भजनसंहिता 96

परमेस्वर सब लेक उच्चो राजा

(1 इतिहास 16:23-33)

1यहोवा को लायी एक नवतो गाना गाओ ,

ओ सारो धरती को लोखहीन , यहोवा को लायी गाओ!

2यहोवा को लायी गाओ , वोय नाव ला धन्य कव्हजोस ;

दिवस हर दिन वोको सूटकारा को साजरो वाराता आयकवाव

3दूसरो राज गिनमा वोय महीमा , को

अखिन देस-देस को लोखगिन मा वोको

अचरज काम को बरनन करो

4काहेकि यहोवा महान अखिन बेझा स्तुति को लायक से

उ सबरी देवतागिन लक जादा भेव को काबिल से।

5काहेकि देस-देस को सबरी देवता त मूरतगिन च सेत

पर यहोवा न च सरग ला बनायो सेस

6वोको चारी कन वैभव अखिन महीमा से,

वोको पवीतर जघा मा सामरथ अखिन सोभा से।

7ओ देस- देस को सबरी कुल को लोखहीन ,

यहोवा को बड़ाई करो, यहोवा की महीमा

अखिन सामरथ ला मानो!

8यहोवा की नाव की एसो महीमा करो!

जोन वोको लाइक से, भेट लेके वोको आँगनगिन मा आओ!

9पवीतरता लक सोभावालो होयके यहोवा ला नमस्कार करो!

ओ सबरी धरती को लोखहीन ,यहोवा को मोहोरा कापतो रव्हो!

10राज- राज मा कव्हो , यहोवा राजा भयी से।

अखिन जगत एसो अटल से, कि उ नही टलेत!

वा देस- देस को लोखगिन को न्याय

सच्चाई लक करजोस!

11बादल खुसी मनाये,अना धरती मगन भयी जाय!

सागर अखीन वोको मा को सबरी चीज गरज उठयो।

12बर्रा अखीन जोन काही वोमा से उ खूसी होय!

वोच बेरा जंगल को सबरी झाड़ जय जयकार करहेत।

13यो यहोवा को मोहोरा होय!

काहेका उ आवन वालो से।

उ धरती को नियाव करन को लाय

आवनवालो से, उ धरम लक जगत को,

अना सच्चाई लक देस- देस को लोख गिनको नियाव करहेत।