1. Samuilo 19

O Saul kamel te mudarel e Davide

1O Saul phendas pire čhavešće e Jonatanešće thaj sa pire manušenđe ande služba te mudaren e Davide.

Ali e Jonatanešće o David sas but drago, 2zato phendas e Davidešće: “Mungro dad o Saul rodel sar te mudarel tut. Av oprezno thejara ande detharin. Arakh tuće varesavo than thaj garav tut. 3Me avava mungre dadeja ando polje kaj tu aveja. Ćerava lesa svato pale tute thaj phenava tuće so saznaisardem.”

4O Jonatan hvalilas e Davide pire dadešće e Saulešće thaj phendas lešće: “Neka o caro či ćerel bilačhe pire slugašće e Davidešće. Vo tuće khanči či ćerda bilačhe, a okova so ćerda sas tuće katar e bari korist. 5Čhuta piro trajo pe kocka kana mudardas okole Filistejco. O GOSPOD andas e saste Izraelošće pobeda, a tu dićhejas thaj raduijas tut. Sostar askal čhordanas o rat katar o nedužno manuš? Naj tut sostar te mudares e Davide.”

6O Saul čhuta kan ko Jonatan thaj agajda dija pe solah: “Hav solah e džude GOSPODEJA, či dava te mudaren Davide.”

7O Jonatan akharda e Davide thaj sa mothodas lešće. Askal inđarda les ko Saul thaj o David sas e Saulesa sago vi majsigo.

8Kana palem avilo dži ko rato, o David đelo te napadnil e Filistejcen. Pekla pe lende kasave bare silava kaj savora našline angla leste.

9O bilačho duho bičhaldo katar o GOSPOD fuljisto po Saul dok bešelas ande piro ćher e kopljasa ando vas. Dok o David đilabelas ande harfa, 10o Saul dićhelas te e kopljasa zabil e Davide ando zido. Ali o David lija pe majdur, pa e koplja pusadili ando zido. O David našlo thaj spasisajlo godoja rjat. 11O Saul bičhaldas e manušen te len sama pe Davidesko ćher, pa te ande detharin mudaren les.

Ali e Davidešći romnji e Mihala phendas e Davidešće: “Ako arjat či našes varekaj, thejara aveja mulo.”

12Askal e Mihala muklas e Davide kroz e pendžera, pa vo našlo thaj spasisajlo. 13Askal e Mihala lijas jećhe ćherutne idole thaj čhuta po kreveto. Po šoro e idolešće čhuta e buznjaće bal thaj učharda les e drzenca.

14Kana o Saul bičhalda e manušen te astaren e Davide, e Mihala phendas: “Nasvalo si.”

15O Saul bolda len palpale te dićhen e Davide thaj phendas lenđe: “Anen les mande lešće krevetosa te mudarav les.”

16Ali kana e manuša boldine pe, arakhline ando kreveto samo e ćherutne idole, a pe lesko šoro buznjaće bal.

17O Saul phendas e Mihalaće: “Sostar gajda hohadan man thaj muklan mungre dušmanes te našel thaj te spasil pe?”

E Mihala phendas lešće: “Phendas manđe: ‘Muk man te našav ili mudarava tut.’ ”

18Kana o David našlo thaj spasisajlo, đelo ko Samuilo ande Rama thaj mothodas lešće sa so ćerda lešće o Saul. Pale godova vo thaj o Samuilo đele ando Najot thaj okote ačhiline.

19E Saulešće javisardine: “Eke, o David si ando Najot ke Rama.”

20O Saul bičhaldas e manušen te astaren e Davide, ali lešće manuša dikhline jećhe grupa prorokonen sar prorokujin, a o Samuilo sas lengo vođa, o Duho e Devlesko fuljisto pe lende, pa vi von počnisardine te prorokujin.

21Godova javisardine e Saulešće, pa vo bičhaldas aver manušen, ali vi von počnisardine te prorokujin. O Saul bičhaldas trito drom aver manušen, ali vi akala počnisardine te prorokujin.

22Po krajo vi o Saul đelo ande Rama.

Kana areslo dži ke bari haing paše ko gav Sehu, phučlas: “Kaj si o Samuilo thaj o David?”

Phendine lešće: “Ando Najot ke Rama.”

23Gajda o Saul teljarda ando gav Najot ke Rama. O Duho e Devlesko fuljisto vi pe leste, pa vi vo prorokuilas e saste dromesa dok či areslo ando Najot. 24Okote fuljarda pestar e drze, pa prorokuilas vi anglo Samuilo. Gajda nango pašljolas sasto đes thaj sasti rjat. Zato mothol pe: “Zar si vi o Saul jek katar e prorokurja?”