1. Samuilo 17

O David thaj o Golijat

1E Filistejcurja ćidine e vojska palo rato ko Soho ande Juda. Utaborisajle ko Efes-Damim, maškar o Soho thaj o Azek, 2a o Saul thaj e Izraelcurja ćidine pe thaj utaborisajle ande dolina Ela, kaj ačhile ande ratne redurja te ratujin e Filistejenca. 3E Filistejcurja ačhenas pe jek brego, a e Izraelcurja pe aver. A maškar lende sas e dolina.

4Askal andar o filistejsko tabor inkljisto lengo izabrano ratniko. Akhardolas Golijat, a sas andar o gav Gat. Sas vučo majbut katar trin meterja. 5Po šoro sas les šlemo katar e bronza thaj pločasto oklop katar e bronza svo sas majpharo katar pandžvardeš kile. 6Pe pungre sas les zaštita katar e bronza, a prekal e dume visilas lešće e koplje katar e bronza. 7O kaš katar lešći koplja sas thulo sago e greda, a o sastruno špico sas pharo skoro efta kile. Anglal leste džalas lesko štitonoša.

8O Golijat ačhilo thaj čhuta muj e izraelošće postrojime vojskaće: “Sostar inkljistine thaj postrojisardine tumen pale borba? Zar me naj sem Filistejco, a tumen e Saulešće sluge? Len jećhe tumendar, pa neka avel akate tele te boril pe manca. 9Ako šaj te boril pe manca thaj mudarel man, amen avasa tumare roburja. Ali ako me avav majzuralo lestar thaj mudarav les, tumen avena amare roburja thaj služina amenđe.”

10Askal o Golijat o Filistejco još phendas: “Ađes izaziviv e Izraelošće vojska pe borba! Den jećhe manuše te boril pe manca!”

11Kana o Saul thaj sa e Izraelcurja ašundine so phenel o Golijat o Filistejco, hasardine e hrabrost thaj but darajle.

12O David sas o čhavo e Jesejesko, e Efratcosko andar o Vitlejem ande Juda. E Jeseje sas ohto čhave, a ande Saulešći vrjama sas već but purano. 13Trin majpurane Jeseješće čhave sas: o prvo bijando o Eliav, o dujto Avinadav thaj o trito Šama. Von teljardine e Saulesa ando rato. 14O David sas majterno. Dok akala trin majpurane phrala sas e Saulesa ando rato, 15o David varekana džalastar katar o Saul ando Vitlejem te inđarel pire dadešće bakhren te čarjon.

16Štarvardeš đesa, svako detharin thaj tale rjat, o Golijat o Filistejco inkljelas thaj izazivilas e Izraelconen.

17O Jesej phendas pire čhavešće e Davidešće: “Le akava gono pržome điv thaj akala deš mangre, pa dža sigo thaj inđar ćire phralenđe ando tabor. 18Akala deš ćirala inđar e zapovednikošće pe lenđi četa. Dik sar si ćire phrala thaj an manđe vareso lendar pe soste džanava kaj si von lačhe. 19Von si e Saulesa thaj e Izraelconenca ande dolina Ela thaj borin pe e Filistejenca.”

20Thejara o David uštilo rano detharinako, mukhla o stado pe jek pastiri, natovarisarda okova hamasko thaj teljarda sago kaj o Jesej, lesko dad, zapovedisardas lešće. Dži ko tabor areslo baš ande vrjama kana e vojska inkljelas ande borbene redurja thaj kana čholas pe muj o ratno poklič. 21E Izraelcurja thaj e Filistejcurja ačhile ande borbene redurja jek protiv avreste. 22O David mukla okova hamasko ko čuvari savo lelas sama pe zalihe thaj prastaja ke borbene redurja te pozdravil pire phralen. 23Dok ćerelas lenca svato, okova izabrano ratniko o Golijat, o Filistejco andar o Gat, inkljisto andar o borbene redurja thaj palem mothodas okova isto izazov, pa vi o David ašunda les. 24Kana e Izraelcurja dikhline e Golijate, našline angla leste ande bari dar.

25Mothonas: “Dali dićhen sar okova stalno inkljel? Godova vo inkljel te marel muj katar o Izrael. O caro dela baro barvalipe okolešće ko mudarel les. A dela les vi pire čheja pale romnji thaj lešće familija majbut či trubula te poćinen o porez ando Izrael.”

26O David phučla e manušen save ačhenas paše leste: “So dobila o manuš savo mudarela akale Filistejco thaj fuljarela sa o ladžavo katar o Izrael? Thaj ko si godova biobrezime Filistejco te marel muj katar e borbene redurja e džude Devlešće?”

27E vojnikurja phendine e Davidešće pale nagrada savi dobila okova savo mudarela e Golijate.

28Kana o Eliav, e Davidesko majpurano phral, ašunda kaj o David ćerel svato e vojnikonenca, holajlo pe leste thaj phučla les: “Sostar avilan akaring tele thaj kašće muklan okola cara bakhren ande pustinja? Džanav kozom san barikano thaj kozom si ćiro ilo bilačho. Avilan samo te dićhes e bitka.”

29O David phučla les: “So akana ćerdem? Zar či tromav ni svato te ćerav?”

30Askal bolda pe ke varesavo aver thaj phučla okova isto, a e vojnikurja mothonas lešće sago vi majsigo.

31Kana ašundilo so o David phučelas thaj kana godova phendine e Saulešće, vo bičhaldas pale leste te anen les.

32O David phendas e Saulešće: “Neka khonik či obeshrabril pe zbog godova Filistejco. Me, ćiro sluga, džava thaj boriva man lesa.”

33O Saul phendas e Davidešće: “Naj san tu kadro te džas pe godova Filistejco thaj te boris tut lesa. Kaj, tu san još čhavro, a vo si ratniko katar piro ternipe.”

34Ali o David phendas e Saulešće: “Me, ćiro sluga, lav sama pe bakhre mungre dadešće. Kana o lavo ili o medvedo avel thaj inđarel varesave bakhres andar o stado, 35me prastav pale leste, dav les dab thaj inkalav e bakhres andar lesko muj. A ako teljarel pe mande, me astarav les pale griva, dav les dab thaj mudarav les. 36Me, ćiro sluga, mudardem vi e lavo vi e medvede. Akava biobrezime Filistejco naćhela sago jek lendar, kaj marelas muj e džude Devlešće vojskatar. 37O GOSPOD savo spasisarda man katar lavo thaj katar o medvedo, spasila man andar e vas akale Filistejcošće.”

Pe godova o Saul phendas e Davidešće: “Dža thaj neka o GOSPOD avel tusa.”

38O Saul askal dijas po David piri ratno oprema, po šoro čhuta lešće bronzano šlemo thaj čhuta pe leste oklop. 39O David čhuta e Saulesko mačo po maškar prekal o oklop thaj probisarda te phirel, ali nas sikado pe kasavi oprema thaj phendas e Saulešće: “Našti ande akava te džav, kaj naj sem pe akava sikado.”

Thaj čhudas e oprema pestar.

40Askal lijas ando vas pir rovlji, andar o potok lijas pandž fine bara, čhuta len ande piri pastirsko trasta, pa e praćkasa ando vas teljarda po Filistejco.

41O Filistejco avelas sa majpaše e Davidešće, a lesko štitonoša džalas angla leste. 42Kana o Filistejco majlačhe dikhla e Davide, asajas lestar, kaj sas terno, rumeno thaj šukar.

43O Filistejco phendas e Davidešće: “Zar sem me džućhel, kana pe mande džas e rovljasa?”

Askal dija romaja e Davide pire devlenca, 44pa phendas lešće: “Samo av. Dava ćiro mas e čirikljenđe thaj divlje životinjenđe.”

45Ali o David phendas lešće: “Tu pe mande džas e mačesa, e kopljenca, a me pe tute džav ando alav e GOSPODESKO pe vojske, savo si Del e Izraelošće vojskako, savestar mardan muj. 46Ađes o GOSPOD dela tut ande mungro vas, thaj me haravav tut tele thaj čhinava ćiro šoro. Ađes e mule tela katar e filistejenđi vojska dava e čirikljenđe thaj e divlje životinjenđe, pa pe e sasti phuv džanela pe kaj ando Izrael si Del. 47Thaj sa akava ćidino them džanela kaj o GOSPOD či spasil e mačesa ili kopljasa. Kaj, e borba si e GOSPODEŠĆI, vo predaila tumen ande amare vas.”

48Dok o Filistejco avelas majpaše te napadnil les, o David sigo prastaja karig e filistejske borbene redurja te napadnil les. 49O David čhuta o vas ande trasta thaj inkalda jek bar, čhuda les andar e praćka thaj dija dab e Filistejco ando čikat. O bar dijas ando lesko čikat, pa o Golijat pelo pe phuv e mujesa. 50Gajda o David e praćkasa thaj e baresa pobedisarda e Filistejco. Bimačesko ando vas harada e Filistejco thaj mudarda les.

51O David prastajas dži ko Filistejco, banđilo leste thaj inkalda lesko mačo andar e korice, mudarda les thaj čhinda lesko šoro.

Kana e Filistejcurja dikhline kaj si lengo ratniko mulo, našlinetar. 52Askal e Izraelcurja thaj e Judejcurja prastajine anglal thaj čhonas muj juriš. Gajda progoninas e Filistejcen sa dži ko ulaz ando Gat thaj dži ke kapija e Ekronešći. E mudarde Filistejcurja pašljonas po drom palo Šaarajim sa dži ko Gat thaj dži ko Ekron. 53Kana e Izraelcurja boldine pe andar e potera pale Filistejcurja, đeline ando filistejsko tabor thaj opljačkisardine les.

54O David inđarda e Golijatesko oružije ande piro šator thaj lijas lesko šoro thaj majposle inđarda ando Jerusalim.

55Kana o Saul dikhla e David sar džal po Filistejco, phučlas e Avnere savo sas glavno zapovedniko pe vojska: “Avnere, kasko si godova terno čhavo?”

A o Avner phendas: “Džudo te aves manđe, carona, či džanav.”

56Askal o caro phendas: “Saznajisar godova.”

57Čim o David bolda pe nakon so mudarda e Filistejco, o Avner anda les anglo Saul. A o David ando vas još inćarelas e Golijatesko šoro.

58O Saul phučla les: “Kasko san tu, čhaveja?”

A o David phendas lešće: “Me sem čhavo katar ćiro sluga o Jesej andar o Vitlejem.”