भजनसंहिता 94

परमेस्वर सबको नियाव करन वालो आय

1ओ यहोवा, दोसीहुन ला सजा देव ,

परमेस्वर, आपरो तेज दिसाव,

2ओ धरती को नियाव करन वालो ,

उठ अना गरब करन वालो लक बदला हेड़! जोन उनला हकमा से।

3ओ यहोवा ,दुस्ट हुन कब तकन

आपरो बडाई करत रव्हीन?

4वय घमंड को गोस्टी कर सेत गरब कर सेत अना ढीट को जसो गोस्टी करासेत।

सब अनरथ करनवारो बडाई मरा सेत।

5ओ यहोवा, वय तोरो परजा क लोखहुन ला पीस डाकासेत,

वय तोरो लोखहुन ला दुख देवासेत।

6वय बेवा अखीन परदेसी अजनबी पर घात करासेत

अनाथ ला मार डाकासेत।

7अना कव्हासेत का यहोवा नही चोहेत

याकूब को परमेस्वर बिचार नही करहेत।

8तुम जोन परजा मा मूरख जसो सेव

बिचार करो, अखीन ओ बद डिमाक को

लोक हुन तुम्हि कबा अक्कलवर बनहेत।

9जोनको कान दियो का उ खुद आयकासे?

जोनना डोरा बनायो का उ खुदच नही चोवासे?

10जोन रास्ट-रास्ट ला सजा देवासेत,

अना मानूस गिनला गियान सीकावासेत, का

उ नही समजाहेत?

11यहोवा मानूस गिनको बिचार ला जानासेत,

का उ बेकार सेत।

12धन्य से उ मानूस ,जोनला पिरभू सजा देवासेत,

अना आपरो कानून सिकावासेत।

13काहेका तू उनला आफद को दिवस मा

चयन देवातो रव्हासेत, अब तकन दुस्ट को

लाय खोदरा नही खन्द जावासेत।

14काहेका यहोवा आपरो पिरजा ला नही तजेत,

उ आपरो खुद को हिस्सा ला नही सोडेत।

15पर नियाव मंग धरमिकता को अनुसार कियो जाहेत,

अखीन सीदो मन वारो वोको मघानी भयी जाहेत।

16कुकरमी को बिरोधमा मोरो कन कोन उभो रहेत?

मोरो कन लक अनरथ करन वालो को कोन समोर होहेत?

17अदि यहोवा मोरो सहायक नही होतो तो

मोला घड़ी भर मा उघोमुघो रव्हनो पड़तो।

18जब मीना कह्यो मरो पाय घसर गयो से,

तबा ओ यहोवा तोरो करूना ना मोला थाम लियो से।

19जब मोरो मन चिन्ता मा बुड़ जासेत, तबा

मी तोरो दियो सान्ति लक सुकी होवासेव।

20का तोरो अखीन दुस्ट गिनको सिंघासन को बीचमा मेल होहेत।

जोन कानून को आड़ मा उपदरा करासेत।

21वय भगत को पिरान को लाय रक्त बहावन को जमा होवासेत।

वय निरदोस ला दोसी अना मरन को सजा देवासेत।

22पर यहोवा मोरो सरन लेवन को जघा से,

मोरो परमेस्वर मोरो आसरा को चट्टान बन गयो से।

23वोना उनको परच उनको अनरथ को काम ला लवटाहेत,

उ उनको बुराई लक उनला च नास करहेत।

पक्कोच आमरो पिरभू परमेस्वर यहोवा उनको नास करहेत।