرِنتھیاں دے ناں پولُس رسُول دا ڈُوجھا خط

پیش لفظ

پولُس ایہ خط وی کُرِنتُھس شہر دے اِیمانداراں کُوں لِکھیا۔ اُوندے پہلے خط نال کلیسیا دیاں کُجھ غلط فہمیاں دُور تھی گئیاں ہَن تے اُنہاں پولُس دی تعلیم اُتے عمل وی کیتا۔ پر حالی تئیں کُجھ مخالف لوک پولُس دی تعلیم تے اُوندی رسالت دے اِختیار دے بارے ءچ لوکاں دے دِلاں ءچ شک پیدا کرݨ دی کوشش کریندے پئے ہَن۔ اِیں واسطے اُوں ایہ خط بھیج تے اِیمانداراں کُوں آپنڑے مخالف لوکاں تُوں ہوشیار راہنڑ دی تاکید کیتی۔ نال نال او آپنڑی خدمت دا دفاع وی کریندے۔

اِیں واسطے پولُس فخر نال نئیں بلکہ مجبور تھی تے آپنڑے عجیب و غریب ذاتی تجربے کُوں بیان کریندے۔ او اُنہاں ڈُکھاں دا وی ذِکر کریندے جیہڑے اُوں خُدا دی خدمت کیتے برداشت کیتے۔ نال ای اُوں کُرِنتُھس دے اِیمانداراں کُوں درخاست کیتی جو او یہُودیہ دے ضرورت مند اِیمانداراں کیتے چندہ کٹھا کرݨ تے پولُس رسُول ایہ ہدایت وی کیتی جو یک دل تھی تے ہِک بئے دی خدمت کرݨ۔