भजनसंहिता 97

परमेस्वर सब लेक उच्चो सासक

1यहोवा सबरी धरती पर राज कर रव्हो से , धरती मगन होय ;

अखिन द्वीप जोन लगत सो से, उ भी मजा करो।

2बदली अखिन इन्धयारो वोको चारी कना से।

वोको सिंघासन को पाया धरम अखिन नियाय सेत।

3वोको मोहोरा- मोहोरा इस्तो चलतो हुयो,

वोको दुसमन गिनला चारी कना भसम करासे!

4वोको बिजलीगिन लक जगत मा उजाड़ भयी

धरती चोवके थरथरा गयी सेस।

5पहाड़ी यहोवा , को समोर मोम को जसो पिघल गयो ,

मतलब सारो धरती को परमेस्वर को समोर।

6बादल ना वोको न्याय की बखान करासेत।

अखिन देस-देस को सबरी लोख गिनना वोकी महीमा चोवीसे।

7जेतरो खन्दयो हुयो मूरती को भगती करासेत,

अखिन मूरतगिन पर फूलासेत , वोय सरमा जाय!

ओ सबरी देव हुन, तुम्हि वोको सेवा करो!

8सिय्योन आयक के खुस होती ,

अखिन यहूदा सहेर को टुरीगिन मगन भयी,

ओ यहोवा , यो तोरो निरनय गिनको कारन भयी।

9काहेकि ओ यहोवा , तू सारो धरती को वरता परम परधान से

तू सारो देवतागिन लक जादा महान ठयरो से।

10ओ यहोवा ला माया करनवालो

बूराई लक घिरना करो!

वोय आपरो सेवक गिन को पिरान गिनकी रक्सा करासे ,

अखिन वोला दुस्ट गिनको हात लक बचावासे।

11न्यायीता को लायी उजाड़ , अखिन सीदो

मनवारो को लायी खुसी बोयो गयो से!

12ओ न्यायीहुन, यहोवा को कारन खुस होय

अखिन जोन पवीतर नाव लक वोको हेत करासेत

वोको धन्यवाद करो!