भजनसंहिता 95:1

इसुतिगान

1आओ आमी यहोवा को लाय ऊँचे स्वर लक गावबोन,

आपरी मोक्स कि चट्टान को जय जयकार करबोन!

2आमी धन्यवाद करत हुयो वोको सामुर आवबोन,

अखिन भजन गावत हुयो वोको जय जयकार करबोन।

3काहेका यहोवा महान परमेस्वर से,

अखिन सबा देवतागिन को वोरता महान राजा से।

4धरती को गहेरो जाघा वोको हात मा से;

अखिन पहाड़गिन की छेरछेन्डी गीन भी वोकी च से।

5समूंदर वोको से, अना वोना वोला बनायो से,

अखिन सबरी जाघा भी वोको हात का रचया हुया सेत।

6आओ आमी झुककर हात जोड़ के परनाम करेत,

अखिन आपरा करता यहोवा को सामुर टोघरा टेकबोन!

7काहेका वोच आमरो परमेस्वर से,

अना आमी वोकी चराई की पिरजा को लोखहुन ,

अना वोको हात की हेड़ को मेढ़ागिन सेजन।

भला होतो, का आज तुम्ही वोकी गोस्टी आयकता!

8आपरो-आपरो दिल असो कट्टर मत करो, जसो मरीबा मा,

वा मस्सा को दिवस जंगल मा हुयो होतो,

9जबा तुम्हारो पुरखाओं ना मोला परखिन1,

उन ना मोला जाँचिन अखिन मोरो काज ला भी चोवायिन।

10चालीस साल तकन मी ऊ पीढ़ी का लोगहुन लक रूठयो रव्हे,

अखिन मीना कह्यो, ये तो अखीन मीना कह्यो , “ये तो भरमानवालो मन का सेत,

अना इन ना मोरो मारग ला नही पहिचानीन।”

11योको कारन मीना गुस्सा मा आयके कसम खायो का

यो मोरो आराम को जाघा मा कभ्भू आवन नही पाहेतिन।