1. Samuilo 16

O Samuilo pomazuil e Davide palo caro

1O GOSPOD phendas e Samuilešće: “Dži kaj roveja palo Saul? Me odbacisardem les sago e Izraelošće caro. Nego, pher e šng e uljesa thaj hajde po drom. Bičhalav tut ko Jesej andar o Vitlejem. Izabirisardem jećhe katar lešće čhave palo caro.”

2Ali o Samuilo phendas: “Sar te džav? O Saul saznajila godova thaj mudarela man!”

O GOSPOD phendas: “Le tusa terne gurumnja thaj phen: ‘Avilem te prinesiv žrtva e GOSPODEŠĆE.’ 3Akhar e Jeseje tusa kana prinosija e žrtva, a me phenava tuće so te ćeres. Pomažija okoles saves sikavava tuće.”

4A o Samuilo ćerda gajda sar o GOSPOD phendas.

Kana areslo ando Vitlejem, e gavešće starešine izdrajine e daratar kana maladine les, pa phučline les: “Dali aves ando miro?”

5“Ej, ando miro avav”, phendas o Samuilo. “Avilem te e GOSPODEŠĆE prinesiv žrtva. Šilaven tumen thaj teljaren manca po prinošenje žrtve.”

Pale godova posvetisarda e Jeseje thaj lešće čhaven thaj akharda len te prinosin lesa e žrtva.

6Kana akala aresline, o Samuilo dikhla e Eliave thaj gndisarda: “Sigurno si vo e GOSPODESKO pomazaniko.”

7Ali o GOSPOD phendas e Samuilešće: “Neka na hohavel tut lesko šukaripe thaj kaj si vučo, kaj godova naj vo. O GOSPOD či dićhel okova so dićhel o manuš. O manuš dićhel okova so si avrjal, a o GOSPOD dićhel ando ilo.”

8O Jesej askal andas e Avinadave thaj anda les anglo Samuilo.

Ali o Samuilo phendas: “O GOSPOD či odabirisarda ni les.”

9O Jesej pale godova andas e Šame, ali o Samuilo phendas: “O GOSPOD či odabirisarda ni les.”

10O Jesej gajda andas pire efta čhaven anglo Samuilo, ali o Samuilo phendas: “O GOSPOD či odabirisarda ni jećhe lendar.”

11Askal phučla e Jeseje: “Dali si akala sa ćire čhave save si tut?”

O Jesej phendas: “Naj, si man još o majterno, ali vo lel sama pe bakhre.”

Pe godova o Samuilo phendas: “Bičhal pale leste, a amen či bešasa pale sinija dok vo či aresel.”

12Thaj o Jesej bičhaldas te anen les. Vo sas šukar thaj sasto čhavo, šukar jakhenca.

Askal o GOSPOD phendas: “Ušti thaj pomaži les! Vo si godova.”

13O Samuilo lijas e šng e uljesa thaj pomažisarda e Davide angle lešće phral. O Duho e GOSPODESKO snažno fuljisto po David, pa katar godova đes sas stalno lesa.

Posle godova o Samuilo spremisajlo thaj đelo ande Rama.

O David ko Saul

14O Duho e GOSPODESKO muklas e Saule, pa akana mučilas les o bilačho duho saves bičhaldas o GOSPOD.

15E Saulešće sluge phendine lešće: “Mučil tut o bilačho duho saves bičhaldas o Del. 16Zapovedisar, gospodarina, pa amen, ćire sluge, rodasa varekas ko džanel te đilabel ande harfa. Vo đilabela tuće kana si pe tute o bilačho duho bičhaldo katar o Del, pa avela tuće majlačhe.”

17Gajda o Saul bičhalda pire slugen: “Araćhen varekas ko lačhe đilabel thaj anen les mande.”

18Jek katar e sluge phendas: “Dikhlem jećhe katar e Jeseješće čhaven, andar o Vitlejem, kaj lačhe đilabel ande harfa. Vo si lačho ratniko, lačho govorniko thaj šukar izgledil. A vi o GOSPOD si lesa.”

19Gajda o Saul bičhalda e glasnikonen ko Jesej e porukasa: “Bičhal manđe ćire čhave e Davide, okole savo lel sama pe bakhre.”

20O Jesej lija e magarco thaj natovorisarda pe leste mangro, meho molasa thaj jek buznjori pa bičhalda pire čhave e Davide akale darovenca ko Saul. 21O David đelo thaj teljarda te služil ko Saul. O Saul zurale zavolisarda e Davide, pa lija les palo štitonoša.

22O Saul poručisarda e Jeseješće: “Muk e Davide te služil manđe, kaj sem zadovoljno lesa.”

23Kana god o bilačho duho savo sas bičhaldo katar o Del fuljelas po Saul, o David lijasa e harfa thaj đilabelas. O Saul askal haćardolas majloće, sas lešće majlačhe, a o bilačho duho džalastar lestar.