भजनसंहिता 98

परमेस्वर संसार को सासक आय

भजन

1यहोवा को लायी एक नवतो गाना गाओ ,

काहेकि वोय अचरज काम करी सेत!

वोय उज्जो हात अखिन पवीतर भुजा न वोय लायी उध्दार करीस सेस!

2यहोवा न आपरो करयो हुयो उध्दार परकासीत करयो ,

वोय दूसरो राज गिनको निघा मा आपरो नेकपन पिरगट करयो सेस।

3वोना इसरायल को घराना पर को आपरो करूना, अना वाचा,

अखिन सच्चाई की सुधि लेयो ,

अखिन धरती को सबरी दूहुर- दूहुर देसगिन ना

मोरो परमेस्वर को करयो हुयो उध्दार चोयो।

4ओ सारो धरती को लोखहीन ,

यहोवा की जय जयकार करो!

जोस लक जय जयकार करो ,

अखिन भजन गाओ!

5वीना बजाय के यहोवा को भजन गाव!

वीना बजाय के भजन को अवाज आयकवाओ।

6तुरही अखिन नरसिंगा फूक- फूकके,

यहोवा राजा की जय जयकार करो।

7समुंदर , जगत अखिन उसकी रव्हनवारो ला

सबरी जीव ला गरज दोन करो!

8नद्दि गिन थापोड़ी बजाओ!

पहाड़ी मिलके जय जयकार करो!

9यो यहोवा को मोहोरा होय,

काहेकि उ धरती को न्याय करन को लाय आवनवारो से।

उ सासे न्यायीपन लक जगत को, अखिन खराई लक देस- देस को लोखगिन को नियाय करहेत।