၂ ကောရိန္သု

ကောရိန္သု

အသင်းတော်သို့ ပေါလု၏ ဒုတိယအကြိမ် ပီးစာ

နိဒါန်း

ကောရိန္သုအသင်းတော်သို့ ဒုတိယအကြိမ် ပီးစာသည် ကိုယ်ရေးကိုယ်တာ၊ ခံစားချက်နှင့် အလွန်ဆိုင်သော စာဖြစ်၍ ထူးခြား၏။ ပေါလုသည် တိတုပါးမှ ကောရိန္သုအသင်းတော် အကြောင်းနှင့်ပတ်သတ်၍ ကောင်းသော တင်ပြချက်များကို လက်ခံရဟိသဖြင့် မိမိ၏ ဝမ်းမြောက်ခြင်းအကြောင်းကို ဖော်ပြခြင်းဖြစ်၏။ ငါရို့သည် ဓမ္မသစ်ကျမ်းစာရှုထောင့်၌ ပီးကမ်းခြင်းနှင့်ဆိုင်သော အသေးစိတ် သွန်သင်ချက်ကို ဤပီးစာတွင် တွိ့နိုင်သည်။ ထိုအကြာင်းအရာများကို ပေါလုသည် ယေရုဆလင်မြို့ (၈—၉) ၌ ဟိသော ယုံကြည်သူများအား ကူညီပီးရန်အတွက် ကောက်ခံရဟိသော ငွီများကို ယူဆောင်၍ ပီးရန် ညွှန်ကြားခ၏။ အသင်းတော်နှင့်မဆိုင်သော တမန်တော် အတုအယောင်တချို့သည် အသင်းတော်ထဲ၌ ပေါလုအား ဆန့်ကျင်ကြရန် ရန်လိုတတ်သော သူရို့ကို သွီးထိုးလှုံ့ဆော်ကာ အသုံးချကြ၏။ သူရို့သည် ပေါလု၏ အခွင့်အာဏာကို သံသယဝင်ကြပြီး ယေသျှုခရစ်၏ တမန်တော်အဖြစ် သူ၏အခွင့်အာဏာကို အခိုင်အမာ အတည်ပြုရန် လှုံ့ဆော်ခံရခြင်းကို ကောရိန္သုအသင်းတော်သို့ ဒုတိယအကြိမ် ပီးစာ၏ အဆုံး၌ ဖော်ပြထားသည်။

အကြောင်းအရာ အကျဉ်းချုပ်

၁။ ပေါလုသည် အသင်းတော်သို့ မိတ်ဆက်ခြင်းဖြင့် ပီးစာကို အစပြုခြင်း

၂။ ထို့နောက်၊ ပေါလုသည် သူ၏ ခရီးစဉ်ပြောင်းလားပုံ၊ သူရို့ပါးမှ တင်ပြချက်အကြောင်းကို လက်ခံရဟိခြင်းနှင့် အယင်က သူ၏စာအတွက် သူရို့၏ တုံ့ပြန်ခြင်းကို ပြောပြခြင်း

၃။ တဖန်၊ ပေါလုသည် ယေရုဆလင်မြို့၌ ဟိသော ယုံကြည်သူများအတွက် ကောက်ခံရဟိသော ငွီများနှင့်ပတ်သက်၍ လမ်းညွှန်ပီးခြင်း

၄။ နောက်ဆုံး၌၊ ပေါလုသည် မိမိ၏တမန်တော် အရာနှင့်ပတ်သက်၍ ကာကွယ်ခြင်းနှင့် သူ၏ နောက်တစ်ကြိမ် လည်ပတ်မှုအကြောင်း အသိပီးခြင်း